2008/11/22

حب ليس هو الحب

وكانت اول من رأت عينى فى هذا الصباح , تطل بوجهها الملائكى الذى دفعنى للنظر إليها متأملا هذا الجمال البديع الذى يطل من خمارها البنى فيظهرها رائعه الجمال.
على وجهها تعبيرات مدهشه , لا تستطيع تفسيرها للوهله الاولى , عيناها تشى بحزن عميق فى داخلها , لكنها سرعان ما تتبسم وكأنها تذكرت موقف ما.
جالسه هى فى ركن بعيد - حين رأيتها- كانت تكتب شئ ... دفعنى فضولى ان ارى كيف تكتب الملائكه.. تصنعت وكأنى اريد ان القى منديلا فى صندوق القمامه - القريب منها - حين اقتربت احمر وجهها خجلا .. فتضاعف جمالها وشدنى للنظر اليها اكثر.
استطعت ان ارى بلحاظ عينى شكل خطها .. صغير جدا وجميل ايضا ..لكنى لما استطع ان اقرأ حرفا واحدا.
إنصرفت بعيدا عن نظرها - اختلس اليها النظر ولا ترانى .
فجأه قامت ومزقت ما كانت تكتب ورمته فى الصندوق - ولعلنى لمحت دمعه على خديها - انتظرت حتى ابتعدت واخذت الورق -احاول ان اجمعه - بفضول طفل.
السطور القادمه هى ما وجدته فى الورقه.
كان مكتوب فيها
" الى صديقى .. رغم اعتراضى على هذه التسميه التى لم توجد قط فى قاموسى .. بل وارفضها كما تعلم صديقاتى - ارفض الصداقه بين الجنسين - لكنك جئت فى طريقى بمصادفه عجيبه لم اتوقعها انا نفسى , خطفت قلبى البك بطريقه لم افهمها حتى الان.
اريدك ان تصدق ان ما اكنه اليك "حب" نعم حب لكنه " حب ليس بمعنى الحب" لكنى احب ان اسمعك , احبك ان تتكلم - يعجبنى قاموس كلماتك التى تبدع فى اختيارها جدا - تدهشنى تصرفاتك , معك انسى نفسى , انسى همومى وأضحك معك من قلبى
صوتك قادر ولو بكلمه بسيطه فقط ان يخرجنى من حالتى النفسيه الاسوأ الى حاله من السعاده لا استطيع وصفها.
حين تنتهى المكالمه- التى اود الا تنتهى- اظل اتذكر بعض كلماتك وابتسم .. واضحك من القلب
انت الوحيد الذى اريد ان اعرفه جيدا , استمتع بمعرفه تفاصيله , فى داخلى فضول لإكتشافك وكأنك جزيره جديده وانا من سيكتشفها , استمتع باسلوبك فى صنع الحكايات , وبطريقك فى تعبيرك عن نفسك .
ارجوك لا تفسر - كل هذا - بأنه حب .. نعم هو حب "لكنه ليس هو الحب الذى هو الحب" , هو حاله من نسيان النفس معك .. ادركها واستمتع بها لكنها "ليست حب الذى هو الحب".
اتمنى وانت تتحدث الا ينتهى الوقت ابدا , اتمنى ان اراك واجلس معك اليوم كله , نتكلم عن اى شئ وكل شئ , اريد ان اراك تتكلم فى كل شئ استمتع بمجرد ان اراك تتكلم , واضحك من تعبيراتك التى تخترعها والتى لا تنتهى.
حين اهم ان اطلب هذا منك اتذكر سؤال سخيف بلا معنى .. بأى صفه؟؟ بأى صفه استطيع ان اجلس معك؟
الحب ؟!! قلت حبى لك ليس هو الحب .. الصداقه ؟؟!! ليست فى قاموسى -بين الجنسين - ولا فى قاموس اهلى واظنه ولا فى قاموسك.
اقع فى الحيره واسأل نفسى هل ستظل فى مكانك وانا فى مكانى مرتبطين بـ حب ليس هو الحب وبصداقه ليس كـ الصداقه؟؟.
امس حكيت لى ما حدث بينك وبين حبيبتك ... تمنيت ان اكون هى , قريبه منك بقدر قربها منك , غضبت منها لأنها اغضبتك , كرهتها .. وحين قلت لى انه خلاف عابر وانتهى ..احببتها لانها اسعتدتك.
غرت منها خوفا ان تأخذنى منك...وكأنك كنت لى.
فى المساء .. وانا على سريرى اتذكر كلامك حرفا حرف .. ابتسم حين أتخيل او أتذكر طريقتك وانت تحكى .
لكن امس توقفت فجأه عند سؤال ارقنى طوال الليل.
هل اخون حبيبتك؟؟ وقف السؤال علقم فى حلقى .. صدقنى لو كنت استطيع ان اقول لك - لأتخلص من هذا العلقم - لا اريد ان اراك , او اسمع صوتك لفعلت . احتاج اليك بشكل يشبه الحب - لكنه حب ليس كالـ حب.
روحى معذبه الان اكثر من الاول .. اسألك لماذا حكيت لى عن وجودها؟؟ أخاف اصبح خائنه لامرأه لا اعرفها .
ترى هل تقبل - وهى التى تراك وتجلس معك وتستمتع بك طوال الوقت - ان احبك حبا ليس هو الحب .. وان تحبنى حبا ليس هو الحب ... ان اكلمك واقابلك كلاما ليس هو الكلام ومقابله لا تعنى المقابله .. وان تصبح صديقى بطريقه غير تلك التى يعرفها الناس.
اريدها فقط ان تصدق اننى احبك نعم .. لكن ليس هو الحب .. اريد ان اشاركها فيك نعم .. لكن ليست هى المشاركه.
وهل يستطيع الناس فهم هذا الذى اتمناه ؟؟ ام ربما سنظل هكذا الى الابد
فقط اريد ان اقول لك
احــبـــــــــــــــــــــــك"
اكتب ثانيه بناءا على نصيحه سومه .. مجنونه فى بلد عاقل واتمنى ان يقدر الجميع غيابى عنهم وعدم تعليقى.

هناك 33 تعليقًا:

مواطن مصرى نايم يقول...

حمدالله بالسلامة يا بطوووووووووووط
وحشنىىىىىىى
جدااااااااااااااااااا
جداااااااااااااااا
جداااااااااااااااااااا
و الله و لسه قايل لسومة كده

ضــى القمــر يقول...

يا لها من صطور .. بدأتها بالتشويق

وانهيتها بدمعه ..

ويالقلب هذه الانثى .. المحيره والغارقه فى الحب .. الذى هو الحب بعينه .

عن جد يالها من رائعه .. ويالك من محترف ..

لكن هل علمت هى بشأن قرأتك لخاطرتها .. أم لا ؟؟:)

عودة حميده يا بطوط

بل عودة قويه بمعنى الكلمه

بوست بجد رائع .. وبه الكثير من المشاعر الرقيقه

أجمل تحيه لك ولسومه لأنها استطاعت اعادتك لمدونتك وللجمع

تقديرى واحترامى لك

ست البيت يقول...

عود أحمد
أشعرلا بكل حرف قالته هي لك
حينما يكون الارتياح هو العنوان وتصبح الحيرة بين ما هو كائن والمفترض ألا يكون
وما يمكن أن أفعله لأنهي الحالة الغريبة

نصيحتي أن تنساه لأنها تبحث فيه عن صديق
وهي قاموسها لا يحوي تلك الكلمة
ويجب ان تفر قبل أن يحدث لقاموسها update ويحط كلمات لا ترضاها

تحياتي لها و...لك
تدوينه حلوة تمس المشاعر
بس مالك يا بطوط داخل شمال اليومين دوووول
اعدلللللللللللل
عود أحمد
دمت بحفظ الله

غير معرف يقول...

قتلى مره انك استعرت جمله من حوار بتاعى وحطتها فى البوست ده ... بفكر اعمل حركه نداله واخد جملتى من نص البلوج والكلام يقع على بعضه والمدونه تتكركب وتضطر تستعين بصديق عشان ترتبها
من فضلك ماتاخدش حاجه منى تانى عشان انا مش بسيب حقى :))
نرجع للبلوج بقى
مقال ادبى رائع ومادام ماخدتش اوسكار على بلوج رحله انا هكلمهملك ع البلوج ده... بجد يابطوط كتاباتك تحفه _مش كلها طبعا_لكن فعلا بستمتع بقرايتها
بالنسبه بقى للبنت اللى انت بوظت سمعتها دى عايزه اقولها حاجه
نفسك ان لم تشغلها بالحق شغلتك بالباطل

مهما حاولت تدور بقى على مبررات او تخترع لنفسها مسميات جديده مش موجوده اصلا
والله يابنى اللى مع ربنا مش بيتعب...ومهما دورنا على السعاده بعيد عنه مش هنلاقيها ...ولو موجوده هتبقى مؤقته ويمكن تورث فى القلب ندامه تتعب باقى العمر
ملحوظه D:
مش عايزه حد يفكر ان مثاليه والكلام ده...انا بس بقول الكلام اللى انا شايفاه منطقى


سلاااااااااااام

غير معرف يقول...

اه نسيت حاجه ملهاش اى علاقه بالبلوج
D:
لما عزلت من 360 وجيت هنا كان فى تغيير فى اشكال بلوجاتك...اظاهر ان تغيير الجو من مكان لمكان بيغير فى الشخصيات...نصيحتى بقى لما تخلص السنه دى وتبقى موظف اد الدنيا كده تبقى تغير الشقه دى وتروح صفحه جديده...هبقى افكرك وقتها وهتشوف ازاى هتدخل فى طريق تانى خالص فى الكتابه

صاحب المضيفة يقول...

انا لحد دلوقتي مش فام حاجه

انت يا عم

الكلام ده بتاعك ولا بتاع حد تاني

وانت اللي كاتبه ولا حد تاني

على العموم لو بتاعك وليك مش هاستغرب لان العيلة يابني عيلة عريقة وكبيرة بالكفاية لدرجة انها تطلع المواهب دي

:):):):):)

تحياتي

mohamed ghalia يقول...

بطوط حبيب قلبى
عود أحمد للكتابة
واسأل نفسى هل ستظل فى مكانك وانا فى مكانى مرتبطين بـ حب ليس هو الحب وبصداقه ليس كـ الصداقه؟؟
وفى النهاية أحبك
ايه ياعم الكلام الجامد ده
حقيقى ابدعت بمعنى الكلمة
ويبدو أن الكتمان يخرج الكثير والبعد يجعل الإنسان يكتب بإحساس أعلى
تحياتى أخى وحبيبى
دمت بكل الود

صبرني يارب يقول...

حمد الله بالسلامه

حلو اوي الكلام يا بطوط بجد بعيدا عن التقييم الادبي عشان انا فاشله ادب

انما الموقف نفسه والموضوع الى بتناقشه القصه مهمه اوي

وهل فعلا احنا كمجتمع هانقدر نحترم علاقه بين ست وراجل من غير ظنون ومشاكل

ولو بطلةالقصه دي حبيبة صديقها وافقت على وجودها

تفتكر لما يبقى لها هي زوج هايوافق على وجود صديقها فى حياتها ؟؟؟

هل سنظل فعلا نحصر الحب فى مكان واحد حب بين رجل وامرأه حب بمعناه الغرامي

ولا هناك مكان للحب فى الله بين الجنسين برضه عادي

من وجهةنظري الحب فى الله له مكان والعلاقه الودوده بين الجنسين برضه عادي

لكن اهم حاجه ما ننساش ابدا نطبق القواعد الشرعيه الملزمه فى التعامل بين الطرفين
اذا مشينا عليها الموضوع هايبقى عادي جدا

تحياتي لك وللموضوع المهم الى انا هاتكلم فيه ان شاء الله فى الرؤيه عندي بناء على طلب مدون كريم

محمد فاروق الشاذلى يقول...

ألف حمدا لله على السلامة يا دكتور
الرسالة رغم جمالها ورقتها لكن أنا شايف إنه مش من حقك نشرها بدون إذن صاحبتها

مها يقول...

بطوط البطابيط
منور فحت بجد

أما عن الرسالة فقد أشفقت على البنت جداً من الخوف والحيرة المؤلمة..

هو الحب الأول وأعراضه.. لكن لوجود فتاة أخرى فى القصة ترفض البنت الاعتراف بأنها تحب.. فهو حب لكنه ليس "الحب" معرفاً بالألف واللام!!
لكنها تنهي رسالتها باعتراف صريح"أحبك"!

فى اعتقادي أنها مسألة وقت..
قصة قصيرة أخرى..
هكذا قدر لها أن تكون..


ما تغبش عننا كتير يا حبوب
وخدها للدور التاسع واحدة واحدة
ههههههههههههههه

غير معرف يقول...

عجبت جدا لتلك الرسالة..وقد ساورتني الشكوك في أنني انا من كتبتها..فكأنك تتحدث بلسان حالي
فعلا هذا الحب الذي ليس هو حب موجود في حياتنا..وكل منا بحاجة له
فالصداقة الحقيقية تعتبر صورة من صور الحب.. بغض النظر عن كون طرفيها من نفس الجنس أو مختلفان
أشفق على كاتبة تلك السطور من كل قلبي وأدرك جيدا مشاعرها الجميلة
وحتى لو كنت أنت قد نسجت تلك الكلمات من خيالك المبدع
فاسمحلي أن أقول لك إن تلك الحالة موجودة بالفعل وأشكرك على إثارة هذا الموضوع وطرحه للنقاش
فللأسف الشديد نحن نعيش في مجتمع يرفض هذه العلاقة الجميلة ويخطئ دائما وأبدا في فهمها بشكلها الصحيح
ومعظم تلك الصداقات تعيش في الظل ويصعب على أطرافها التصريح بها علناً وأمام الجميع تخوفاً من سوء الفهم
وياليتنا نستطيع أن نعيش الحياة بوضوح وصراحة ونحرر أفكارنا السجينة
ونتفهم حاجات بعضنا البعض
ونكون رحيمين ببعضنا البعض
فالصداقة نعمة ورحمة من عند الله
ليه بنحرمها ونخاف منها ونخفيها واحنا في أمس الحاجة ليها

حمامة يقول...

بجد بجد رائعة
ما أجمل قلبها
رغم انه الحب الذى لا تريده هى كالحب
ولكنه قطعاً هو الحب :)

ابدعت ابدعاً مبدع :D

نورتنا الحبة الصغيرين دول :)

Kiara يقول...

حمد الله علي السلاااااااااااامه وبوست بجد رووووووووعه

لالا بطوط بوطوط مش اي كولاااااااااام

بس دموعها صعبه اوووووووووووي

Mahmoud البطراوى يقول...

تنويه مهم

البوست قصه
مفيش بنت بالطبع وانا قعدت ابص لها والحوارات دى
واكيد انى مش همد ايدى فى صندوف الفمامه عشان فضولى

انا بس عاملها دباجه للوصول للهدف.
واكيد انى مش هنتهك خصوصيه واحده للدرجه دى
والله على ما اقول شهيد

صيدلانيه طالعه نازله يقول...

ازيك يا بطبط وحشتنا دا
بصراحه الكلام جميل جدا و بيوضح حاله حيره من تحب بحق بل و تهيم عشقا بس من جواها مقيده بعاداتها و تقاليدها اللى بتخلى البنت تموت الف مره قبل ما تعترف بحبها لمن تحب
بصراحه احنا بنشكرك على القصه الرائعه دى سواء كانت ورقه قريتها اما لو كانت بتاعتك تبقى انت بذره جميله لكاتب قصه قصيره رائع و ناجح انشاء الله
تحياتى لك و متطولش الغيبه

Maha Shahen يقول...

جميل يا بطوط بس مجاوبتش علي الحيره برضوا
يعنى طرحت حاجات بنفكر فيها لكن هل ملهاش حل
هل مفيش وسط بالفعل لحب لائما لا
انا شخصيا مش مقتنعه ان في صداقه بين ولد وبنت
بس في ناس بتتعرف عليهم مش بتفكر فيهم كأحباء
بس بتحب تشوفهم وتتكلم معاهم ومش بتتأثر لو خطبوا
الا لو علاقتك هتتقطع بيهم
لخابيط في لخابيط
بس الهم انك صورت مشهد رائع بكلمات اروع
خالص تحياتى ليك ومتتوقفش عن الكتابه حتى لو مش بتقدر تعلق
هتتقدر ظروفك مش تقلق من اللي بيحبوك

yas يقول...
أزال المؤلف هذا التعليق.
غير معرف يقول...

منك لله يا بطوووووووووووووووط
يعنى كان لازم اقرا؟؟؟؟؟؟؟؟

بس افتكرتك من يوم


مبحبش اقرا حاجة بالقوة دى و التعبير ده عن الموضوعات دى

:D

هتخلينى كده اقعد افكر بقى مممممممممم

المهم يا رب تكون تمام


دعواتك بقى

حواء يقول...

أولا السلام عليكم
ثانيا قصه حلوه اوي
فكرتني بموضوع كده
وانا بفكر جاتلي نفس فكرة البوست
لو جاتلي واحده وصارحتني ( وانا احب اوي اللي يستغل نقطة الصراحه معايا )وقالتلي انها بتحب جوزي وبتعرض عليا تشاركني فيه
هتعملي ايه يابت يازوجه؟؟؟؟
لحد دلوقتي مش لقيه اجابه

غير معرف يقول...

السلام عليكم
هذا كومنت ليس كومنت ولكنه كومنن فانا ارتاح عندما اكومن على بوستاتك ولكنه ليس كومنت

مش فاهم اى حاجة! ايه ده يا بطوط

مها يقول...

جمعاوي ..
ههههههههههههه
انت شغبات مكغغ يا جمعاوي ..
بس انت فعلا جمعاوى والا لست جمعاوى ؟؟؟
ههههههههههه

اسماء يقول...

سلام عليكم
ازيك يا بطوط دي يمكن اول مرة اعلق ع موضوع عندك
بس ده مش معناه ان المواضيع مش عجباني بالعكس معظمها جميل بالذات موضوع صرصار في العيش بيضحكني اوىىىىىىىى لانه حصلىىىىىى
المهم انا بس حبيت اقولك ان المدونخانة وده باب بيطلع كل خميس في ملحق اسمه تيلي بيزنس مع جريدة العالم اليوم
والمدونخانة باب عن المدونات كتبت فيه عنك وعن مدونتك
يا ريت تقراه وتقولي رايك

موناليزا يقول...

حمدالله على السلامة
واقعية جدا
وهذا قناع ترتديه الكثيرات وهم لايشعرون ولكنها هنا يجب ان تعلم ان مابينهم لن يستمر

غير معرف يقول...

السلام عليكم

بصراحة و بدون مجاملات زي مقلت في البداية ...

قصتك مش منطقية بالمرة ..لسسب بسيط جدا ..وهو أن بطلتها مختمرة ..
و لو حبيت أفكر للحظة أن ده ممكن تكون أخلاق المختمرات ..اللاتي يحمر و جههن خجلا ..كما قلت ...

فلن يكون لدي أي كومنت سوي يا خسارة الخمار ؟!!!!!!!

و يا خسارة غض البصر !!!!

تحياتي إليك

maha zein يقول...

يا عم يا عم
يا عم يا عم
ايه ده بقه
مفيش ولا كلام ولا سلام
يعني انت يا راجل انت حكايتك ايه
اعمل فيك ايه
يلا هسامحك
حمد الله على الطلة دي
وربنا ينجحك في الامتحانات
وقصة رائعة
طيب احب اعرف بردو يعني
الواد اللى كان عمال يبصلها وهيموت عليها يعني
موقفه ايه دلوقت
لما يعني اكتشف انها بتحب واحد حب ليس كالحب
يعني بردو معرفتش
كنت عوزة اكمل واشوف هيعمل ايه
هل هيروح يسكعها علي بوزها
ولا هيحاول ينسيها
ولا ايه
قولي يا حاج طمن قلبي وريح بالى

بوست رائع بجد يا بطوط واسلوبه جديد شوية عليك
او بقالك شوية مش بتكتب بيه

متغبش كده يا عم انت

غير معرف يقول...

مدونتك حلوة اوي
بس سؤال بما انك في طب اسنان بقى

هو في تقويم أسنان بالليزر لو سمحت بجد ضروري ترد عليا

أختي عايزة تعمل تقويم لسنة واحدة عندها في الفك اللي فوق
فهل فعلا في تقويم اسنان بالليزر لأنها مش عايزة تعمل التقويم اللي بيدوم فترة ده ؟؟؟
وجزاك الله كل خير

Mahmoud البطراوى يقول...

مواظن مصرى نايم

الله يسلمك يا مان والله انت كمان ليك وحشه
نورت المدونه

****************
ضى القمر
احب اطمنك ان القصه محلتصش خالص .هى مش اكتر من مشاعر وصلتنى من خلال الكلام مع مجموعه اشخاص بعضهم ولاد وبعضم بنات
والحبكه من عند العبد لله
سعيد انها اعجبتك

****************
ست البيت
الى دايما منورانى
ههههههههههههههههه
انا داخل شمال ؟؟ انا مودى اليومين دول بس هو الى كده
المهم عجبتك وبجد نصيحتك فوق الروعه

*****************
روز
عجبنى فى تعليق حاجه
بس المشكله ان التعليق للوقايه اكتر منه لعلاج صح؟؟
دا الى انا شايفه بس المشكله دى لما بتقع العلاج صعب جدا ومش بكلامك ده ممكن تتحل رغم انه كلام جميل جدا
وصدقينى البطله - الى فى دماغى - مش هتعرف تعمل كده
:)
-------
وانا بالفعل بالفعل بمر بطفره جيده فى الاسلوب مش عارف احسن ولا اوحش مش لازم اغير المدونه عشان تحسى بكده
اصبرى وهى الباسورد هيضيع لوحده زى ما متعودين
نورتينى بجد يا روز ومنتظر التعليق الى هيخلينى احس انى ذكى
:D

*******************
صاحب المضفه

شهاده اضعها وسا على صدرى
وطبعا دى كلماتى
تحياتى

*****************
محمد غاليا
واد يا محمد يا بن خالتى امسح كونتك ده واكتب كومنت افهمه
:)
****************
صبرنى يا رب
من وجهةنظري الحب فى الله له مكان والعلاقه الودوده بين الجنسين برضه عادي
حتى لو كان المجتمع بيرفض ؟؟
مش عارف

******************
قلب مصرى

الله يسلمك
دى قصه خياليه والله
رغم انها مأخوذه من الواقع

نورتنى

*****************
مها
نورتينى يامها بجد
وتحليك الرائع للقصه وبطلتها وتعليقك على جمعاوى الغلس :) الى تحت هيقراه تانى قبل ما اعلق عليه
نورتينى
:) وجمعاوى له يوم
****************

Heba
اظن ان حبها الذى ليس هو الحب لازم يفضل مكبوت لسبب بسيط لو حبيبته وافقت فحبيبها -مش البطل اقصد فى المستقبل - مش هيوافق
سنه الحياه

****************

حمامه
بجد انتى الى رائعه
****************

مولان

ربنا يخليك

Mahmoud البطراوى يقول...

صيدلانيه طالعه نازله
القصه خياليه :)
وشكرا على كلامك الجميل عنها


*******************

نور شاهين
لازم ميكونش فى نهايه لحيرتها
لان اى نهايه مش منطقيه
انا شايف كده:)
نورتينى بجد
*****************

بنت المسلمين

انا اسف :(
بس دى حاله انا كنت عايشها وكنت عايز انقلها
يارب اكون وفقت بس

*****************

زوجه
وعمرها ما هتكون فى اجابه منطقيه
تحياتى لك

****************

جمعاوى
ايوه حضرتك؟؟
دا انت هتشوف ايام سوده على كلامك ده
اصبر انت بس

ال جمعاوى ال
:)

ماشى يامان لك بوست يترد عليك فيه

*****************

مها
بلاش تتحالفى مع الاشرار
الواد ده هيضيع وانصحك اقطعى اى كلام بينك وبينه
:)
*****************
اسماء

شكرا جدا على كلامك الجميل ده بس انا مش عارف اشترى انى عدد ؟؟
لو ممكن تبعتيلى الكلام ع الميل او انشريه فى مدونتك وانا اقراه
شكرا جدا على الاهتمام وبجد واتمنى نكون اصدقاء

******************

موناليزا

كنت منتظر تعليقك جدا
وطلع اصغر من توقعى
وكلامك منظقى جدا

Mahmoud البطراوى يقول...

د سلمى

القصه مش منطقيه؟؟ وعشان كده هى مجرد قصه
رغم ان بطلتها من لحم ودم فى الحقيقه بس انا مشفتهاش الصبح ولا كتبت ورقه ولا الحوارات دى
ما علينا

تحياتى لك وشكرا على النصيحه بغض البصر

******************

مها زين
ايوه حضرتك؟؟
ولا عمل لها اى حاجه لانها اختفت من ودامه
:)

ههههههههههههههههه

*****************

غير معروف
على حد علمى مفيش تقويم بالليزر ده انما ممكن السنه تتظبط فى مكانها عن طريق ان الدكتور ييردها من ناحيه ويزود ب كوموزيت من الناحيه التانيه ( الى هو الليزر ده) بس ده فى الحالات البسيطه جدا جدا اجدا
ده الى اعرفه و ع العموم التقويم ده احنا- الممارس العام - مش بنقدر نشتغله بدون دبلومه ودراستنا عنه سطحيه جدا ومش متابعين الجديد فيه بالطبع
عشان كده انا قلت عى قد علمى

غير معرف يقول...

,,غير معروف
على حد علمى مفيش تقويم بالليزر ده انما ممكن السنه تتظبط فى مكانها عن طريق ان الدكتور ييردها من ناحيه ويزود ب كوموزيت من الناحيه التانيه ( الى هو الليزر ده) بس ده فى الحالات البسيطه جدا جدا اجدا
ده الى اعرفه و ع العموم التقويم ده احنا- الممارس العام - مش بنقدر نشتغله بدون دبلومه ودراستنا عنه سطحيه جدا ومش متابعين الجديد فيه بالطبع
عشان كده انا قلت عى قد علمى,,


أشكرك جداً على الإجابة
بس ممكن طلب كمان
لو تعرف أسماء دكاترة وعناوينهم وتليفونتهم متخصصين في ده

ويبقى جزاك الله كل خير

غير معرف يقول...

معلش مضطره اقولها تانى
عشان السمع وكده

نفسك ان لم تشغلها بالحق شغلتك بالباطل

اذكرك واياى بالجمله دى
احفظها اوى
وركز فى مزاكرتك اوىىى
مزاكرتك هى شغلك دلوقتى ...اتقنها اوى واتق ربنا قيها اوى وربنا هيفتح عليك فى كل حاجه
ادعى ربنا يقتحها عليك فتحا مبينا
ادعى ربنا يوفقك فى مزاكرتك ...وكل حاجه بعد كده سهله
ادعى ربنا يثبتك
ادعى ربنا يوفققك للخير
ربنا اعمل بينا من نفسنا
وعسى ان تكرهوا شيئا ويجعل الله فيه خيرا كثيرا

هوه انا برده اللى هقولك الكلام ده ياشيخ محمود

عارف كان عندى موضوع شاغلنى وانا ايام الامتحانات من سنتين ومكنتش عارفه امسك ورقه وقلم ومش بفكر الا لما اعد ازاكر...كنت بعيط عشان اعرف ازاكر...كنت بعد اقنع نفسى انى هزاكر شويه ولما اخلص ابقى اعد افكر...حاول تضحك على دماغك وان شاء الله الامور تكون كويسه
صدقنى فتره وهتعدى... اسألنى انا على الازمات اللى شبه كده

غير معرف يقول...

ملحوظه
على فكره التعليق ده على البلوج ده والجديد كمان

غير معرف يقول...

gamda ya batoot

pinky