2007/12/31

اخر صفحه

اخر صفحه فى الموضوع ده ولازم تتقفل طالما 2007 ماشيه تاخد الصفحه دى معاها على الرغم من انها قديمه بس حاسس انها لازم تتكتب تاى النهارده عشان اتاكد انها هتمشى مع 2007
انا طبعا مبعرفش اكتب شعر - بالرغم من انى بحب قرايه الشعر اوى- بس انا قلت هستخبى فى العاميه ومش هيبان انى مبعرفش خالص اصل العاميه ركيكه بطبعها فمش هتزعل يعنى لو قلت كلمتين من نفسى
اسمع يا سيدى
بعنوان جرحتك نعم
ايوه جرحتك

ولو رجع بى الزمان ألف مره

كنت هجرح فيكى تانى


مش لانى مش بحبك

ومش لانى دايما انانى

ما انتى مش عارفه الحكاية


لما تلاقى نفسك في يوم وليله

ضايعه ومش فاهمه الحكاية

لما يجى الزمان من ورا ضهرك


ويسيبك غرقانه في دمك

ويطلب منك تحبي

هل ساعتها هتقدرى تهتفي

انك بتحبينى أنا ؟


ولا ساعتها هدورى على جرحك

إلى مكنش سببه أنا!!


أيوه قالوا لو جه الطوفان

حط ابنك تحت القدم


بس أنا كنت فاكر انى

ثابت كالجبل

ولما جت حبت رياح

لقيت نفسي في العدم


وانتى مش عارفه الحكايه

والحكاية با ختصار

انى لو كنت بحبك بجد

لازم دلوقتى اقولك كل واحد فينا من طريق


مقدرش أقولك خليكى جنبي

مقدرش أقولك إنى زى ما كنت زمان

حمال آسيه وقاضى الغرام


انتى فاكره انى جرحتك؟؟

صدقيني إلى بيموت

وهوة في لحظه السكوت

عمره ما يجرح إلى حبه

ولا يخون العهود
محدش يشتم انا قلت اهوه دول كلمتين قلتهم وخلاص وكمان انا عارف انه وحش بس هعمل ايه ياعنى مبعرفش اكتب شعر عااااااا عااااااااا

هناك 5 تعليقات:

Marwa Friday يقول...

كل سنة وأنت طيب يا محمود
ربنا يوفقك يا دكتور
بجد الشعر فيه بوادر حلوة جدا جدا ..
يارب تكون 2008 سعيدة وجديدة عليك آمين يارب ..آمين
ابقى علق في المدونات التانية عشان تدينا فرصة نزور مدونتك ..أنا زرتها كده ..حظي حلو

بطوط حبوب يقول...

شكرا على المجامله
وربنا يوفقك

غير معرف يقول...

تحب اكتبلك التعليق هنا تانى ولا بلاش فضايح ... عموما انا مش هخاف من حاجه مهو خلاص السفير بتاعنا عندنا ومفيش حاجه تهددنى بيها (;

بطوط حبوب يقول...

نورتى يا روز

Nairy يقول...

جدع يا محمود

عدم المؤاخذة يعني

انت ما بتعرفش تكتب شعر

ههههههههههههههههه

خليك جنب الحيط وملكش دعوة ببتوع الجماعات اياها ولا بكتابة الشعر


القراية نفسها هيا الموهبة الحقيقية وبجد اكبر نعمة من عند ربنا ان الواحد يبقى عنده دماغ كويسة يعرف ينقي بيها ايه اللي يقراه ويستفيد منه