2008/01/29

ماما .. انا عايز اتجوز



المشهد: انا نايم فى الصاله ع الارض ومتغطى وجابنى كوم مناديل وطبق فيه تلج وامى جنبى بتعملى كمادات وكمان عندى امتحان الصبح


-انا شكلى هموت ياماما

*كل ده عشان شويه برد

-بجد انا شكلى هموت بس الى صعبان عليه انى هموت من غير ما اتجوز

*شوف احنا فى ايه وهوه فى ايه

-لا بجد طب مين هيصوت عليه لما اموت وانتى شكلك كده مفيش فيكى حيل للصوات

*لا مقلقش انت خالص هنبقى نتصرف

-طب قوليلى كلمه حلوه وانا فى اخر ساعاتى فى الدنيا

*اقولك ايه يعنى

-قوليلى انك هتجوزينى

*حاضر

-اقولك انا خطرت فى دماغى فكره بلاش حكايه تجوزينى دى

*ايه عقلت وربنا هداك

-هتسى ..... لا انا خطرت فكره هترضى كل الاطراف

*ايه؟؟؟؟؟؟؟؟؟

- اشتريلى جاريه

امى تفطس من الضحك ووووووووو طش......... ده صوت طبق الميه الى بقى فى وشى

-ايه ده عشان انا مريض ومش هقدر ادافع عن نفسى
* لا والله غصب عنى طب وهتجيب لك جوارى منين

-فى جنوب افريقيا بيبيعوا جوارى لسه
تتدخل اختى وتقول يا عينى عليك يا محمود اخرتها جاريه من جنوب افريقيا وده اثر افلام الرعب الى بتشوفها

- (انا فى نفسى) الظاهر البت دى بتتكلم صح شكلى هدبس نفسى فى جاريه سوده جداااااااااااا وانا مش بحب اللون الاسود خالص ومش ناوى اخلف بكار

*خلاص انا موافقه

-( اسرح تانى بخيالى ) اه وكمان ساعتها امى ايام الامتحانات تقولى مفيش جوارى الاسبوع ده فى مذاكره ولما تحب تعاقبنى تشيل الجاريه فوق الدولاب او تبوظ البور بتاعها

*هاااااااا قلت ايه

-بصى ياحاجه انتى ناويه تجوزينى امتى ؟؟؟؟؟؟؟؟

*بعد الكليه ب 2 سنه

-والله ليه ناويه تخليلينى ولا بتساعدينى ع الانحراف ؟؟؟؟؟؟؟؟؟ هوه ايه الذل ده ولا عشان جوزك وابوكى ماتوا محدش هيمشى كلامه عليكى لأ فوقى انا هنا الكل فى الكل الكلمه كلمتى والشورى شورتى

اتخن صوتى وافرك شنبى واقول بصوت عالى ::::::: امينه ارجع من الامتحان الاقيكى روحتى بيت ابويكى يا امينه
*حراااااااام عليك يا سيى السيد

- من امتى بتردى على يا امينه؟؟؟؟؟؟؟

*والنبى اسفه يا سى السيد

-طب انا هخطب فى امتياز يا امينه وشيلى بقى الفوطه دى عشان اقوم اذاكر

*بعينك يا سى السيد

وفى الصباح

- امينه فلوسى خلصت وعايز فلوس عشان اروح الكليه

* انت ياواد لحقت تصرف مصروفك نفسى اعرف انت بتصرف فلوسك فى ايه

-( وانا بجرى بسرعه من ادمها) بحوش عشان اتجوز من وراكى يا امينه

هناك 19 تعليقًا:

esraa يقول...

هههههههههههههه

حلوه اوي بجد

وسلامتك الف سلامه

Ma 3lina يقول...

ههههههههههههههههههههههههههههه

الاستاذ الدكتور سى السيد شكل السخونة عملت معاك شغل جاامد اوى

المهم عملت كويس فى الامتحان و لا لا ؟؟؟

بطوط يقول...

نورتى يا اسراء وان شاء الله متكونش الاولى والاخيره

بطوط يقول...

ما عيلينا
احنا عملنا الى علينا والباقى عليهم
ضحينا بالام والجنين عشان الدكتور يموت برضه

FadFadA يقول...

أول زيارة ليا
و شكلها - ان شاء الله - مش الأخيرة
جميل أن في زماننا مازال هناك رجال يرفعون أصواتهم و يصرون على رأيهم و ينفذون قرارهم ... و يأخذون المصروف
:)
أخبار الامتحانات إيه ؟

محمد

بطوط يقول...

ان شاء الله يا عم محمد متكونش اخر مره

وانت عارف اننا رجاله وهنقوف وقفه رجاله لحد مناخد مصروفنا ونتجوز يا مان ومنحقق كل مطالنا

لماضة يقول...

هههههههههههه
صباح الورد عليك يا دكتور
والف سلامه عليك دى اولا
ثانيا يا سيدى مستعجل على ايه
كله جاى متلقش
بس اوى تغير رايك بعدين وتضرب عن الجواز

A.SAMIR يقول...

جارية؟
تصدق فكرة بجد
بس امانة لو لقيت عليهم عرض 3 بسعر 2 ابقى هاتللي شوية
بس يكون معاهم الضمان
ربنا يوفقك
تحياتي

aya يقول...

ايه يا عم محمود
الف لا باس عليك

وربنا يعين امينة عليك

وبالنسبة لموضوع الجوارى
متهيالى لغو الحكاية ديه ؟؟
مش فاكرة
على العموم ابقى ايدنى خبر عشان كان فيه ناس بتسال الدولار بقى يعمل كام دلوقتى

الف لا باس عليك يا دكترة
ربنا معاك

بطوط حبوب يقول...

صباح الفل يا دكتوره
اغير رايي؟؟؟
نفر تل مى زات
هجوز يعنى هجوز
ههههههههههههه

بطوط حبوب يقول...

يا عم سمير انت تأمر

بطوط حبوب يقول...

ايه

الدولار سعره اترفع والجوار لسه موجودين
وامينه بتسلم عليكى

واول جاريه هجيبها هبقى اجيبلك معايا عشان اوريكى انهم لسه موجودين

أميرة ويلز يقول...

هههههه

ضحكتنى جامد جدا

انا طبعا اول مرة اجى بس انبسط اوى بمدونتك

مش عارفة ان اللى بيدرس وعايز يتجوز دة جيل مهبب :P

مالهم السود مش بتقول عايز جارية
يعنى هنجيبلك جارية روسية بيضا وشعرها اصفر
دة البنات الافارقة زى العسل
منورين المدرجات فى غانا

بطوط حبوب يقول...

منورين المدرجات فى غانا
الله يسامحك
انا عايز من الى مضلمين المدرجات فى سويسرا او هولندا او اى حتى من الناس فيها بتضلم
ههههههههههههه

appy يقول...

هههههههههههههههههه
بجد الله يكون فى عونك يا امينه ربنا يخليها
وتشترى ليه جاريه ما تشترى كيتش ماشين ويبقى عملت حاجه مفيده

حمامة يقول...

هههههههههههههههههه


بجد هلكتنى من الضحك

ايه يابنى ده

جارية

لا واحلى حاجة امينة وسى السيد

بجد دمك خفيف جداً

وربنا يوفقك بقى وتحوش علشان تتجوز

لو عايز سلفه احنا ف الخدمه :D

بطوط حبوب يقول...

ابى


اعمل ايه انا بكتشن ماشيين
ماشى ماشى هتبقى انتى وهى على


----------------------------

حمامه
نورت المدونه وانا سعيد انى عرفت اضحك

Nairy يقول...

الواحد شكله لما بيعيا بيخطرف يا جدعان

امانة عليكو اللي هايروح يجيب الجواري يجبلي معاه واحد شيبوب باللبن والمكسرات

Helium Atom يقول...

"طب انا هخطب فى امتياز يا امينه ...
*بعينك يا سى السيد

lolz,,, la2 bigad msh momkin :))1


Sub7anAllah!!!1