2010/01/30

خيخه

النهارده مقدرتش اقعد وقت طويل فى لقاء المدونين فى نادى الزراعيين
فعشان كده مش هتكلم عن اليوم كتير
بس حصلت حاجه غريبه جدا
فى لقاء مدونين مره كده زمان .. قعدت اتكلم مع بنت على انها (بنت خيخه) يجى نص ساعه او اكتر عن مدونتها .. ايشى نقد وايشى بوست معجب بيه.
قوم ايه بقى النهارده جت بنت خيخه .. غير اللى كنت بتكلم معاها خالص
يعنى نفرض مثلا ان خيخه الاولانيه مكنتش محجبه وطويله وتخينه مثلا يعنى .. فخيخه التانيه محجبه
واقصر وارفع جداااااااا دا مثلا
لأ بجد لو انا المره اللى فاتت كلمت  خيخه يبقى مين دى؟
ولو دى خيخه يبقى صباح الاحراج اللى كنت حاطط نفسى فيه المره اللى فاتت .. دا انا كلت ودان البنت يجى نص ساعه بجد والله
وهى كانت ذوق وخدتنى على اد عقلى وقعدت ترد

لذا ومن مكانى هذا اقترح فى اى لقاء مدونين اننا نعمل للمدونين تاج بأسمهم ( زى الصور على الفيس بوك) او نعمل حاجه يعنى 
احنا لازم نقف وقفه.
انا فضلت اتكلم مع واحده نص ساعه على مدونه متعرفهاش ولا ليها علاقه بيها ..:(( حاسس انها كانت بتقول مين العبيط دا
شكلى زباله اوى والله
عموما سعيد بمعرفه خيخه الحقيقه ( ولو مكنتش دى ولا ايه انا تهت)
وبكل اللى شفتهم النهارده.. انتوا ناس فوق الورعه بجد ربنا يكرمكم كلكم .. واسف انى مقدرتش اقعد فتره اطول عشان كنت مشغول والله بجد
تحديث عشان حصل سوء فهم معرفش جه ازاى
انا بحكى موقف انى شفت زمان واحده وكلمتها على انها خيخه
 والنهارده شفت واحده تانيه خالص واتعرفت عليها على انها خيخه
مش بقول ان خيخه نفسها اتغيرت ولا بتكلم عن كده خالص وانا مال اهلى اصلا. 
انا شفت شخصين .. ابوس ايديكم مش عاوز ذكاء

هناك 20 تعليقًا:

غير معرف يقول...

هو كان فيه لقاء مدونين النهاردة..؟ بجد..؟؟
:(

R-H-S يقول...

just laugh

ياما تشوف المدونه اللي انت اكلت ودنها وتقولها انتي ليه عملتي فيا كدا ؟

ستيتة يقول...

عاوزة افهم ازاي اتسربت انت ومحمد غالية
ده هروب تيكتيكي
المدونين كانوا مستلمين بعض على سركي
نسوي العهدة دلوقت إزاااااااااااااي؟ :)

Mahmoud البطراوى يقول...

ستيته حسب الله الحمش
لأ والله مش اتسحبت دا انا من اول ما وصلت وانا قايل همشى 11 وربع
وساعه ما مشيت قلت لفاتيما انى همشى وقلت للكل انا ماشى سلام عليكم عشان مرتبط بحوار مع دار المصرى

ميرا ( وومن ) يقول...

هههههههههههههههههه

والله ضحكتني من قلبي أضحك الله سنك

بطوط انت عارفني كويس مش كدة يعني لو حصل نصيب واتقابلنا مش هاتكتشف ان انا مش انا

وبجد العيب مش عليك العيب علي اللي انتحلت شخصية خيخة لأن ببساطة كان ممكن تقولك أنا مش خيخة وخلاص

KING TOOOT يقول...

يا أبني فضحتنا
معقول ؟
تتكلم مع واحدة نص ساعة على إنها واحدة تانية ، طيب المهم دلوقتي إنت عرفت خيخة الحقيقية
تبقى مين التانية بقى ؟
هههههههههههه
تحياتي
KING TOOOT

صيدلانيه طالعه نازله يقول...

ههههههههههههههه

هو انت على طول فاضحنا كده فى كل المحافل الدوليه

بس حنقول ايه يعنى
بطوط

و بعدين ياريت تقر و تعترف و تقول خدت
كام عشان تقول البوقين دول فى الكتب السالف ذكرها

قوس قزح يقول...

هههههههههههههههههههههههه
و التانية سابتك تحكى عادى معها ولا هى كمان فاكرة نفسها خيخة ؟

الغريب بقى انى مش شوفتك امبارح مع انى كنت مع خيخة ..انت متاكد ان اللى كلمتها المرة دى خيخة ؟؟

ويكا يقول...

انت ايه حكايتك يا عم الحج؟

مره عاطف ومره خيخه

انت شكلك فاهم غلط.
.......

انت متأكد انك محمود ولا فاهم غلط؟

الـسـيـدة نـون يقول...

ازيك يا بطوط

اكيد ماكنتش انا اللى شوفتنى اول مرة
لان انا ماشوفتكش غير امبارح

بس واضح ان حصل معاك سوء تفاهم وكان المفروض البنت اللى انت بتكلمها على اساس انها هى كانت وضحتلك سوء التفاهم علطول


عموما حصل خير
وكنت اتمنى انى اقعد معاك وقت اطول

فاتيما يقول...

ازيك يا بطوط

بغض النظر
عن توء السفاهم دا

و بغض النظر
عن انك مشيت بسرعة
و مقعدتش معانا كفاية

و بغض النظر برضو عن
انى زهايمر متأصل
و ملحقتش اوصل سلامك للجميع
كما كان ينبغى و يجب


بس اعذرنى لأن الجمع كان غفييييير
و معرفناش نتلم فى حتة واحدة
و نسمع بعضنا كويس

لكن انا عاوزة اشكرك جداااا
على الجدعنة و الشياكة

وإنك اصلا جيت عشان تسلم علينا
رغم ان وراك مشوار مهم
و بعيييييد ...


و انك انبريت متشجعا
و دخلت لأدارة النادى
و قمت بالواجب لا احلى و لا اروع
على رأى شوبير ...

و انك جيت انت و محمد غالية الجميل
و شوفناكم اصلاً و كان ممكن متجيش


و انك كنت بشوش واخلاق كعهدى بيك
يا بطوط يا حبوب
و يا اجدع دكتور سنان فى مصر


خالص ودى يا فندم

Unknown يقول...

لقد حجزت سقنطتتين زكتتين سطنطنتين
تـــذكـــرتـــيـــن ؟؟؟ ماتقول كده من الصبح يا عم...يعني ايه خيخة؟

Ma 3lina يقول...

انت ضاااااااااااااااايع

:) و ما علينا

شمس النهار يقول...

يعني انت اللي اخدت محمد غالية
وهربته مني

طااااااااااااايب
كان نفسي اتعرف علي محمد غالية دبلوماسي البلوجر

ماشي يابطوط

المرة الجاية نتعرف علي بعض
يااستاد بطوط وماتهربوش

سلامي

Mahmoud البطراوى يقول...

faissl
معلش بقى يا بوب المره الجايه بقى
****************************************************************
عاوز اصحي
لأ انا هاخد بالنصيحه الاولى وهضحك وخلاص
****************************************************************
ستيته حسب الله الحمش
انا رديت على حضرتك تحت الكومنت على طول
****************************************************************
وومن
لأ يا ميرا انا عارفك اكيد .. او اظن .. مش عارف بقى انتى وظروفك انا حاسس انى هيست خالص
****************************************************************
KING TOOOT
والله هو دا اللى حصل وحاسس ان شكلى كان فظيع
:D
لأ عرفت مين بقى خيخه
اظن :-S

****************************************************************
صيدلانيه طالعه نازله

والله هى اللى بتيجى كده من غير ما اقصد
:((
الكتب هاخد 90% من مكسبها :D
****************************************************************
قوس قزح
لأ هو ممكن متكونش فاكره انى بحسبها خيخه والله اعلم .. بس سابتنى اتكلم عن خيخه ليه معرفش

انا مشيت قبل ما توصلى- حظى وحش اكيد - فعشان كده مشفتنيش انما اكيد انا شفت خيخه الصح لانها علقت على البوست دا
:D

حصل خير
****************************************************************
ويكا
هههههههههههه
انا فاكر انى محمود بس مش متأكد
:D
****************************************************************
بت خيخة وأي كلام
مش عارف اقول ايه؟؟
لأنى لغايه هذه اللحظه لسه مخضوض من البوست اللى اتكتب عن اليوم دا
عموما فرصه سعيده وتتعوض مره تانيه بقى ان شاء الله
****************************************************************
فاتيما

والله يا فاتيما انتى اللى تستحقى الشكر وبزياده
وانا عاوز امى معاكى عقد بدل ما اكتب فى الروشته (مسكن) لاى الم اكتب يقعد مع فاتيما شويه او حتى يشوفها من بعيد
بجد والله كل ما بشوفك بحبك اكتر معرفش ازاى
ربنا يكرمك يارب
****************************************************************
BISHR2038
خيخه صاحبه مدونه بنت خيخه
:D
****************************************************************
Ma 3lina
هعتبر دا مدح :D

Mahmoud البطراوى يقول...

شمس النهار
لا والله دا محمد مشى بعد الصلاه حتى
ومشتفوش طول اليوم الا بعد العشا
انا كان عندى معاد وهو معرفش

انا حظى وحش انى مقابلتش حضرتك بس تتعوض ان شاء الله

هناء محمود يقول...

مش فاهمة يعنى هى الأولانية كانت خيخة والتانية كانت خيخة بس تخنت شوية وإتحجبت معلش اصلى فهمى تقيل حبتين

http://awraktanbod.blogspot.com/

فاتيما يقول...

ربنا يسعد قلبك
يا محمود


على فكرة

انا دموعى نزلت على آخر جملة
فى كلامك
اصلك فاجأتنى بشىء طيب مكنتش مستنياه
لكن اكيد اتمنى اسمعه منك

متحرمشى منك

غير معرف يقول...

هههههههههههههه

جميل سوء التفاهم الي حصل دا

والبت سامعة وساكتة ليه ماكنت قالتك يلا يابختك شفت بنت خيخة بشخصيتين مختلفة ههههههههههه

ربنا يجمعكم على خير دايما

دمت بود

Mahmoud البطراوى يقول...

أم .. بوبه

انا زعلت من التعليق بجد لان دليل ان حضرتك مقرتيش البوست مستحيل
دا انا كاتب تحديث فوق عشان اوضح انهم كانوا شخصين حقيقتا ولا مجازا

*************************************
فاتيما

والله كان كلام من القلب وكويس اوى انه وصل للقلب
وميرسى يا فندم على الورد :D

*************************************
ঔღঔ نـــوارة ঔღঔ
على رأيك :))
ربنا يخليكى يا فندم ونورتى المدونه
:D