2015/04/29

حرمنا المصون

عارف لما تبقى بتحب حد ومش عارف تكتب عنه .. اهو دى اكبر مشكلتى مع مروه مراتى 
ايام الخطوبه كان عندى قدره كبيره اكتب عنها واعبر عن حبى ليها .. بعد الجواز بقيت بحس ان الكلام دا اصغر من انه يتقال فى حقها . 
يعنى فى الخطوبه مثلا كان ممكن تقعد توصف فى حنيتها عشان عرفت انك تعبان فكلمتك سبع تمن مرات فى اليوم. ممكن ساعتها تكتب اد ايه صوتها خفف عنك والخ بقى
طب لما تبقى انت تعبان بعد الجواز وتسهر جنبك وتبقى مش عارفه تعملك حتى لو كان التعب دا مجرد صداع ، شويه مسكن ، شويه طب اجيبلك حاجه سخنه ، ، طب. اقيسلك الضغط ، وتقعد تتشقلب طول ما انت تعبان لحد ما تبقى كويس ، وتطفى النور والتلفزيون والنت وقاعده مبتعملش اى حاجه غير لما تبقى كويس .. ساعتها تكتب ايه عن كده ؟! وازاى اى كلام ممكن يكون كافى اصلا ساعتها.
طب دى الحاجات الماديه اللى ممكن تمسكها فى ايدك .. واللى مبتعرفش توصفها .. امال بقى الحاجات المعنويه.. زمان ايام ما كانت خطيبتك .. مهما كنت بتحبها كان ممكن توصف دا بالكلمات .. كانت لسه الكلمات قادره تعبر .. دلوقتى مبقاش فى كلام عليه القيمه يوصفها .. بقت حبيبتى كلمه صغيره ، وبقت جميله لما توصف جمالها كلمه عبيطه مبتوصفش جمالها ولا نصه ولا ربعه
انا حاولت اكتب بس مش عارف .. انتى اجمل من كل كتابه فى الدنيا واحن من انى اوصفك بكلمتين صغيرين 
انا بحبك

هناك 3 تعليقات:

فاتيما يقول...

مش اللى بيحب بس بيكون عاجز يلاقى كلام ..
اللى بيشوف المحبة وقلبه ينشرح بيها هوه كمان مبيعرفش يقول كلام كتير ..
حاسة بيك جدا يا بطوط
عشان نعمة وجود يوسف ف حياتى مخليانى عاجزة عن أى وصف وتعبير
غير انى طول الوقت بقول لروحى جهرا وصمتا ... الحمدلله
وبردد الوعد دا كل كام دقيقة لنفسى عشان افكرنى
"ولسوف يعطيك ربك فترضى "
واقولى انا محظوظة قد ايه
هوه دا الرضا اللى ما بعده شىء
ربنا يديمها عليك نعمة
ويهنيك بالمودة والرحمة
ربنا يخليكم لبعض
ويحفظكم من الحسد
ويهدى سركم ويسعدكم ويهنيكم ويفرح قلبكم ببعض كمان وكمان يا رب

غير معرف يقول...

ماشاء الله ربنا يديم عليك
نصيحتي..اوعي تبطل تقول اللي حاسس بيه ليها حتي لو الكلام هيبقي ااقل من شعورك




احنا (ااقصد الستات عموما) مش بنشم علي ضهر ايدينا عشان نعرف اللي عندكوا من غير ماتنطقوا

وصل سلامي لحرمكم المصون

روز

Saturn يقول...

Ana msh ha-comment 3l klam el gameel , bs bgd Wow! 3esht w shoftk mtgawz ya batooot!! Congratulations .. I'm sooo happy for you bgd

P.S.I'M TOO NOW! SHOFT EL DONYA! :D!