2008/03/29

يا ولاد المحظوظين


محدش يستغرب فعلا انتوا ولاد محظوظين وعشان الكلام يكون دقيق
الناس الى فوق 30 سنه محظوظين والى اقل من كده باهبهينهم - ايوه إلى على وزن ماهمهينهم -هم الى محظوظين
حد يسألى ليه ؟؟
هقولكم طب ما تسألوا اباهتكم هو انا الى محظوظ ولا هم؟؟؟!! اما انتوا غراب اوى!!!!
بصوا عشان موجعش دماغمكم فى ليله اكثر جمالا من هذه - يا فرجينيا - من واحد وعشرين سنه الا يوم حصل حدث غير مسار التاريخ
-حدث ولم يعد.
فى الليله دى من واحد وعشرين سنه ابويه بقا عنده ابوشن جديد .. اه والنعمه ابويه بقى عنده اوبشن جديد ..
اوبشن انه يتقال له يا ابو محمود - اظن اوبشن جامد - طبعا هو متقلوش يا ابو محمود خالص لانى مش الكبير بس برضه بقى عنده الاوبشن يستغله بقى ميستغولش هو حر محدش شريكه
طبعا امى برضه بقى عندها الاوبشن ده - مش عايز ذكاء
طب ابى بقى عنده الاوبشن ده ايه علاقه ان بهباهتكم محظوظين
او محظوظات - مذكر ومؤنث سالم - حد يقول مش سالم انا مليش دعوه؟؟
العلاقه وطيده عزيزى المدون عزيزتى المدونه .. فهم بالطبع محظوظين عشان عاشوا الليله -الاكتر جمالا يا فرجينيا عليك نور-الى اتولدت فيها
اى نعم هم مشافونيش -وده يقلل من كميه الحظ الى بيتمتعوا بها -انما برضه على كل حال فهم برضه محظوظين
حاولوا ان تسرحوا لتتخيلوا معى هذه الليله كيف كانت؟؟
الساعه 12 بليل - اصلى بحب السهر - بدأت اصرخ وااااااء واااااااااء
تخيلوا شكل القمر وكيف ارتسمت على وجهه ابتسامه الفرح - الظاهر كان شمتان فى عشان بعيط - وشكل النجوم التى اخذت ترقص وترقص وترقص لحد ما وقعت مغمى عليها
تخيلوا شكل السحاب وهو عمال يعمل حاجات كده ملهاش معنى - الظاهر بيغلس على النجوم - بس شكله حلوووو اوى
تخيلوا حاجات كتييييييير اوى حلوه فقد تم اضافه بطوط جديد للعائله
انتوا طبعا معشتوش اليوم ده انما اسألوا اهاليكم هيحكيلوكم حاجات غريبه جدا حصلت فى اليوم ..
كل ده مش مهم انا قلت عشان الجيل ده ميحقدش على الجيل الى فات فانا قررت اقولكم خبر اكسكلوسف حصريا
مش هتلاقوه غير هنا

احم احم
امممممممممم وكمان احم احم
اصلى محرج
طب اخر احم احم
خلاص انا هرفع الوصايه .. اوعى حد يقول ياكوتوموتو وانت لسه تحت الوصايه .. هقوله لأ انت مش فاهم .. اه انا لسه تحت الوصايه ههههههههههه اكدب؟؟!!
بس بصوا للجزء المليان من الكوبايه انا دلوقتى اقدر اتحكم فى فلوسى واموالى ومجوهراتى ودهبى وياقوتى ومرجانى ..
دلوقتى اقدر اتحكم فى عزبى واطيانى .. خلاص بقيت حر - واقدس الحياه الزوجيه واشارك فى الاثاث - يعنى محدش يقدر يتحكم فيا تانى
خلاص زمن الى فات فات من هنا ورايح فى بطوط جديد
لما اعوز فلوس بدل ما كنت بقول لامى عايز فلوس دلوقتى خلاص .. هفتح الباب بغضب واقولها بصوت عالى لو سمحت يا ماما من فضلك هاتى اى شئ لله دا انا غلبان.

يعنى دلوقتى اقدر اقول بقلب جامد انى هبدا انظر لطلبات البنات -الكتير اوى - الى عايزنى اجوزهم يعنى خلاص الى عنده قريبه او واحده بيعزها اوى يقدر يتقدم الان بطلب وانا هبدأ انظر له عشان اختار شريكه حياتى الى هتشاركنى فى ال - لا مش الدهب والياقوت - هتشاركنى فى ال احمدك يااااااااارب

هناك 48 تعليقًا:

امواج يقول...

تقريبا ده اول تعليق

ههههههههههههههههه


كل سنه وانت طيب يامحمود


انا برده بابا عاش الليله دى فيا انا واخواتى لانه كان الدكتور ههههههههههههههههههههههه

اعتقد انه عشها كتر من حد الله يرحمه



كل سنه وانت طيب يامحمود كمان مره

وعوزين بقى بما انك اصبحت شخص جديد ومممكن تعزمنا

انين الحزن يقول...

كل سنه وانت طيب ياحوده

بالنسبه للعروسه وكدا انا في الخدمه يعني

مش هتلاقي حد احسن مني ياخد باله من العزب والاطيان والدهب والمصروووووف بتاع ماما

فكر كويس وابقي رد عليا
ومتقلقش خالص احنا بنشتري راجل
سلاموووووووووز ياعسل
وزة

Asmaa mahaba يقول...

التالت وراجعه

Asmaa mahaba يقول...

ههههههههههه كل دا عشان عيد ميلادك
طيب يا سيدى كل سنه وانت طيب وعقبال 100 سنه
انتم السابقون ونحن اللاحقون...
تصدق انا بقالى سنه زلاهم من اول السنه دى عشان على يوم 20 كدا ان شاء الله ححصلك ...وعماله اقول لبابا ولازم استغل 21 سنه دى ...قالى حتعملى ايه قلتله حتجوز من وراكو قالى وهو حد قالك متتجوزيش هاتى اللى انتى عاوزاه ونجوزهولك قلتله لالالا انا لازم استغل الاوبشنز بتاعتى مليش دعوه...
المشكله بقى انى لما اتم 21 سنه والكلام دا بعد تقريبا 22 يوم مش حلاقى العريس اللى ازل بيه اهلى واستخدم الاوبشنز بتاعتى يعنى حيبقى شكلى وحششششششششش...مش مشكله بفكر استخدم اوبشن تانى...احط اد ميت جنيه فى حسابى فى البنك واسحبهم تانى....او اشترى مترين فى الصحراء وابيعهم ....يمكن اشعر بكينونتى
ياااااااااه فكرتنى الله يسامحك وشيلتنى الهم
سومه_87

سهر الليالى يقول...

ههههههههههههههههههههههه
هههههههههههههههههههههه
ههههههههههههههههههههههه

فظيع فظيع فظيع
أول مرة أشوف حد بيحتفل بعيد ميلادة بالجمال دة
ما شاء الله دمك زى العسل

أولا كل سنة وانت طيب وعقبال خمستبعتاشر مليون سنة
بس يعنى أن ما جبت سيرة انو عيد ميلادك يا ترى دة هروب من التورتة مثلا

وأنا أكيد كنت أتمنى أنى أبقى أصغر من واحد وعشرين سنة عشان ابقى عروسة مناسبة طبعا طمعا فى

فلوسى واموالى ومجوهراتى ودهبى وياقوتى ومرجانى ..دلوقتى اقدر اتحكم فى عزبى واطيانى

هههههههههههههه

يلا ياعم أبدأ عهدك الجديد وسيرى يا نورماندى وإلى قفص زوجية ومهلبية بالطعمية

بس ألا إيه الأستفتاء دة
دة إيييييه التواضع اللى فيه ده
هههههههههه
بجد وقعت فى غرام مدونتك وأعتبرنى زبونة

تحياتى

الفارس الملثم يقول...

يعني افهم الاول ان عيد ميلادك النهارة , طيب فين الحاجة الساقعة والجاتوه ..

لا طبعا فاكر انا اليوم ده من 21 سنة حتي كانت السما باتجاني وكان الناس كلها واكله مسقعة في اليوم ده ياااا كان يوم ..

طيب صح بما انك حطيت ايدك علي الدهب والمجوهرات ممكن تسلفني تلاتة جنية اجيب بيهم ساندوتشين فول وطعمية اصلي جعان دلوقتي ..

عقبال اليوبيل البلاتيني يابو البطابيط

nigro يقول...

هههههههههه
يا خبر يا محمود
هههههههههه
دا انت مشكلة
هههههههههه
في ليلة أكثر جمالا من هذه الليلة
هههههههههه
و فلوسي و عزبي و أطياني و دهبي و مرجاني
ههههههههه
يا خبر
ههههههههه


أيوه فيه إيه بقى؟
إيه اللي حصل يعني؟

nigro يقول...

محمود باشا
اوعى تكون زعلت من رخامتي
كنت بزرزر معاك
كل سنة وانت طيب يا جميل
و عقبال تستعتلاف سنة
(:
مح مود بط بوط حب حوب
تستعتلاف بقى

أم أحمد يقول...

انا عندي ليك أربع عرايس بس أكبر منك
يامحظوظ يابطوط ... هاأجوزك يعني هاجوزك

بطوط حبوب يقول...

كل سنه وانتوا كلكوا طيبين

امواااااج
اهو مفيش ولا تعليق هههههههههههه
وانتى طيبه وبخير ومش هتنفع لرديحى كده فين الهديه
والدك عاش جو الاثاره جامد
بس فى الاخر مخدش اببوشن انه يبقى ابو محمود
دا ابوشن جامد
وممكن اعزمكم جدااااا بس قدمى السبت هاتى الهديه وطلبات عرايس وانا من عينى انتى شايفه الدهب والياقوت بنفسك اهو

***************************
انين الحزن
وزه دا بدل ما توقليلى اكلها معاك بدقه
قدمى لبك واقفى فى الطابور احنا هنعمل قرعه لمن تنول هذا الشرف
مفيش واسطه

(وش حازم) مش حازم امام حازم وخلاص

****************************
سومه
هههههههههههههههههه
حلو اوى تشترى ارض فى الصحرا وتبعيها
اوعى يا بنتى يعملوا حجر عليكى تبقى خلصتى من الوصايه دخلتى الحجر ههههههههههههههههههه
وبعدين اكتبى ان عندك عزب واطيان ودهب وياقوت وتقدى الحياه الزوجيه يمكن ربنا يسهل هههههههههههههههه
*********************************
سهر الليالى
هروووووووووب؟؟؟!!
حاشا وكلا
انت فين الهديه ههههههههههههههه
والاستفتاء يامان يمثل قمه الديمقراطيه
فرز الكترونى
اشراف قضائى
عايز ايه تانى
********************************
الفارس الملثم
وانت فين الهديه؟؟!!
هههههههههههههههه
سندوتشات فول؟؟!!
اقولك عزب واطيان تقولى سندوشات فول
طب والله ما مديك حاجه
هههههههههههههههههههههه
********************************
نيجرو
ههههههههههههههههههههه
ايه يابنى انت كنت بتضحك كل ده بجد
لو اه هبقى فرحان ان ضحتك
والمدونه مدونتك تيجى تضحك بمزاجك
هههههههههههههههههههههه
********************************
ام احمد
هاتى الطلبات واحنا هنبقى نشوف لازم القانون ياخد مجراه

Empress appy يقول...

حاجه يا بطوط
وبعبطوط
عقبالك يوم ميلادك لما تنول اللى شغل بالك يا بطوطى ترررتررر عقبالك يا بطوطى

هابى اى حاجه فى كل حاجه هو مين قالك ان السماء كان فيها كل ده هتهزر ولا ايه طبعا خدعوك فقالوا يا ابنى العزير
وبعدين دهب وياقوت ومرجان يا نهار بتنجان بزمتك طيب انت لو عندك كل ده يبقى منكن اشتغل معاك هههههههههههه

الـسـيـدة نـون يقول...

والله يا بطوط
ماكنش انعذر ولا باع جزر
كان نفسى اقدملك طلبات البنات اللى عايزين يشاركوك فى احمدك يارب
بس للاسف كلهم اكبر منك وعلشان كدة
هاكتفى بى انى اقولك كل سنة وانت طيب حاف من غير غموس
كل سنة وانت طيب يا حودة وعقبال ما تكتب عن ابنك لما يكمل واحد وعشرين سنة
تحياتى ليك
اختك خيخة

حمامة يقول...

:)

دمك خفيف جداً
وعندك موهبة لذيذة ف السرد

Unknown يقول...

كل سنة وانت بالف خير وعقبال مليون سنة

دكتورة سنان يقول...

ايه ده افهم من كده انك كنت بيبى وبتقول واااء واااء
حاجه غريبه جدا
مش متخيله دكتور سنان يقول وااء دى:)
اسككككككككككت يامحمووووووووود انا مش طايقه دكاترة السنان دوووولا
بس انت لو دمك خفيف كده ع الطبيعه بردو يبقى عروستك عندى يامعلم متحملش هم خااالص ابسلوتلى
كل سنه وانت طييييييييييييييييييييييييييييييييييب :)
وعقبال مااشوفك عريس بقى :)

Unknown يقول...

هههههههه
ده نق عينى عينك
ماشي يا عم محمود
بالنسبة للعروسه ممكن ندور معاك
بس ليا نسبتى فى الشغلانة دي

بنت الصالحين يقول...

ههههههههههههههههههههههههههههه

كل ده علشان يوم ميلاد بطوط

انت شكلك مشاغب اوي


ربنا يخليك لبابا وماما واخواتك

وايوه الادب حلو وخد الفلوس بادب
:))))

مش علشان بقيت 21 يعني

حاسوباتيه يقول...

كل سنه وانت طيب وعقبال كده 95 سنه كفايه عليك انت هتنهب مش كفايه المجوهرات والياقوت الي عندك هههههه


لا لا انا بهزر معاك كل سنه وانت طيب يارب وعقبال 100 سنه

مها يقول...

يخرب عقلك يا بطوط .. بجد كان هيغمى عليا م الضحك زى ما النجوم أغمى عليها م الرقص .. مين قدك يا عم .. عزب وأطيان وياقوت ومرجان .. وأحمدك يا رب ع الستر لأنى... مش إنسان مادى خاااالص !! ههههههههه
مبروك سن الرشد يا بطوط بس الحقيقة مش شايفة لسه أى ملامح نيو لوك !! يعنى إنت زى ما انت ..ما تغيرتش.. ولد جن وعفريت ودمه عسوووووول مووووووووت

كل سنة وأنت طيب وسعيد ومبهدل النجوم معاك.. كان الله فى عون النجوم!!!!!

غير معرف يقول...

جميل اوى البوست...عقبال 22 سنه هههههه...كل عام وانتم الى الله اقرب وعلى طاعته ادوم

Soooo يقول...

كل سنه وانت طيب يابطوط
وان شاء الله في زي الايام دي تكون احسن وتحقق كل احلامك يارب



ملحوظه
لو عايز تخلص كل فلوسك عالمراجيح .. انا اعرف كباريه ليلي فاخر .. عندهم مراجيح بالعبيط




سلامووووووووووووز

Bongo يقول...

امال في عيد ميلادك الأربعين هتعمل ايه ههههه

كل سنة و انت طيب و عقبال مليون سنه

:D

Wael يقول...

" اختار شريكه حياتى الى هتشاركنى فى ال - لا مش الدهب والياقوت - هتشاركنى فى ال احمدك يااااااااارب "
ههههههههههه


كل سنة ونتا طيب :)

وعقبال 29 سنه D:

لا لا عقبال 100 سنه

المفروض كنت تجيب صندوق بيبس على باب المدونة :)))

أميرة يقول...

ماشاء الله اخيرا كبرت وبقى عندك 21 سنة

كل سنة وانت طيب عقبال ال121 :)

حل وسط يقول...

كل سنه وانت طيب
عقبال ما يبقوا واحد وسبعين

بس ما تفرحش قوي كده

بكرة تقول ياريتني ارجع تاني

:)

Noha El-arabi يقول...

و انا اقول برده البنات واقفين بالطابور علي باب المدونة ليه
اتاري عشان دكتور محمود باشا بلغ من العمر 21 سنة
كل سنة و انت طيب
تخيل انا عيد ميلادي يوم 28 يعني نفس الفيلم ده حصل الليلة اللي قبل ما سيادتك تشرف ياااااااااااااه ده تلاقي السما و النجوم تعبوا يا شيخ انهم يكرروا السيناريو يومين ورا بعض
عامة كله يهون في سبيل مولد العظماء
و كل عام و احنا طيبين

ِِAdem El-Mahdy يقول...

كل سنة و انت طيب يا عم

دى الحاجة الوحيدة الى فهمتها من البوست ده

على العموم مدونة حامدة

و بس
و سﻻم عليكم

بطوط حبوب يقول...

ابى

هههههههههههه
ابى انتى متعرفيش اليوم ده كان عامل ازاى ولو تعرفى ابوس ايدك استرى على هههههههههههههه
وبعدين تشككى ان عندى دهب وياقوت وبعدين تطلبى تشتغلى معايا طب مفيش شغل روحى العبى بعيد ياله
ويبقى عندك بطوط عربيه وبطوط شغل لا دا بُعْدِك

*************************

بنت خيخه
كل البنات الى ربنا خلقهم اكبر منى هو انا جيت متاخر اوى كده ههههههههههههههههه
يااااااااااااه ابنى ممكن يوصل للمرحله دى ويبقى عنده 21 دا انا وصلتلها بطلوع الروح

*************************

حمامه
مش اوى كده انت بس عشان عنيك جمليه

*************************

ايويه
وانتى عقبال مليون سنه

***************************

نوسه

دمى خفيف على الطبيعه خالص يمكن متشوفيهوش
هااااااااا هتجيبى العروسه بس ابوس ايدك اوعى تقوليلها انى كنت بعيط وانا زغير
كل سنه وانتى طيبه
***************************

لماضه
نقى براحتك يا دكتره هو فى حاجه ههههههههههههههههه
ونسبتك محفوظه اول عيل ليكى
***************************

عاشقه الفردوس
انتى عارفه يعنى ايه تبقى 21 سنه دى حاجه كبيره اوى مش اى حد ممكن يوصلها
ههههههههههههههه
كل سنه وانتى طيبه
****************************

حاسوباتيه
هنبدأ ننق من اولها وبعدين 95 سنه مش هلحق اصرف الفلوس خالص فمابالك بالدهب والياقوت والمرجات ..الخ
وبعدين جت على الخمس سنين دول انا قلت هتقولى عقبال مليون سنه ههههههههههههه
*****************************

مها
هتشوفى ملامح سن الؤشد البوست الجاى قولى ياااااارب
وكويس انك ضحتى انا بفح اوى لما بعرف كده
******************************

روز
وانتى طيبه ولربنا اقرب واقرب
وعقبال 22 تربيع بس الظاهر انتى نسيتى تكتبى تربيع انا خدت بالى هههههههههههههههههه
******************************

سووووووووو
كباريه
استغفر الله ان شيطان ولا ايه يا عم الحج هههههههههههههههه
عندهم مراجيح بجد طب اجى اجرب كده ال21 سنه تفرق عن ال20؟؟
ههههههههههههههه
كل سنه وانت طيب
*****************************

بنجو
فى عيد ميلادى الاربعين هدبح عيل من العيال انبسطت
هههههههههههههه
****************************

وائل
البيبس للى جاب هديه انت فاكرنى عبيط ولا ايه هههههههههههههه
****************************

ااميره وليز
شوفى اخيرا بقيت 21 كنت خايف موصلهاش
*****************************

حل وسط
افرح دلوقتى وبكره يحلها ربنا
*****************************

نهى العربى
انتى شفتى البنات؟؟؟
كويس عشان محدش يقول انى بكدب
وكمان عرفتى حكايه النجوم
اهووووو ده اثبات جامد؟
هى النجوم دى فاضيه مش وراها غيرى وغيرك هههههههههههههه
كل سنه وانتى طيبه
****************************
ادم
الباقى فى المدونه القادمه
نورتنى

Mafrousa يقول...

حاولت اعمل عفرته و ارسملك birthday cake
لكن لم تفلح المحاولات ...كل سنة و انت بالف خير يا بطوط

غير معرف يقول...

بجد يابطوط طول عمرك جامد
في كل حاجه
وطول عمرك روحك حلوه
ربنا يخليك لينا

Desert cat يقول...

كل سنة وانت طيب يا دوك

*سمر* يقول...

كل عام وانت الى الله اقرب وعلى طاعته ادوم ...

كل سنة وانت طيب ..ودايما ان شاء الله مبسوط وناجح ..وتحقق كل احلامك

انا هحط المدونة فى المفضللات عندى :)

http://wa7di-ofakker-137.blogspot.com/

أشرف حمدي يقول...

مبروك يا حبي
وعقبال الواحد والتسعين
قضيها بنات بقى ، ولو بتروح آتون قوللي عشان "ماروحش" معاك :)
تحياتي

khobayb يقول...

كل عام وأنت بخير يا ريس

بس خد بالك

مش هتطول أكتر من كده

الجسم طوله بيقف عند 21

مين اللي محظوظين ؟

:)

فاتيما يقول...

كل سنة و انت طيب يا سى بطوط
أنا مبسوطة انى زرتك لأول مرة هنا
فى المناسبة السعيدة دى
الا ما شايفة حتة جاتوه
ازازة بيبس
أى زينة منطورة هنا و لا هنا
أى منظر يعنى
و بعدين يا بنى فرحان انك عديت ال21 ؟؟!!!
بكرة تندم يا جميل
و أسألنى أنا
أى مصيبة كنت بعملها بابا و ماما يلموها علطول و يقولو للناس دلى لسه صغيرة
انما بعد كدا ...
انتى كبيرة و عاقلة
و أمضتك على ورقة تودى فى داهية
و كدا ...
موش عاومة أعقدك أكتر
بس المهم كل سنة و انت طيب
تحياتى الخالصة

مي بهاء الدين يقول...

ياللا العرايس جاهزين لأبو البطابيط

وبالنسبة للشبكة ولايهمك أمال يعني عم دهب لازمته إيه؟

حاول انت بس تكون عبقرينو عشان تعرف تسلك منه قرشين

هابي بيرث داي تو يو
سوسو
لولو
توتو

كخ كخ كخ كخ
:)

بطوط حبوب يقول...

واحده مفروسه
هو اخرى تورته مرسومه دا بدل ما تقولى حاولت ابعتلك تورته بس مش عارف العنوان دا كلاااااااااااام؟؟!!

*****************************
بيروو
نورتى المدونه وانا روحى حلوه امال انتى ايه يا قمر

*****************************

ديسرت كات

وانتى طيبه

******************************

*سمر*
وانتِ طيبه ومبسوطه وناجحه

ونورتى المدونه

*******************************

فنان مصر الاول د/ اشرف
انت عارف اتون وامون نفسى اعرف انت عارف ايه تانى؟؟؟؟!!!!
اصلى معرفش

*******************************

خبيب
نموى وقف يعنى ههههههههههههههههه

كل سنه وانت طيب ونورت المدونه

*******************************

فطيمه

انا قلت اعمل الحافله والناس هتجيب الجاتوهات والذى منه
لا شفت جاتوه ولا حاجه

ههههههههههههههههه ومتخافيش مش همضى ولو على رقبتى
نورتى المدونه اول مره وان شاء الله مش اخر مره
*******************************

مى بهاء

عم دهب ؟؟!! هههههههههههههههه انا هاخد من محظوظ
وكل سنه وانتى طيبه

غير معرف يقول...

تصدق يابطابط دة العلم نور صحيح هكتب التعليق تاني هنا يلا ربنا يكترلك في عيانينك
هههههههه,عثل البلوج دة ياواد يابطبط ,يعني انت اتولدت فيي انصاص الليالي ,يادي الخيشه ,انا بقي اتولدت الفجر ال عملي فيها بتتاخر ال ,وال نجوم ال هو كان في ولا نجمه يوم ميلادك
وانت كمان دلوقتي 21
انت صحيح دلوقتي تتحاكم غبر انك لو اتثبت علي كوبري تتاخد في البوكس غير طيعا انك اتحسبت واحد من محدودي الدخل
يعني مش عرايس وجواز بس

وحتي لو جواز لو قتلت مراتك هتتسجن يردة سجن مؤبد مش احداث نظرة تفاؤليه بحته
ايقي عرفني بس لما تنزل بلوج جديد
بطابيطو ترمس

غير معرف يقول...

نسيت اهم حاجه
كل سنه من السنان وانت طيب
وعقبال يارب 150 سنه يعني هتبقي من المعمرين واقفل شبابيك الصفحه الشمع عمال يطفي هه ولاقيتلك شمعه اهه بولعها لما النور يقطع قلت اجيبها واخدها وانا ماشيه

_______________________________§_§
_______________________________§__§
______________________________§____§
_____________________________§__§___§
____________________________§__§§§__§§
____________________________§__§§§__§§
_____________________________§_§§§_§§
________________________________§_____§§§§§§§
________________________________§____§§§§§§§§§
_______________________________§§§§§§§§§§§§
__________________________§§§§§§§§§§§§§§§§§§§
_____________________§§§§§§§§§§§§§§§§§§§§§§§§
____________________§§§§§§§§§§§§§§§§§§§§§§§§§
_____________________§§§§§§§§§§§§§§§§§§§§§§
____________________§§§§§§___§§§§§_____§§§§§§
_____________________§§§§___§§§§§§§______§§§§§
____________________§§§§____§§§§§§§______§§§§§§
___________________§§§§§_____§§§§§_______§§§§§§§
__________________§§§§§§______§§§§_______§§§§§§§
___________________§§§§§______§§§________§§§§§
_____________________§§§_________________§§§§§
_____________________§§§_________________§§§§
_____________________§§§_________________§§§
_____________________§§§_________________§§§
_____________________§§§_________________§§§
_____________________§§§_________________§§§
_____________________§§§_________________§§§
_____________________§§§_________________§§§
_____________________§§§_________________§§§
__§§_________________§§§_________________§§§
§§§§§§§§§____________§§§_________________§§§________§_____§
__§§§§§§§§§§§§§______§§§_________________§§§__§§___§§§§§§§§§§
___§§§§§§§§§§§§§§§§§_§§§___________§§§___§§§___§§§§§§§§§§§§§§§
___§§___§§§§§§§§§§§§§§§§_____§§__§§§§§_§§§__§§§§§§§§§§§§§§§§§§§§
_________§§__§§§§§§§§§§§§§§§§§§§§§§cd§§§§§§§§§§§§§§§§§§§§§§§§§
_______________§§§§__________§§§_§§§§§§§§§§§§§___§_____§_____§
________________§_________§§§§§§__§§§
______________________§§§§§§§§§§§§§§
__________________§§§§§§§§§§§§§§§§§§_________
________________§§§§§§§§§§§§§§§§§§
__________________§§§__§§§___§§____BEST WISH

بطابيطو ترمس

د/اجدع بنوته يقول...

هابى بيرث داى يامحمود

ده كله عيد ميلاد ياراجل

ده لو ابن بوش

مش هيعمل عيد ميلاده كده

ههههههههههههههههههه

دايما ف سعاده وعباده يارب

عبده الرايق يقول...

انا قربت على 42 سنه
وللاسف شفت اليوم ده يا محمود
متفكرنيش
حرام عليك متقلبشى المواجع
انا ممكن احكى اللى حصل للكره الارضيه اليوم ده
وممكن اسكت مقابل مبلغ مادى محترم
مش اقل من مليون استرلينى

موناليزا يقول...

هو انت لقيت شغل؟ هههههههههه
كل سنة وانت طيب والفرحة الكبيرة أجلها لاول مرتب

HeBa يقول...

محمود

كل سنة وأنت طيب وعقبال مليون سنة

أوعى تتهور وتضيع القرشين قبل ما تلاقي بنت الحلال

أحسن أنت شكلك مسرف

مواطن مصرى نايم يقول...

كل سنة وانت موووووووووز
عقبال 10000000000000 سنة
بالنسبة للاموال و الاطيان و الدهب والياقوت
و كل المقبلات للجواز دى
انا ممكن اشيلهالك عندى لحد ما تنساهم
او لحد ما الاقى عروسة ابيعم و اتجوز انا
متشيلش هم اى حاجة
و روح اشتريلك مترين فى الصحرا جنب سومة
يمكن ربنا يسهل و يفتحوا طريق
امريكا العراق الصحراوى
و الارض بتاعتكوا تدخل كوردون المبانى
لو كده ابقى اشترى حتة جنبكوا قد نص كيلو
او كيلوا الا ربع
--------------------
كل سنة وانت طيب يا حودة

خمسة فضفضة يقول...

السلام عليكم ورحمة الله وبركاته

الف الف مبروك علي رفع الوصايه

وكل سنة وانت طيب يا بطوط يا طيب

semsem يقول...

كل سنه وانت طيب يا محمود
هههههههههههههههههه
هههههههههههههههههههههههههه
والله دمك زى العسل

mostafa rayan يقول...

بص يابطوط دي الزيارةالأولي وان شاء الله مش الأخيرة
اسلوبك حلو قوي
وعقبال ماتحتفل بالعيد 121

بطوط حبوب يقول...

بطابيطووووو
فرحتى بدخولك المدونه اكتر من فرحه ابويه بالاوبشن ابو محمود
هههههههههه
ومتخافيش انا فى السليم
وشكرا ع الشمعه نردهالك كده وانتى راجعه الظهر مش شرط من الحجاز من اى حته
*****************************
د/اجدع بنوته
هههههههههههههههه
بوش مين ؟؟!! بوش عنده ابوشن انه يبقى ابو محمود؟؟!! طبعا لا يبقى يعمل كده ليه

*****************************
عبده الرايق

ههههههههههههههههههههههه
لا اتكلم خلاص محدش هيدخل البوست ده تانى انا كتبت واحد جديد

*****************************

موناليزا

شغل ايه الى انتى جايه تقولى عليه

ههههههههههههه كل سنه وانتى طيبه

******************************
هبه
كل سنه وانتى طيبه و متخافيش هتهور ههههههههههههههه

******************************
مواطن مصرى نايم

شايلينك للكبيره

******************************
خمسه فضفضه
وعليكم السلام ورحمة الله وبركاته
وانتى بالف هنا وخير
*******************************
سمسم
ربنا يخليك يااااااارب انت اعسل
****************************
مصطفى فرحان
يااااااااارب متكنش الاخيره ياااااااارب