2008/07/18

كأنى معرفتش



بصوا الموضوع بالظبط عامل زى إيه؟؟


زى واحد بيعدى الطريق السريع .. وهووووووووب خبطته عربيه .. بس العربية مش مخالفه السرعة .. لأ دي ماشيه عادى بسرعة الطريق - إلى هي سريعة أصلا -


أكيد طبعا الواحد ده أدغدغ حتت كل حته فيه أتكسرت والحمد لله انه مامتش أصلا


أول ما وقع على الأرض الناس اتلمت حوليه


كل واحد قال كلمه .. إلى قال يا بنى أنت مش تفتح وأنت بتعدي


هي روحك دي لعبه .. ازاى مشفتش العربية


المهم نقلوه المستشفى وجبسوه كله تقريبا وكمان هو لسه حاسس بألم في كل عضمه في جسمه


أهله وصلوا .. وهو تعبان جدا ..


أول كلمه قالتها أمهحرام عليك يا بنى إلى بتعلمه فيا ده مش تاخد بالك


وأخته قالت .. يعنى ما كل الناس بتعدي الطريق وكل مره أنت بتعدي الطريق اشمعنى المرة دي


أخوه قاله .. يا سيدي المهم انك كويس .. بس ابقى خلى بالك بعد كده


دا غير عمه وعمته وباقي العيله والكل يدور حول .. أنت بيستهبل


هو نفسه حس انه كان بينتحر وكان قاصد يعنى .. هو نفسه حس إن هو إلى غلطان وهم كلهم ملهمش ذنب ..


هو نفسه قال.. أنا غلطان أنى كنت بفكر في مليون موضوع - بسببهم وبسبب غيرهم - ومخدتش بالى وأنا بعبر الطريق


يشعر هو بقمة الألم ألان .. محاط بألم الكسور .. لوم الآخرين له كأنه هو الجاني وهم مجني عليهم ( على الاقل هو الجانى والمجنى عليه برضه).. ألم عدم إحساس الناس بألمه .. وألمه النفسي انه مش قادر يتحرك



مجرم انه عبر الطريق من وجه نظر الجميع وكأنه كان قاصد يقتل نفسه


مجرم في نظر الجميع .. دون أن يسأل الجميع أنفسهم مش يمكن إحنا إلى ضغطنا على أعصابه لدرجه خلته


يسرح وهو ماشى في الشارع.. أو حتى ينتحر او بلاش احنا يمكن اتعرض لضغط نفسي في الشغل أو في اى حته تانيه


الطبيب أمره بملازمه السرير لمده طويلة


لاشئ يستطيع أن يصنعه لنفسه الأن فهو ملازم الفراش .. كل ما يفعله هو التفكير ..والتفكير ..ثم التفكير في كل ما حدث .. وما سيحدث


يسأل نفسه هل سيستطيع أن يعود كما كان؟؟ أم لا؟؟


في هذه اللحظات سمع كلام بعض الناس .. وعدوه بالوقوف بجواره حتى يعود لحالته وأفضل .. لكنهم لم يوفوا بوعودهم وتركوه عندما طال وقت شفاؤه .. رغم انه لم يطول أكثر مما حدده الطبيب من أول يوم



ضيفوا ده للآلام بتاعته


عندما تم شفاؤه - رغم انه مازال يعرج بقدمه .. ذهب لعمله ثانيا .. يتطلب عمله للوصول إليه إن يعبر الطريق


يشعر بالخوف ... لم يعد يتذكر انه عبر هذا الطريق مئات المرات سالما


لا يتذكر إلا انه عبر الطريق ..فحدثت له حادثه ..جعلته يلزم الفراش لوقت طويل.. وجعلت الجميع يلومه .. وبعضهم تخلى عنه


حين نجح في عبور الطريق لم يفرح!!


ولم يفرحوا له!!


فما فعله هو الطبيعي جدا فكل الناس تعبر الطريق سالمه .. وكل ما فعله هو تصحيح خطأ ارتكبه - عمدا كما يزعمون-


****************



أتذكر بعض الكلمات التي قالها لنا مدرس الأحياء في الثانوية العامة ( أنا بدرس لقمه الهرم بتاع الثانوية ) باعتبار انه بيدرس لطلبه علمي علوم إلى المفروض ينافسوا على طب وصيدلة والمفروض مجموعهم عالي في السما


كنت واحد من دول في قمة الهرم .. لم أكن يوما في قاعدته


هل نظرتم لقمه الهرم مره؟؟


انظروا لها .. بس كبروا حجمها .. هتلاقوها هرم برضه بس أنا في الهرم ده فين ؟؟ في القمة ولا القاع


****************



ظهرت نتيجة السنة دي


مفرحتش ؟؟ .. مزعلتش ؟؟


.

فما فعلته هو تصحيح خطأ السنة الماضية


لذا لم يفرح الجميع .. ولم يغضب احد ... وكأنها لم تظهر أصلا


****************


العام القادم اقسم أن اثبت فيه لنفسي اننى سأكون طبيب ناجح وما حدث – وتم إصلاحه - لم يكن أكثر من حادثه مهما كانت وجه نظر الآخرين


هناك 45 تعليقًا:

سارة علي يقول...

ااااااااااااااااااااول تعليق الحق بس احجز انا قريت الموضوع على بعضة وعاوزة اقراة تانى ثوانى اروح اجيب النسكافية بتاعى من المطبخ وراجعة اعلق تانى

سارة علي يقول...

كنت دوما اكتب كلمات وازيلها بممحاتى فيلومنى الاخرين على فعلاتى .......تارة يقولون لما كتبت الكلمات واخرى يلومون بالفعل ممحاتى
....تمردت على قلمى وادواتى فلى ارادة وكيان قادر على محو زلاتى ...وان كان اليوم ترهات واخطاء فغدا ارمم بقايا رفات اخطائى وللسماء ارفعها فوق النجماتى
عارف البوست دة اكتر من هايل فعلا كتير بنتلام على افعال والمشكلة اللى بيلومونا فى الغالب ليهم يد فى الخطا بس نرجع ونقول انها ارادة اللة وان اللى نعملةهو محاولة تصحيح الخطا والمضى قدما فى الطريق وبكرة باذن اللةاحسن من النهاردة
لان احيانا فى حاجات بتحصلنا وبنكون مضايقين منها ولكن فى درب الحياة تبص وراك وتقول ياااااااااااة دى كانت احسن حاجةحصلتلى
تحياتى ومعلش طولت عليك

Helium Atom يقول...

انا اسفة يا بطوط .. بس بجد انا مش فاهمة حاجة ..


فعلآ متضايقة من الاحساس دا !!!


بس عارف؟... انا مش من الناس اللى بتعرف تدى انفعال جامد سواء فى قمة الفرح او فى قمة الحزن ...


دا غير انى من الناس الصعب ارضائها .. بمعنى انى لو نجحت و جبت تقدير .. بيفضل عندى احساس ان لسة فيه مرحلة انا موصلتهاش و لسة عاوزة اوصلها


و دا متعب اوى اوى


مش عارفة دا ليه علاقة بموضوعك و لا لأ

همس الاحساس يقول...

ده الزيارة الاولى لهذا البوست

تعرف عجبنى باسلوبك اذاى بتربط بين الاحداث والموضيع وكيف تاخد من موضوع فكرة موضوع اخر
وبجد سعيدة بفكرك الرائع
وصح اخى بعد الثانويه العامه لى الجميع زعل من مجموعى وكليتى
لكن الحمدلله الحين انا بالجامعه ومن الاوائل بها
مش شرط تكون بكلية ايه المهم تكون فيها من القمة وتثبت وجودك فيها او باى كلية اخرى

تقبل تحياتى لكى وخالص ودى

خمسة فضفضة يقول...

السلام عليكم ورحمة الله وبركاته


الف مبروك النجاح وعقبال السنه الجايه


يلا بقي عشان تتخرج الواحده سنانه خربانه علي الآخر
:))))))))))))

سلام

مها يقول...

مبرووووووووووووووووووووووووك يا بطوط
على النجاح و"عبور يولية" اللى أكيد أهم بالنسبة لكل اللى بيحبوك من عبور اكتوبر نغسه..حتى لو ماقالوش!!!!

سارة علي يقول...

صحيح يا دكتور محمود شوف كنت اول تعليق و نسيت اقولك ااااااااااااااالف مبروك وباذن اللة اخر سنة تكون امتياز وتكون طبيب ناجح جدا معلش تركيزى فى قراية وفهم البوست نسانى اباركلك
تحياتى

مواطن اكثر طحنا يقول...

مبروك يا عم ع النجاح تعبت اعصابي في اول البلوج قلت يا نهار ابيض بطوط نزل تاني و لا ايه و فجأه لقيتك بتقول صححت غلط الماضي
يا راجل يعني الواحد نجح اصلا امال قاعد كئيب ليه
حسبي الله و نعم الوكيل تعبت اعصابي

روز يقول...

قرأت ومش هعلق دلوقتى... الف مبروك النجاح

NilE_QueeN يقول...

اتمنى عبور الطريق مثلك ف العام القادم

لم تكن خسائر صدمتي كبيره واظننى حصلت على الكثير من الدعم

نجاحاتنا لنا ف المقام الاول يليه من يحبوننا بصدق

اتمنى لك كل التوفيق

سمر الشافعى يقول...

يااااه انا فضلت اقرا اقرا ومفكره كل الكلام دا ليه علاقه بالبوست اللى فات والموضوع اللى محصلش فيه نصيب

الف مبروك يابطوط بس مين قال ان اللى حواليك مش فرحانين ليك بالعكس اكيد ليك ناس كتير بيحبوك وبيزعلو لزعلك وبرده بيفرحو لفرحك

تحياتى ليك وعقبال السنين الباقيه ان شاء الله

Helium Atom يقول...

يا بطوط .. انا عديت على روز فى الصيدلية .. و بعدين هيا استغربت من تعليقى .. و قعدت تفهمنى البلوج


الحمد لله فهمته

D:

على فكرة انك لما تقع و تتلام دا عادى .. لكن لما تنجح وتتشجع هوا دا اللى مش بيحصل مع ان المفروض ان دا الصح


سبحان الله .. ماتتوقع التشجيع كتير من اللى حواليك .. عشان كدة امشى فى طريقك ب self-motivation من ماتستنى تشجيع من اى حد .. عشان لو استنيته و مالقيتهوش .. حاتتوجع اوى

Helium Atom يقول...

الف مبروك يا باشمهندس

P:

فاتيما يقول...

واد يا بطوط
كمل الجملة و قول
كأنى معرفتش افرح
مشاعرك دى انا حساها جدا
بس عاوزة أقولك من موقعى هذا
العبرة بالخواتيم
يعنى الكعبلة دى نهايتها إيه ؟؟
الحمدلله نجحت
عشان كدا و لا يهمك
ألف مبروك النجاح يا دكتور
و كل زعل عدى عليك
إبقى طلع على العيانين فى الفيزيتة و ترميم الأسنان تالت و متلت
ألف مبروك يا صديقى
بكرة تعدى الشارع و تنسى الحادثة خالص

سومه...مجنونه فى بلد عاقل يقول...

بطوووط
والله وقعت قلبى انا قلت يبقى بعد الشر منجحتش بس من التعليقات اهو الحمد لله نجحت
معلش السنه الجايه تكون باذن الله ناجح فى قمه الهرم تعرف انا كمان حسيت انى فى قاعه بس رتبت نفسى وبدات من جديد....
مش مهم انك وقعت مره ولا حتى عشره المهم كيف تنهض
بس اعذرنى المدرس اللى كان بيشرحلكم دا معجبنيش كلمته بتاعه انه بيشرح لقمه ثانويه عامه...ولا اقصد التقليل من شانك او من شان اى احد
لكن برايى القمه هو من يتفوق فى اى مجال ادبى علمى فنى مادام المجال لا يخالف عاداتنا وتقاليدنا وديننا المهم انه يجتهد ويحاول ويوصل....جايز ممكن يتاخر لكن من جد وجد
منتظرينك سنان الجميع خربانه اربعه محشى والباقى مسوس
تحياتى ليك سومه_87

Noha El-arabi يقول...

الف مبروك علي النجاح
شوف فيه حاجات من كتر ما بتحصل و تبقي عادية الناس مبتاخدش بالها منها
انا نجحت الاربع سنين و اتخرجت و عادي
لا مبروك و لا يحزنون
احنا اللي معندناش ثقافة الفرح
روح اشرب حاجة ساقعة علي حسابي
:)

Yuki يقول...

ألف مبروووووووووووووووك عبور الطريق قصدي النجاح

و الأهم هي فرحتك انت بعبور الطريق و ليس فرحة الآخرين ..

و ربنا يوفقك السنة الجاية و تبقى أكبر و أشطر دكتور في مصر

تحياتي

appy يقول...

بطوط عربيتى نجح يا رجاله ويا بنات
الف مبروك يا بطوط بجد


ثانيا بقى نيجى للبوست بص يا سيدى وما سيدى الا رسول الله
انا دايما بلوم الناس اللى بتعدى الشارع او الطريق وخاصه هاى واى من غير ما ترفع ايدها حتى علشان انا من بعيد اشوف واهدى وده الصح وده الغلط اللى على الانسان
اما الغلط التانى على الحكومه الغبيه
اللى مش بتعمل اماكن على الهاى واى للناس
وبلوم الناس تانى لان فيه اماكن وهى مش بتعدى منها
الراجل صعب عليا بس يا محمود بما انى من اللى بيركبوا عربيات صدقنى خضتنا بتبقى وحشه قوى لمانلاقى حد قداممنا فجأه كده
وعموما اذا كانوا اهلوا قالوا الكلام ده فمن خوفهم بس

رئـــــيسـة حزب الأحلام يقول...

الف مبروك على النجاح
بس ليه ماحستش بالسعادة تخيل الواحد بردة لما كان بينجح مابيحسش بالسعادة مش عارفة ليه مع انى لو فشلت كنت ممكن اموت نفسى من العياط
حاجة غريبه يعنى بقينا غاوين تعاسه
تحياتى لك

بطابيطو ترمس يقول...

رائع يابطوط وصلت لينا الاحساس جدا
فكرتني بحاجه سمعت حكايه من واحد كبير في السن
كان بيقولي وهو طالب ونجح ورجع مظقطط وقال لابوة انا نجحت وعمال يزعق من الفرح
راح ابوة زعقله وقاله انت كنت عايز تسقط يعني ماانت لازم تنجح
لانه خلااص قرر ان النجاح دة امر بيديهي من اينه مستحيل يسقط مبقاش يفرح بيه
كله توقع كدة منك يابطوط بعد السنه اللي فاتت
عشان كدة محصلش اي رد فعل ليهم
بس ان شاء الله هتنجح علي طول وبتقديرات عاليه جدا
ربنا معاك
بطابيطو ترمس

bentulmuslimeen يقول...

اه
عارفة
ده كويس جدا و الله
واااااااااااااااء
بتحصل دايما على فكرة و حتى من دون ما يكون فى حوادث قبلها
يللا الله المستعان
يللا مش هكمل نكد عليك
سيبك
المهم الفييييييييييييين مبارك نجاحك
و خليكة دايما كده من الجياد التى ان كبت عاودت النهوض من جديد
:)
عارف بيقولك انه لما يكون فى حدث بيكون لابد له من تعزيز عشان يستمر فى الحدوث او عشان يثبت و يقوى
اللى حاصل بقى انه مابقاش حد بيعمل التعزيز ده
بس سبحان الله بيقولك العزيز بيكون اكثر فعالية لما يكون نابع من الذات
و الله فى ده حكمة صح؟
المهم مبااااااااااااااارك النجااااااااااح عقبال السنة الجاية ان شا الله

موناليزا يقول...

الف مبروك يادكتور وعقبال السنة الجاية وتكون بتقدير امتياز كمان
افرح لنجاحك واجعل من يومك درسا لغدك

ست البيت يقول...

ألف مبروووووووووووووووووك
أجمل من التفوق أن تصحح الخطأ

بطوط حبوب يقول...

شكرا لكل الى باركولى والله من غيركم الواحد بيحس انه ناقصه كتير
والى مفهمش حاجه من البوست فباختصار انا نجحت

ربنا ما يحرمنا من بعض ويدوم المحبه دايما

روز يقول...

اياك يتمر بس ;)

ادم المصرى يقول...

بوست رائع اتمنالك التوفيق ويباركلك الله فى مدونتك جميله جدا بجد

هبة المنصورى يقول...

هابدأ من العنوان.. "وكأنى ماعرفتش" ده تعليق ناس كتير على أحداث كتير دلوقتى.. كبيرة أو صغيرة بقى ماتفرقش.. الناس ماعدتش فايقه للى حواليها.. ده حتى لما بتجامل حد بابتسامة وبونبونايه أو كوباية عصير يستغرب أوى ويقولك بمناسبة ايه؟؟ هو احنا مستنيين مناسبة ياجدعان عشان نشارك اللى حوالينا؟! وياريتهم بقى بيشاركوا ف المناسبات ده كمان يعملوا مش عارفين
ماعلينا من كل اللى جه يزور ف المستشفى بابتسامه صفرا وبوكيه ورد دبلان.. وماعلينا من اللى نسى يقول مبروك.. خليك ف اللى جنبك.. وافرح

مواطن مصرى نايم يقول...

اولا يا ابو حنفى مبروك
الف الف الف مبروك
يا عم انا فرحان لك
بيقولك
لكل جواد كبوه
يا حوده
انت احسن دكتور يا باشا ما دام ده احساسك
الانسان مش مجرد نجاح او شهادة
لازم تحب اللى انت بتعمله عشان تنجح فيه
مش مجرد تحدى للنفس بس
المهم انك نجحت
الف الف مبروك
الشربات فين ؟
طب الحاجة الساقعة ؟
طب سندوتش حلاوة بالقشطة ؟
تحياتى يا اجدع دكتور

اسلام

oRiGiNaL HeArT يقول...

شئ مؤلم بغبااااااءعدم مبالاة الناس القريبة منك باللى بيحصلك
وكانك ولا حاجة بالنسبالهملا فى فرح يتاثرو وكانه شئ عادى ولا فى حزنك يتخضو عليك ويدور عليك من جوا
لما بعيش الاحساس دة بكره الدنيا
وبحس ان اكيد انا الغلطانة
اكيد هما طبيعين انهم ميفرحوش لشئ فرحك وان زعلو على زعلك فمش بالدرجة اللى تحسسك انك مهم ليهم
ممممممم
تقريبا انا فهمت غلط
بس دة الكومنت اللى جيه فى بالى
احب اشكرك على زيارتك
شرفت مدونتى :)

oRiGiNaL HeArT يقول...

اه صحيح نسيت ابارك على النجاح
الف مبروك ويارب كل سنة فى تفوق
وعقباااالى ياااااااارب:)

دعاء مواجهات يقول...

تصفيق حاااااااااد بقلبى

لأخى العزيز صح كدة

هو دا الكلام

مش مهم مين يفرح مين يتأثر

المهم انت من جواك

تكون راضى وقانع

ومحدد انت عاوز اية

الف الف مليون مبرووووووك

ربنا يوفقك...

نجاحك نجاااح لينا وبيفرحنا..

سلااام

mohamed ghalia يقول...

هو ليه إحنا مش بنعرف نحل مشاكلنا أول بأول ونستنى لغاية منوصل للوقت إلى
بنكون فيه مش شايفين قدامنا من كتر المشاكل ليه مش كل فترة بنوقف وقفة مع نفسنا ونحل أمورنا ونحللها علشان نعرف نعدى الطريق واحنا فايقين
وده لايمنع إنى للأخرين دور لازم يحسوا بينا وبمشاكلنا ويعيشوها معانا ومش كل حاجة يلومونا عليها واحنا لازم نحس بالأخرين ونلتمسلهم العذر عشان هما يحسوا بينا بعد كده
محتاجين نتغير كده الله المستعان
تحياتى وألف مبروك يامان ومش مكفيك إنى الناس دى كلها فرحنالك إنتى طماع قوى هههههههههههه
متحاول تفكر ترشح نفسك فى الإنتخبات
فى رعاية الله
مبروك

واحدة مفروسة يقول...

معلش يل بطوط انا جايه متأخرة
بس و الله انا كنت فى مكان النت فيه اصلا مشكلة
ومشكلة تعل كمااان
بطوط انت نجحت...ليه مش تفرح و تفرحنا معاك..على اساس انها هيه السنة اللي فاتت؟؟
انت ناجح و اثبت لنفسك انك تقدرو احنا مبسوطين انك ناجع
ههههه
و مش حتاكل علينا الحاجه الساقعه
هههههههههههههه
مبروك
الحمد لله ان شاء الله حتلحق تتمرن على اسنانى

واحدة مفروسة يقول...

معلش يل بطوط انا جايه متأخرة
بس و الله انا كنت فى مكان النت فيه اصلا مشكلة
ومشكلة تعل كمااان
بطوط انت نجحت...ليه مش تفرح و تفرحنا معاك..على اساس انها هيه السنة اللي فاتت؟؟
انت ناجح و اثبت لنفسك انك تقدرو احنا مبسوطين انك ناجع
ههههه
و مش حتاكل علينا الحاجه الساقعه
هههههههههههههه
مبروك
الحمد لله ان شاء الله حتلحق تتمرن على اسنانى

سارة علي يقول...

ازيك يا دكتور محمود
فين البوست الجديد بتاعك اتاخرت اوى علينا يا ريت نشوفلك قريب بوست جديد
تحياتى وسورى على تطفلى

دخل الشتا يقول...

ألف مبروك نجاحك وتحياتى لقلمك البسيط المعبر ومدونتك الجميلة .

زى الهوا يقول...

عجبتنى اوى القصة واللى شرحت موقفك بالكامل , وشعورك بكل محاوره

وخليك متأكد إن كل دى اختبارات من ربنا , وماتسرحش تانى ابدا ولا تفكرش فى حاجة غير لما تخلص اللى وراك الاول , حياتنا كلها مراحل , ماينفعش نمر من مرحلة لاخرى , يعنى ماينفعش وانا فى 3 ابتدائى انط على اعدادى
اديى للمرحلة اللى حضرتك فيها دلوقتى حقها كامل , وبعد كدة هتلاقى المراحل اللى بعدها بتيجى بالترتيب
تحياتى لاسلوب حضرتك واصرارك فى نهاية البوست

abo salah يقول...

بعد السلام عليكم

جميل اوى نسجك لتشبيه مماثل لحالتك
رغم انه مؤلم

بس سيبك أنت
الحمد لله رب العالمين انك نجحت
ولازم تفرح لنجاحك وتخلى ثقتك فى الله وكرمه كبيرة

واحييك علي اصرارك

تقبل زيارتى الأولى
وتقبل تحياتى

maryooom يقول...

ربنا يوفقك ان شاء الله وتعمل اللي انت عاوز تتمناه

Sometimes يقول...

عارف يا بطوط
بجد مش عايزه اعلق علشان مش هعرف ادى البوست ده حقه

الف مبروك نجاحك يا بطوط
وافرح وخد من الدنيا كل الفرح
ما تسيبش حقك ابدااا

حمامة يقول...

والله يابنى زيك تمام

ولا اكأنى حتى ف ليسانس ومتخرجه

ولا يهمك

وانا متأكده ان السنة الجاية هتنفذ كلامك

الف مبروك يا بطوط

كفاية اننا احنا فرحنالك اهو

:)

نوسه يقول...

حاسه جدا باللى بتقوله
بس ياريت يبقى عندى حماسك للسنه الجديده
اصلا نفسى اعرف احب الكليه
ربنا يوفقك يااااارب

nour shahen يقول...

ليك حق فى كل اللي كتبته والله وربنا يوفقك
بس عارف انا عجبنى تصميمك جدا للمواقف
اصلى فعلا اتخبطت من العربيه وبعدها جالى عقده فى عبور طريق , لحد ما خفيت دلوقتى والحمدلله و لكن انا ضحكت وانا بقرأ الكلام اصلك فكرتنى بنفسى
وعامة فى شيء واحد لازم نفتكره دايما انه دايما كل شيء بيحصلنا من حوادث زي كدا دا قدر مكتوب ومينفعش نقول لو, اصل اللي حصل حصل وخلاص
فلازم نشجع ومنضغطتش على حد عمل كل اللي قدر عليه , بس نشجعه وبأذن الله يقدم احسن ما عنده واكتر
تحياتى ليك

ست البنات يقول...

جامدة جدا
كلنا اتحطينا في مواقف زي دي ولسا بنتحط...مفيش فايدة
نطالب بمسح الأسنان من نقابة الأطباء...بلا فضايح

بطوط حبوب يقول...

بجد شكرا ليكم كلكم انا برضه
معنديش ولا كلمه اعلق بيها غير انتو افضل اصدقاء فى الدنيا