2010/06/25

شايفك يا بوب



عارفين انا بقالى فتره بيجيلى تعليقات من " غير معروف " زى اى حد فى البلوجر يعنى وبيكون فيها شتيمه زى اى حد فى البلوجر برضه... اللى هو العادى يعنى.
بس انا كنت عاوز اكتب شويه حاجات للاشخاص الغير معروفين دول 
الملحوظه الاولى :
انا حاطط عندى فى المدونه كودين عشان يعرفوا IP الناس اللى بتدخل عندى فى المدونه .. كل كود من دول بيسجل كل الاشخاص اللى بيدخلوا المدونه .. وكمان بيعرف دخلوا امتى قبل كده .. وانا حاطط اتنين عشان اتأكد لاحسن واحد منهم يهيس يعنى  .. 
طبعا لو حد  كان ساب تعليق فى المدونه بإسمه فى مره من المرات اللى قبل كده فأنا كده ببقى عارف اسمه .. كمان الكودين دول احيانا فى حالات معينه بيقدروا يعرفوا صفحتك على الفيس بوك .. انا والله مش بكدب انا بتكلم بجد .. انا بس حبيبت اقول كده عشان بس لو حد عاوز يكتب كومنت يكتبه باسمه لانى غالبا ببقى عارفه .. الا لو عمره ما علق عندى قبل كده .. وحتى دول ممكن اعرف لنك فيس بوكهم .. ملوش لزمه بقى تسجل بغير معروف. .. لان فى نسبه كبيره انى اعرفك .. وصدقنى ساعتها بيبقى شكلك وحش اوى
نسبه نجاح الحركه دى بتوصل احيانا ل100% واحيانا ل0%
الملحوظه التانيه :
واحد سأل الدكتور عبد الوهاب المسيري الكاتب والمؤلف المعروف، ازاى بتعتبر نفسك مفكر اسلامى وانت لابس فى ايدك دبله دهب؟، الدكتور رد عليه وقاله "أنتم الذين قلتم أني مفكر إسلامي، لكني شخصياً لا أعتبر نفسي كذلك، وبالتالي، فإن إرتدائي للدبلة يشكل مشكلة لك.. لكن.. ليس لي"..
اللى عاوز اقوله من القصه ان فى ناس بتحكم عليا انى مؤدب , ملتزم , او اى حكم من الاحكام دى وبعدين يحاكموا اللى بكتبه هنا على اساس التصور اللى هم حطوه عنى .. رغم انى عمرى ما ادعيت اى حاجه من دى.
وعشان اختصر الوقت انا زى كل البشر اللى ربنا اتكلم عنهم فى سور الشمس بسم الله الرحمن الرحيم : {وَنَفْسٍ وَمَا سَوَّاهَا، فَأَلْهَمَهَا فُجُورَهَا وَتَقْوَاهَا}
احيانا بتشوف كتابات هنا بتعكس تقواها .. واحيانا فى كتابات بتعكس فجورها وفى كل الاحوال انا زى كل نفس ربنا ألهمها فجورها وتقواها .. بحاول بقدر الامكان انى مكتبش حاجه فى المدونه اتحاسب عليها .. لكن زى كل نفس اتخلقت فى الارض احيانا فجورها بينتصر على تقواها... واحيانا العكس
الملحوظه التالته والاخيره بقى :
دى مدونه شخصيه .. شخصيه .. شخصيه .. والله العظيم شخصيه .. مش جرنال , ومش مجله , ومش بتدفع فلوس عشان تقراها , مش بتجيلك لحد عندك... لأ انت اللى بتجيلها .. وصدقنى هى مش مناسبه لكل الاشخاص زى اى حاجه فى الدنيا .. فلو انت اكتشفت انها مش مناسبه ليك .. فأنا مش بطردك والله ... بس ليه تقرأ حاجه مش مناسبه ليك .. ليه تضيع وقتك .. الوقت دا هتتحاسب عليه .
لو شايف ان فجور المدونه دى اكبر من تقواها .. خلاص مينفعش تدخل تقراها وتخرج مضايق او تشتم فى صاحب المدونه .
اخر حاجه بقى
قال رسول الله صلى الله عليه وسلم (يا أيها الناس إن منكم منفرين) .. فى ناس بتقدم النصيحه بطريقه تخلى النفس تنفر من انها تاخد النصيحه دى .. فلو واحد عاوز يقدم نصيحه فيسمع كلام النبي صلى الله عليه وسلم:" ما كان الرفق في شئ إلا زانه وما كان العنف في شئ إلا شانه" ويقول صلى الله عليه وسلم: "إن الله رفيق يحب الرفق ويعطي عليه ما لا يعطي على العنف".

هناك 23 تعليقًا:

م/حسام القاضي يقول...

على فكرة انا اول مرة اعلق عندك يابطوط
بس لفت نظري انك بتتكلم عن الاي بي

احب اشارك بمعلومة ان الايبيهات في مصر 99.9% منها ديناميك يعني متغيره

يعني الاي بي بتاعي دلوقتي بمجرد ما اقفل الراوتر هايروح لحد تاني وهكذا
حتى احتمال تلاقيه بتاع حد دخلك قبل كده

بس حبيت اوضح عشان ماتظلمش حد غير معروف :)

أع ـقل مـ ج ـنـونــة يقول...

بطوط ..

أحييك وبس ^_^

adel يقول...

هههههههههههههههههههه
علي كده قريتي تعليقاتي الغير معرفة
يافضحتي :):)

adel يقول...

بس انا كنت بعلق غير معرف مش عندكم اصلا
!!!!!
:]:]:]

The illusionist يقول...

لفت نظرى تعليقك يا استاذ حسام برضك

بص مفيش اجمل من الهاكرز اللى الناس بعضها جربه

ومن هنا احب اقولك يا استاذ بطوط

عشان اخش

وابقى غير معرف

واشتمك واروح

دى حاجه شاقه لدرجه انى فعلا هكسل اعملها

فاحسن شئ فعلا

انى مضغطش على لنك مدونتك من الاول

فاتيما يقول...

الله يفتح عليك يا بطوط

و النبى البوست بتاعك دا
جه ف وقته جداااااااا

لأن المجهولين كتروا قوى
و برخاااااامة منقطعة النظير و الوصف

و فكرت اكتب حاجة زى كدا
و تراجعت
قولت علم ف المتبلم هيصبح ناسى
و هو داخل اصلا عشان يقرفنى
فليه احسسه بأهميته بقى

بس بجد كام جملة كتبتهم
جم على الوتر

الملحوظة التالتة
و الأخيرة تحديداً


الواحد بقى حاسس انه بيشتغل عند المجاهيل دول و بيقبض منهم فلوس و كاسرين عينه و كدا


تانى

الله يفتح عليك

و يسعد ايامك كلها

تحياتى و خالص ودى
يا اجدع دكتور سنان
ف مصر

عاشقه الرومانسيه يقول...

طنش تعيش تنتعش

كبر الجمجمه يادكتره وسيبهم يتفلقوا

Mahmoud Ahmed يقول...

ربنا يبعد عنك شر الغير معرف
و امشي عدل يحتار عدوك فيك
^___^

على جنب : موضوع انه يظهرلك الأيبي بي ده صعب شويه ^_^ و كمان انك تدخل على صفحه الفيس بوك برضه صعب قوي قوي ^__^

وزي ما حسام قال قبلي ان الأيبهات في مصر متغيره مش ثابته خالص .

Mahmoud Ahmed يقول...

على فكره انت ممكن تعمل اشراف على التعليقات و ريح دماغك
^____^

Asmaa mahaba يقول...

انا مشوفتلكشى يا ابنى حاجه مش محترمه قبل كدا وكلنا عارفين انك كويس ومش عيب يعنى انه حد يقول عليك انك كويس هى جريمه ولا ايه قوم ي بطوط قوم بلا حرقه دم
وانا عاوزه الكودين دول:)) يا جيمس بوند عاملى فيها ميشن بوسيبول توو

Che يقول...

والله الراجل ده بيقول كلام زى الفل ... يا عم كبر دماغك من اللى بيشتم
ممكن تعمل ديليت للكومنت بتاعه ... او تسيبه ، و ممكن برضه تشتمه
و بعدين انك تتشتم فى بلدنا دى يدل انك ماشى على الطريق الصح

Unknown يقول...

والله إنت بتقول كلام زي الفل

محمد فاروق الشاذلى يقول...

صديقى العزيز جداً محمود
لا تهتم لمن سب ومن أشاد، اهتم فقط (زى ما قلت فى البوست) إنك ما تكتبش حاجة ربنا يحاسبك عليها وبعد كده اللى مش عاجبة هو حر.
بجد وحشتنى جداً

د. إيمان مكاوي يقول...

في الحقيقة أنا أظن أن من لديه موهبة الكتابة لازم يكون لديه أدب الحوار ولا يخرج منه ما هو سيء
على العموم مقالك موضوعي وفي محله
بس ممكن تعمل اوبشن إن التعليقات لا تنشر إلا بعد إطلاعك عليها وتريح نفسك
تحياتي

غير معرف يقول...

لا يأس مع الحياة ولا حياة لمن تنادي :)
ربنا يعينك ويعيننا يا صاح على قراء الإنترنت العرب..

ميشوو يقول...

السلا م عليكم ‏:‏)‏

خوفتني الصراحه اول مره ادش المدونه وانت حاط لستة ممنوعات

تعليقاتي الجايه راح ابعثها مع بنت جيرانا ولا تعرف فيس بوك ولا ال ‏IP هههههههههههه

بس كلامك عين العقل ..
انا نفسي ما احب احد يحكم علي من صوره اهو كونها من نفسه..وبعدين الناس اللي تشتم ابدااا ما لها حق المدونه كأنك بتفكر لوحدك بس الناس بتشوف التفكير بعد ولازم يكون فيه الشي الصح وشي غلط و‏"كل واحد حر بموزو‏"‏

ست البيت يقول...

لما قلت أ، بطوط مش في الموود مكنتش بهزر
بطوط ارجع يا اود لعجلك واتهدي بالله كده
وركز شوية وعلى رأي محفظتي
اقعد مع نفسك وشوف ايه اللي شاغل فكرك كده
بجد اول مرة احس انك مشغول يا دكتور
عموما ان ا من الناس اللي تعاملت معاك
بحس أنك أخويا الصغير - كبير مقاما طبعا
بس بجد نادر ان تلاقي واحد جدع في موقف الناس كلها شايفاه هبل في هبل

وصعب كمان ان اللي يستجدع في الموقف دا يكون ولد بس انت مش ولد يا دكتور
ان راجل محترم
وإن شاء الله أسأل الله اعلي القدير
ان يضعك فيما يحب ويختار وأن يرضيك بما اختاره لك

ست البيت يقول...

نفسي بجد يا بطوط
أقول للمجهول اللي بيعلق
يا سيادة المجهول ما توقع بإسمك أنا معنديش قريب في الداخلية

ياريت تقرا البوست الجديد

غير معرف يقول...

like
bs a7la 7aga fl post da en mafesh wla comment 3lih mn "3'er mo3arf"!! klamk f3aal gedan
:P

FAW يقول...

غير معرف يقول : علي فكره يا جماعه أنا إبن ناس برضه ميصحش كلكوا تجيبوا في سيرتي كده D :D:

احمد يقول...

رغم انى عترت فى مدونتك فى الاساس صدفه
بس هتصدقنى لو قلتلك انها عجبتنى لدرجه انى حاططها فى البوكمركس عندى
عشان اقدر اتابع كل بوست جديد هتنزله
بجد اسلوبك لذيذ
ودماغك عجبتنى
:)

Ranim Ayman يقول...

عندك حق اوووووووووووووووووووي
تحياتي مبتسمة دائما

Unknown يقول...

awalan liked ur blogs,

shof b2a ana m3a eng. hossam el 2addy!!

sanayan, feih sora leek beda2n aw le7ya, dah yadol enk moltazeeem aw kont kda w NOW anta mosh kda wna msh 3aref hal anta betetbaraaa aw 5odt tagrobet el eltezam w fashalet m3ak w ba3d kda 7abeet te3eeesh 7ayah 3adayah zay ay wa7d! mmkn tekon naksa aw 3'aflaa? mosh 3aref!

then, elly beo7kom ennk moltazem! dah men 5elal shaklak mosh ketabatak, wnta mafahamtesh el mesal elly anta zakartoh, bel3akss Muhammed el mssery msh mofaker islamy !! leih coz his appearance is different or conflicted to wht he was writing and believed in!! 3ashan labss deblah dahb w hoa 2al kda!

so, you are so much like this model or example, and those who advised you have preached according to your character during the period coinciding the Islamic behavior, Eltizam

and this situation infers that you disown to what we believed in!!

kefaya enlgish, tab w feiha eih lw anta msh moltazem tekon moltazem :D !! hoa eih mafhom el ensan el 3adee accord. to yours, we all- Muslims- hope to be religious, wel 2ayah elly anta 2oltaha deih mafhoma taqwaha y3ny el eman w fojorha y3ny el kofer msh zay manta bet2ol el muslims elly committed sins!! check what you said about Islamic issues!!

salesan, ay 7ad msh mogbar enno ye2raah ur blogs bas el nase7aa lazem te2balah kano3 men el goodness, ay ensan maye3rafsh 3eiboh! el nas homa elly to clarify to you

feih 7agat kteer kont 3wz to tell you about, but the situation is not enough to do!

Briefly, Go ahead and listen to what most people advise you even you think that they are opposite to yours

w balash te2ol enk 3aref nafsak kewayess w msh mestany el comments of other people, this is about a kinda egotism

dont waste ur time and make good use of the hours!!

thank you