2008/07/07

لم استطع جدالها





قالت لى " كل ما بيننا انتهى"

لم استطع ان جدالها
فقد كانت عندها اسبابها المنطقيه جدا ........ لدرجه انها اقنعتنى تماما
فكل اسبابها قالتها عندما قالت " تستحق ان تربط بواحده افضل منى "


هناك 49 تعليقًا:

A.SAMIR يقول...

هي شايفة كدة
حاسة انها اقل من اي واحدة
عموما هي الخسرانة في كل الاحوال
تحيااااتي

صيدلانيه طالعه نازله يقول...

و الله يا بطبط دى وجهات نظر
جايز عندها حق و انت احسن منها بجد و جايز عايزه تخلع بلزازه
على العموم يا ابنى الدنيا دايما كده ناس تفترق عشان تلاقى نصيبها مع ناس تانيه

عاشقة الحب يقول...

وجهة نظر

تحياتي

appy يقول...

بص بقى تعالى هنا انا مكنتش عاوزة اتكلم معاك فى الموضوع ده واستحمل اختك الكبيرة بقى
البوست اللى انت رفعته قبل كده انا شوفته عندى على الريدر اصل الريدر ده حرامى الحله حتى لو رفعت البوست من مددونتك بيفضل محتفظ بيه عندى
محمود انت مجادلتهاش علشان كلام والدتك ليك ولا علشان كلامها هى واسمح ليه اكلمك على اعتبار اختك لو ينفع

لورنس العرب يقول...

ممكن تكون قالت كده على سبيل السخريه
أو قالت كده عشان تهرب من الموقف
لأن من الصعب أن حد يقول على نفسه انه مش كويس
لكن على كل حال ليست نهاية العالم
ولن أقول لك ان هي خاسره- لأن ممكن تكون انت كمان خسرت
أقلها خسرت وقتك وخسرت تركيزك
والكبر انك خسرت ما اعطيته لشخص لا يستاهل

سارة علي يقول...

اول حاجة دى اول زيارة لمدونتك والصراحة امورة اوى مدونتك وانت دمك خفيف اوى
عارف ردها معناة انها عاوزة تقفل كل شى ما بينكم بطريقة سريعة ومن غير احراج
تقبل مرورى
تحياتى

روز يقول...

(:

S@G! يقول...

خساره ..اوعي تفرط فيها
اللى يقول كده يبقي بيضحي علشان مايعملكش مشاكل
---
بجد اسمحلي هيا أكتر واحده جديره بيك
اتمسك بيها
البت دي بتحبك مووت
ربنا يوفقك للخير دايما
سلام

NilE_QueeN يقول...

مقدرش اقول رئي ف الموضوع دا

لكل انسان ظروفه وانت اكيد واخد قرارك

المـــفـــــــقــــــــوعـــــة مــرارتـهــا يقول...

بص بقي
علي بلاطة كدة لو دي صورتك
يبقي انت احسن منها بكتيييييييييير
واستني اللي يستاهلك ويستاهل بقك

بس تعرف انت عسسسسل يابطبط
عندي شعور ان ثقتك في نفسك للسما بس اوعي تقلب غرور

رئـــــيسـة حزب الأحلام يقول...

مش عارفة اقول ايه
بس بجد ربنا يوفق الجميع
الف شكر

بطوط حبوب يقول...

ا سمير

شكرا لمرورك

------------------------------

صيدلانيه طالعه نازله

هى بتخلع بلذاذه اه منهم بنات طب اسنان دوووووووووول

------------------------------

عاشقه الحب

شكرا لمرورك

-------------------------------

ابى

انا حذفت الموضوع التانى لانى لقيت الكومنتات مشيت فى اتجاه انا مش عايزه

وانا مجدلتهاش لاننا اصلا فى مفاوضات - زى ما قلت فى بوست التاج - بقالنا فتره طويله

وبعدين اخدنا وقت لكل واحد فينا يفكر بهدوء

وعلى فكره المشاكل الى بنا تقدرى تختصريها فان كل واحد فينا مش متقبل التانى بالشكل ده وعايز يغير فيه

والموضوع اكبر من كده ممكن ابقى اتكلم فيه بعدين بس صعب انشره فى المدونه

-------------------------------

لورنسس العرب

لالالالالالالالالالالا ولا واحده من دول
الموضوع ابسط من كده
هى قالت كده عشان مش عايزه تكمل

تحياتى

-------------------------------

ساره على

جايز بس انا محرج

-------------------------------

روز

ايوه حضرتك؟؟

------------------------------

د مصطفى s@g!

مش خساره وهفرط فيها

الموضوع اكبر من الى انت شفته دلوقتى
تحياتى لك

-------------------------------

نيل كوين

شكراا لمرورك

-------------------------------

المفقوعه مرارتها

ثقتى فى نفسى فى السما
ههههههههههههههههه

انا بس عارف قدر نفسى

تحياتى

-------------------------------

رئيسه حزب الاحلام

شكرا لمرورك

فاتيما يقول...

يا داد يا بطوط إنت اصلاً ما صدقت !!
لأ بجد
أنا ربطت البوست دا بالبوست المحذوف
و متهيألى هيا إنسحبت عشان الموقف يستدعى منك موقف جذرى و إنت لسه متردد فيه
البونية فهمت إنك مبتحبهاش اد ما هيا بتحبك
فقالت ليه هنحارب أكتر من كدا
أتمنى تلاقى حد يقبلها زى ما هيا
و إنت تلاقى إنسانة تشجعك على المضى لقدام مش تكعبلك من اولها
تحياتى يا صديقى
و ربنا يسعدك دايما

بطوط حبوب يقول...

فاتيما

هقولك تلات معلومات

الاولى ان احنا مرتبطين من خمس سنين مش من يومين تلاته

التانيه ان البوست الى اتحذف كان فى فتره المفوضات

التالته ان هى الى كانت واخده فرصه تفكر مش انا بس انا كنت بسلى نفسى وافكر انا كمان

نوره الخشن ــ آي و كفاية يقول...

شكلها رايحة تتخطب

واحد مش فاهم حاجة يقول...

البطوطة اللى تختار تعوم فى بحر غير بحرنا

تبقى مش مننا

تعرف اهم حاجة اية

الابتسامة اللى فى الصورة

هاتفرق اوى معاك لو حافظت عليها

اكيد الابتسامة مش البطوطة

مالحق هو البطوطة اصلا بتعوم فى البحر

ولا اخرها ترعة من اللى عندنا دى

تعرف انت لو شاطر

تدور على بطوطة من بتوع البحر

الطموح لة سقف

ارفعة مادام انت اطول منة

تحياتى ليك
ولابتسامتك اللى فى الصورة

semsem يقول...

ده اسمه هروب
اكيد هى هتتخطب قريب
سلامو عليكو

كلبوشستان يقول...

يا ساتر يارب هي ناوية تموت ولا ايه ؟؟

بس غريبه جرى العادة ان دي تكون كلمة التماسيح ( انتي تستاهلي واحد احسن مني ) هو احنا في سنة كام بالظبط
؟؟
وما تزعلش يا بطوط تروح سحليه تيجي غيرها يا خويا دول مفيش اكتر منهم زي الهم على القلب ووقفه الراجل بميت سحليه يا بطبط وبكرا اجوزك ست ستها

عن اذنك يا بط بط يا خويا اروح اكلم الموكوسه بتاعتي احايلها ببقين حلوين

الفارس الملثم يقول...

القفله دي تشبه القفله الشهيره بتاعت خلينا اخوات احسن ..

يعني ببساطه بتخلع في منتهي الادب والذوق " والالم.........."

روز يقول...

الصراحه انا كنت فاكره نفسى فاهمه لكن لما قريت التعليقات وردك عليها حسيت انى مش فاهمه حاجه خااااااااااااااااااااااالص

5 سنين ازاى يعنى

:(

ست البيت يقول...

د.الموضوع معقد ممكن تكون بتخلع بشياكة وممكن تكون عقلها وروحها شهيدة لذا ترى أن تنفصل عن من تحب على أن تسمع منه انتقادات فيما بعد ،
لو هي من النوع الأخير أتقدم لها رسمي لأنها كده بتدمي روحها ولو كنت جاد معها حتتغير نظرتها للدنيا هي محتاجة منك شويااااااات اصرار ...
وابقى طمني يا أبو البطابيط

عاليا حليم يقول...

ههههههههههه

نكتة مبتكرة بالفصحى
:)

انين الحزن يقول...

حوده ازيك ياجميل اخبارك ايه

ليك واحشه جامده


انا اول ما قريت البوست مكنتش فاهمه
بس بعد كدا والحمد لله فهمت اخيراً

او نص نص يعني علشان مبقاش كذابه

بس زي احمد سمير ما قال هيا الخسرانه ياسكر

سلامووووز
وزة

ňįĝŗő يقول...

أهلاً انت وصلت
تعالى اقعد جنبي تعالى
هن دايماً بيقولن كده يا معلم وقت لما يبقوا عاوزات يخلعوا بالذوق
أنا بقى يا ريس اتقالتلي نفس الجملة بالسحتوت
بس في حالتي أنا كانت بعد ما اتخطبت سيادتها
ماكدبش عليك يا محمود و قتها قلت في عقل بالي مفيش أحسن منها
بس بعد مرور حقبة من الزمن 8 شهور يعني اكتشفت إني فعلاً استاهل اللي أحسن منها
انت طلعت أحسن مني يا ريس
و طلعت أعقل مني كمان
و ردك اللي انت اختصرته في "لم استطع جدالها" عجبني جداً
انت وصلتله في وقتها
أنا بقى أخدت فترة مش قليلة علشان أوصله
و انت تستاهل اللي أحسن منها



يلا سلام

واحدة مفروسة يقول...

إزيك يابطوط
مش مهم أي حاجه...الصورة بتعبر لوحدها

المهم بجد...انت استريحت؟؟؟؟؟
جت من عند ربنا؟؟؟؟؟؟

انت انسان جميل و حساس
ربنا يعملك الخير يارب

love for ever يقول...

يابني هي ذهقت منك
ههههههههههههه
يادي النيله حتى البت طفشتها
ههههههههههههههه
انت كده هاتعنس
مين الحوله اللي هاتبص لك بعد كده
هههههههههههههههه

بطوط حبوب يقول...

نوره الخشن

جايز

------------------------------

واحد مش فاهم حاجه

متعرفش كلامك اد ايه ريحنى وهرفع سقفى

-------------------------------

سمسم

جايز
وعليكم السلام

------------------------------

كلبوشستان

والله على رايك
والحقها احسن تفلسع

-------------------------------

الفارس الملثم

بتخلع؟؟

شغل سنان بعيد عنك

-------------------------------

روز
مش شرط

------------------------------

ست البيت

لا رسمى ولا نظمى
خلاص

-------------------------------

عاليا حليم

نكته ههههههههههههههه

------------------------------

انين الحزن

طبعا هى الخسرانه

وانتى فين بقالك كتيييييييير مش بنشوفك ان شاء الله خير

-------------------------------

نيجرو

هو انت هناك؟؟
اه انا وصلت وسع كده عشان اقعد

عجبك اوى انها اقنعتنى

لا اصلى بقتنع بسهوله واقدس الحياه الزوجيه واشارك فى الاثاث عندك عروسه؟؟
ههههههههههههههه

سلااااااااااام

-------------------------------

واحده مفروسه

انا استريحت الحمد لله
ربنا يخليكى ليا ياااااااااارب
------------------------------
لف فور ايفر

هعنس؟؟ يانهار

لا مفيناش من ده
وبعدين يعنى هى فتحت فى اخر لحظه فكانت كملت وخلاص

dodda يقول...

سبب مقنع مقنع مقنع

والف سلامه

غير معرف يقول...

هوه ايه اللى مش شرط
كده ماااااااااااشى
ماعلينا خلاص

روز

norahaty يقول...

السلام عليكم ورحمة الله وبركاته
خيرها فى غيرها
مادامت قد قالت هذا
فهى اما بائعة لك
(شايفة شوفة تانيه احسن!!!)
لاما غير قادرة على المواصلة معك
وفى كلتا الحالتين
خيرها
فى
غيرها
دعواتى.

Helium Atom يقول...

بص؟

مش عارفة .. بس البوست دا خضنى .. ووجع لى قلبى

دعاء مواجهات يقول...

زى ما انت قولت كدة بالظبط

تستحق ترتبط بواحدة احسن منها

انا عندى مبدأ وشعار بيقوول

(اللى يبيعنى أبيعة واكون انا اللى كسبانة فية)

بيييس

مشمشة كامل يقول...

عمرى ماكنت اؤمن غير بحاجة واحدة دنيا قدر بس صدقنى والله لو حد متمسك بيا اوى لازم اتمسك بية اوى مافيش حاجة فراق بالنسبة ليا غير بالموت بعد شر عليا ههههههههههههههه كنت لازم ادخل مدونتك عشان انت علقت مرة عليا فى حوار بينى وبين بابا فاكر الحب اقوى من اى حاجة فى دنيا ويخلينا نكسر الحديد مش كلام خيالى انا مؤمنة بدة بس الحب الحقيقة وبس مشمشة

إيما ( أم البنين) يقول...

كان لازم تكون أنصح من كده وتكتشف شخصيتها من الأول
نصيحه تنهي دراستك وبعدين تدور على ذات الدين إللي تحفظك
تحياتي

maiosha يقول...

يااااااااااااااااااه

أكتر جملة مستخدمة لإنهاء العلاقات

لكل إنسان ظروفه ومشاكله حاول تعرف ليه قالت كده
بس لو إستمر موقفها ده .. يبقى إنت فعلا تستحق واحدة أحسن

t3ban يقول...

خيرها في غيرها
و دي سنة الحياة

bastokka طهقانة يقول...

هم الرجالة كده فاكرين روحهم املة و محصلوش
مش يمكن قالت كده علشان متحرجكش

اوروفوار

اه نسيت اقولك الصورة جامدة قوي
دي نفدت
ههههههه

oRiGiNaL HeArT يقول...

طيب يبقى مكانش فى حب من الاول

maha zein يقول...

يا ابن الايه يا دكتور
وربنا عرفت ترد الرد الي هوا
يوه يا جدع لما تقلب الطربيزة
وربنا جدع
قال مش عرفة ايه وتستاهل وحدة احسن
ايه الغلب ده
العالم مالها اتخبلت كده
طبعا معرفش اسبابها
لكن ليه بنفضل مع ناس معينة وفي الاخر نقول هتلاقي حد احسن
ايه الغلب ده
تحياتي يا عم الجدع
سيبك منها
ولو هي الي كانت كتبه البوست
كنت هقولها سيبك منه
ايون اصلي انا معرفش في ايه
انا بس بقولكم انتوا الاتنين انتوا ملكوش نصيب في بعض وخلاص

سبهللة يقول...

وطبعا انت ما صدقت وخلعت
ما انت واخد عالخلع

sakayar يقول...

هوه انا ممكن اشترك في البرنامج؟؟
بص يا عم محمود
انت شكلك واد نصاب يا عم ومصدقت خلعت م الموضوع
ههههههههه
بس بجد الصورة تحفة
على فكرة انا قرأتلك كام بوست علشان افهمك شوية
والحمد لله حسيت بارتياح لشخصك
وواضح انك شخصية جميلة احسبك كذلك طبعا
وبكده اقدر اقولك
انها لو حصل يبقى البنوتة اللي تقولك كده عندها حق ... انت تستاهل احسن من كده بكتيييير
ههههههه
تحياتي

سومه...مجنونه فى بلد عاقل يقول...

اممممم مش عارفه اصل انا بصراحه مليش فى المواضيع دى فمبفهمهاش يعنى مخى مبيجيبش اللى ورا الكلام باخد الكلام زى ما بيتقالى....بس ممكن تكون انسانه كويسه ...بس شافت نفسها قليله عليك ويمكن تكون بتحبك بزياده واستكترتك عليها....وممكن تكون مش بتحبك اصلا وحبيت متحرججش ....تصدق اول مره افهم ما وراء الكلام بسببك...وبسبب سؤالك
عموما ربنا حيعوضك خير ان شاء الله وفى كل الحالات هى انسانه نكن لها الاحترام لان تحت كل الظروف هى عاوزه مصلحتك...ومصلحتها ومتهيالى مجرحتكش
شكل البت ايبى عارفه مواضيع تانيه امممممممممممم لالا شكل الموضوع فيه تلابسات منعرفهاش قرررر واعترف يا بطوط وجول الحجيجه دا احنا بلديات
تحياتى ليك سومه_87

سومه...مجنونه فى بلد عاقل يقول...

على فكره يا بطوط دى صوره مين المنشكح اللى فرحان فى البوست دا لالالا متقولش انت
ايه الوسامه الرهيبه دى يا راجل دا انت تخطيط كل مقاييس التشريح العالميه...تنفيخ شفايف تكبير انف وحقن خدود....لالا جامد يعنى من الاخر....سيبك انت المهم السنان اه صحيح هى فين السنان
تعرف بس تحلق شعرك تبقى ميه ميه
تحياتى ليك سومه_87

بطوط حبوب يقول...

دودا
اشكرك
--------------------------

روز

قلبك ابيض
--------------------------
norahaty

وعليكم السلام ورحمه الله وبركاته

خيرها فى غيرها فعلا
اشكرك


--------------------------

هيليوم اتوم

معلش بس لحياه فيها كده وكده

--------------------------

دعاء مواجهات

يعنى انا صح؟؟ طب الحمد لله

--------------------------
مشمشه كامل

كلامك صح مليون فى الميه

--------------------------

ايما ابن البنين

ما انا كنت فاكر نفسى ناصح

ونصحيتك هعملها ان شاء الله وهو كلها سنه

-------------------------

maiosha

انا عارف انى استحق احسن

نورتينى بجد

-------------------------

تعبان

اوك
وشكرا على الزياره والكومنت الجميل
-------------------------

طهقانه

عشان احنا كده فعلا امله بجد
:D

--------------------------
oRiGiNaL HeArT

ان مكنش حب كان ايه؟؟

-------------------------

مها زين

هههههههههههههه الله عليكى
تعليق جامد موووووووت

------------------------

سبهلله

اول مره اعرف ان الخلع بيوجع كده
--------------------------
sakayar

انت الى شخصيه زى العسل
وعينك الحلوه شيفانى كويس

مش عارف بس جايز ليها ظروفها

--------------------------

سومه...مجنونه فى بلد عاقل

الحجيجه كلها موجوده ان انا استحقواحده افضل وبشهادتها

بصى شوفى انا قمر ازاى شوفيلى عروسه بقى
هههههههههههههههههه

سمر الشافعى يقول...

اول زياره ليا ومش فاهمه الموضوع لسه بس مدونتك حلوه اوى بجد وان شاء الله مش هتكون اخر زياره

حمامة يقول...

حاسه انها كلمه بقت مستهلكة اوى
مش بقتنع بيها

سومه...مجنونه فى بلد عاقل يقول...

هههههههههه عروسه ايه دا باين الصوره طلعت صورتك صحيح حيث كدا انت متاكد انك عاوز عروسه والا اجيبلك فرده بانصيه نعل صغير؟؟؟
متزعلش انا بهرج انت عارفنى
ياله سلام سومه_87

بطوط حبوب يقول...

سومه

مشفناش منك حاجه
اى حاجه منك مكسب
:)

anaheed يقول...

كلماتك هذه المرة على قصرها استفزتني .. منذ شهر او اكثر وانا ارابط بشكل يومي في مدونتك .. تستهويني طريقتك الخفيفة العفوية البسيطة التي ترسم الواقع بسخرية تخفف من مرارته ووقعه علينا .. في كل مرة اقرأ شيئا جديدا اعزم على التعليق ثم اتراجع ليس زهادة مني وانما لان الكلمات لا تسعفني امام شلال المشاعر التي اجده بين سطورك .. الا هذه المرة .. قالت ببساطة وداعا .. كبساطة حروفها الاربعة .. تركت كل شيء خلفها ومضت .. احلام وذكريات واماني وقصاصات مبعثرة بقايا عطر وبتلات ورد مفتتة ومضت .. حجة رقيقة ( تستحق من هي افضل مني ) هي عبارة تنصل من الالتزام او فسخ عقد مشاعر بانانية وبرودة اعصاب .. هل اقول خسرتك ؟ هل اقول انت خسرتها ؟ لا هي في الحقيقة خسرت بعضها والباقي على الطريق .. تركت بقاياها لديك ورحلت لتبعثر الباقي على الطرقات تماما كعصفورة فيروز المنثورة على الطرقات التي طالما بحثت عن الشمس في كل الساحات .. لا عليك القلب الذي لا يخشى علي لا يلزمني فما هو الحب ان لم يكن قلب يحتوي قلب .. اعذرني اطلت ولا بد انك مللت ..
اسجل هنا اعجابي بكل كلمة مرت عليها عيني منذ بدأت اقرأ لك الى هذه اللحظة .. ودي ووردي ^_^