2010/01/20

صديقى العزيز




عارف انك زعلان لانى بقالى كتير مبسألش 
عارف والله انى مقصر فى حقك
بس والله انت واحشنى وواحشنى جدا كمان

انا بس  خايف اقابلك تسألنى ( انت عامل ايه)
خايف اكدب عليك واقولك انا الحمد لله كويس وزى الفل
لأنى متعودتش انى اشكى 


او تكون سمعت عن اخر اخبارى 
فلما اقابلك خايف اشوف نظره حزن فى عينك وانت بتقولى ( هو الدنيا عملت ليه فيك كده)
وساعتها هكدب وهقولك انا هبقى كويس اوى قريب ان شاء الله

بس الحقيقه انا مش عارف هبقى كويس ولا الدنيا هتبوظ اكتر
انت واحشنى والله العظيم
بس انا مش عاوز لما اشوفك اكدب

بس وعد لما الدنيا تتظبط هجيلك واسأل زى ما كنت بعمل
وهحكيلك اللى عاوز تسمعه بالتفصيل
بس دلوقتى مش هقدر الا انك توحشنى 






انا قفلت التعليقات عن البوست دا لانه موجه لشخص واحد مظنش انه هيكون عاوز يعلق
وان شاء الله قريب هكتب بوست يعتبر الجزء التانى من بوست ( رحله البحث عن كومنت )