2009/04/24

مها زين




انا بقالى تلات اربع تيام عايز اكتب بوست اقول فيه لمها زين انها الحياه مبروك على الخطوات الجديده اللى جت ورا بعضها  واللى اخرهم هنا




وكل ما اجى ابدأ كتابه ملقاش كلام معرفش ليه




اول مره بدأت اكتب كنت عايز اكتب عن ازاى الواحد ممكن يبقى راجل مع نفسه .. ويمشى كلامه عليها غصب عنها وغصب عن اى حد تانى .. وانه يقول هعمل يبقى هعمل




وكنت عايز اكتب عن .. الا ان سلعه الله غاليه ..الا ان سلعه الله هى الجنه 




وبعدين جهزت بوست اتكلم فيه مسك العصايه من النص وان دى اكتر حاجه ممكن تخلى الواحد يتخلى عن خطوات كتير قطعها ف طريق الالتزام .. ودى من اكتر المشكلات اللى الواحد ممكن يمر بيها




ازاى يجمع بين ان الناس متشفهوش جاى من كوكب تانى .. وبين ان يلتزم .. وبرضه معرفتش ارتب الكلام اللى ف دماغى.




فى الاخر تهت واحترت اكتب ايه ... ولقيت احسن حل ان اكتفى بمبروك من القلب لمها ودعوه صادقه ليها ان ربنا يثبتها .. وادعى لنفسى انى ارتب دماغى لانها بصراحه اثارت جوايا مواضيع كتير عايز اتكلم فيها ان شاء الله ف الايام الجايه بس غالبا ف مدونتى التانيه بطوط لما يقول 




والسلام ختام
اه كل واحد ياخد له شوكولاته واحده بس اللى هياخد اكتر مش هقطعه حتت حتت حتت


روحوا باركوا لمها من هنا  

هناك 13 تعليقًا:

mohamed ghalia يقول...

المهم نقدر نرتب احنا عايزين ايه وبعدين نبدأ فى التنفيذ
مبروك لمها إنها بجد طلعت راجل فى كلامها وربنا يثبتها
ويلا يا بطوط رتب أفكارك وابدأ
بس المهم ركز فى مذاكرتك

مسلمة يقول...

قرات عند مها دلوقتى انك تشتكى من قلة الزوار؟
اسأل نفسك ليه يادكتور محمود الذنب مش ذنب مها ابدا الذنب ذنبك انت بتزور مين؟؟بترد على مين؟
ما تتحججش بالمذاكرة وخلافه تؤ تؤ تؤ
نصيحة منى لو عايز ناس زى زمان
زور الناس كلها (انت مش توفيق الحكيم ولا نجيب محفوظ لاجل ماالناس تقرا لك من غير انت ما تقرا لهم؟؟

Mahmoud البطراوى يقول...

مسلمه
ههههههههههههههههههه
انتى فهمتى غلط خالص
البوست دا انا اصلا مش متوقع يجى عليه غير كومنت واحد اللى هو كومنت مها
عشان الفت نظرها للبوستات اللى انا ناوى لكتبها فى بطوط لما يقول
وتعليقى عندها مكنش اكتر من تهريج واظن اسلوبه واضح
ببساطه الناس اللى بتدخل مدونتى - لو لسه فى ناس بتدخلها يعنى :D- اما انهم اصدقاء مشتركين مع مها فأكيد باركولها هناك وملوش لزمه تعليقهم هنا
او ناس متعرفهاش فالبوست ميهمهش

على كل الاحوال انا بجد متشكر ليكى جدا على النصيحه اللى بالفعل لو اقدر انفذها - وانا ادرى بظروفى - كنت عملتها من زمان

وبعدين كفايه على كومنتك وخصوصا انك مش بتكبى لك مدونه ليكى يعنى كده كده مش هتزعلى منى ولا ايه:P
واعيلى مخسرش حد من اصحابى بسبب انشغالى دا
شكرا تانى على النصيحه

همس الاحباب يقول...

الف مبروك لمها
وربنا يوفقها دائما
وشكرا ليك على التنويه
مع انى باركلتلها من زمان
تحياتى

maha zein يقول...

ايه ده
ده بجد ده
يعني تغيب تغيب واجي الاقيك كاتب بوست وعنوانه مها
انا مش عارفة بجد في ايه
يعني ده بجد ده ولا كدهة وكده
يعني انا مش عارفة النعم بتاعت ربنا دي احصيها اذاي
انتوا عارفين بكلامكم ده بيتعملوا في نفسيتي ايه
بترفعوني السما
بتحسسوني ان الناس حلوة حلوة اوي
وقلوبهم فيها خير
والفطرة طيبة جدا
حتي اللى مش منتقبات فرحوليب اوي
وكان جواهم بيقول ان النقاب الصح فعلا

بقه تعمل بوست مخصوص عندي
يا الهي
بجد مش عارفة اعبر اصلا

جيت لحقت اربع تعليقات
اتك علي الصبر بقه شوية انزل بوست النهاردة واعمل فرح
ده انت مش هتلاحق
بطوط
انا بجد مش عافرة اقول ايه
لمسة رائعة منك
ولو تعرف كمية الشحنات اللى اخدتها من البوست ده
مش هتصدق
ربنا يجعله في ميزان حسناتك يا راجل انت

قال بوست بعنوان مها زين قال
شوف الناس

انا حره يقول...

مها دى حبيبتى وربنا يباركلها ويبارك فيها

غير معرف يقول...

بجد يا بطوط
جزاااااااااااااااااك الله خيراااااااااااااااا

ربنا يجعله فى ميزان حسناتك و حسناتها


بنت المسلمين

Unknown يقول...

السلام عليكم ورحمة الله وبركاتة
اخى بطوط (محمود )
كيف حالك يارب تكون بخير حال ان شاء الله
الف مبروك لمها زين وربنا يثبتها
ولابد ان يكون لكل منا وقفة مع نفسة يعيد فيها حساباتة ويقيم ما حاول القيام به للاعداد للرحلة الحتمية فى اى وقت


جزاك الله خيرا اخى
احترامى وتقديرى

مهندس مصري بيحب مصر يقول...

يا سيدي و البوست ده له فائدة كويسة إنه خلاني رحت باركت لمها
لإني كنت ما أعرفش

ألف شكر :)

مهرة سالم يقول...

السلام عليكم ورحمة الله وبركاته.....
جزيت خيرا اخي لإهتمام بأختك بالله ...
وتشجيعك لها .....
أسأل الله لها ولنا الثبات ...
...
في امان الله..

الجواز و سنينه يقول...

واحده بس؟؟؟؟
تيب البنوتات مش يخدوا يعنى؟
انا عن نفسى هاكبش و ابقى حصلنى لو تقدر

shabfa2re يقول...

مها زين ما اختارت
D:

صاحب المضيفة يقول...

هه يا مان

ايه الاخبار والاهرام والجمهورية معاك

يارب تكون بخير وتعدي الحالة دي على خير بقى علشان نعرف نستفيد من علمك الغزير يا مولاانا


سلام يا ابن اختي