2008/06/29

الحقنا يا دكتووووووووووووور



أنا نازل أصلى الفجر أول امبارح

ونازل متأخر كمان يعنى بعد ما المؤذن أقام الصلاة

من باب قم للوضوء متى سمعت الاقامه

المهم المفروض الناس كلها تبقى جوه بتصلى مش المفروض أنهم واقفين ودام باب الجامع كده ولا إيه؟؟

ألاقى إيه

يجى نص الجامع واقف بره انا قلت هو كل الناس بقى بينفذ قاعده قم للوضوء متى سمعت الاقامه ولا ايه

وكلهم في صوت واحد أول ما شوفنى خارج من باب العمارة

دكتووووووووووووور محموووووووووووووود

أنا طبعا مصدقتش أنهم بينادوا على أنا فماشى عادى من غير ما أسرع خطوتي حتى ....... اصلهم مش كلهم سنانهم وجعتهم فى ساعه واحده دلوقتى

المهم بدأوا ينادوا بشكل أكثر هستيرية وأنا ولا فاهم

وصلت للمسجد إلى هوة قريب من بتنا جدااا

ألاقى الناس بتقلى ادخل يا دكتور بسرعة بسرعة

أنا؟؟

اااااااااااااااااااه

ليه؟ ( أنا بصراحة الفار لعب في عبي )

أنا قلت يمكن مش لاقين إمام مثلا فعايزينى أنا أصلى بيهم

دخلت المسجد بسرعة بقى وداخل على المحراب عشان أصلى بيهم كأنهم من غيري مش هيصلوا

ألاقى إيه

واحد مغمى عليه في المسجد وبيتشنج

أنا شفت كده ففهمت بقى إيه حكاية دكتوووووووووووور محمود دي

وطبعا أنا كـ طالب في طب أسنان ومش عارف هينجح السنة دي ولا لا ربنا يستر أول ما شفت الراجل تنحت

وده اعمله إيه ده أنا معرفش أتصرف

انا اساسا اول ما شفته وشى احمر واتخضيت الراجل شكله بيموت بيجد وانا معرفش اى حاجه عن الاسعافات الاوليه

وبكل حزم قلت......... ارفعوا رجله فوق

أنا قلت كده والله لقيتلك كام واحد مسكوا رجله ورفعوها

بلف يمين لقيتلك واحد ماسك موبايل وبيقولى خد اتصل بالإسعاف

قولهم أنا الدكتور محمود وعايز عربيه إسعاف حالا

( على فكره أنا مش بهرج والله حصل بجد )

قمت مسكت الموبايل مش عارف هقولهم إيه أنا لسه طالب وكمان اسناااااااااااااااان يعنى على الأقل مش هتصل بكل الثقة إلى الراجل بيتكلم بيها دي ....وأقولهم أنا الدكتور محمود ( تخن صوتك وانت بتقراها وقلها بكل الاطه )......

على الاقل هم ميعروفنيش ما أنا لسه مش مشهور اوى كده

قلتله استني وقمت واخد شبشبى وجارى رايح البيت

هم فهموا أنى هجيب الشنطه

إنما أنا رحت عشان اتصل بالإسعاف بس مش ودام الناس

اتصل مره

واتنين

وتالته إن حد يعبر اهلى محدش عبرنى

المهم نزلت تانى عشان الصلاة بقى

الناس لسه واقفة

أول ما وصلت كلهم سألوني إيه عملت إيه

قلتلهم اتصلت بالإسعاف بس محدش بيرد

ودخلت للراجل تانى

وعمال أقول في سرى أبوس ايدك فوق متفضحنيش

استر على إللهى يستر عليك

طبعا الناس قعدوا يدلكوا في رأسه ورجله عشان الدم يجرى وكمان لسه رافعين رجله

فين وفين لحد ما جه ابنه ( ابنه بالمناسبة دكتور ) وانتهت الحكاية والرجل فاق

وأنا اخدت شبشبى من سكات كده ومشيت ولا من شاف ولا من درى

وربنا ستر المره دى والحمد لله

ومن مكانى هذا احب اقول لاى حد عايز يغمى عليه

بلاش يعمى عليك جنب دكتور سنان

لانك هتخليه يقطع الخلف من الرعب ومش هينقذك وان حر

هناك 54 تعليقًا:

رئـــــيسـة حزب الأحلام يقول...

هههههههههههههههههههههههههههه
ههههههههههههههههههههههههههه
هههههههههههههههههههههههه
هههههههههههههههههههههه
لا بجد موقف عسل طب دكتور الاسنان مالة ومال اللى بيغمى عليه
تحياتى لك

كلام على بلاطة يقول...

يا اخى بسيطة
اخلعة اى سنة او ناب
وهيفوق.....ساهلة
بش تعقيد المسائل
تحياتى

AHMED SAMIR يقول...

وحتى لو صيدلي والله لا كان هيعمل له اي حاجة
وحتى لو بشري والله
الجيل مضروب يا صديقي العزيز
تحيااااتي

عصفور المدينة يقول...

ههههههه
هما مش بيدوكم إسعافات أولية في الكلية
يعني تاخدوا فيزياء ورياضيات ومش تاخدوا إسعافات أولية
يعني المريض لما يروح منك في البنج ربنا يستر

:)

Noha El-arabi يقول...

هههههههههههههههههه
هههههههههههههههههه
هههههههههههههههههه
هههههههههههههههههه
بس

غير معرف يقول...

ع فكرة بقى العيب فى الاسعاف مش فيك هما اللى ماجوش
وبعدين الناس صيطوك ولعلعوا باسمك فى العلالى
بس المفروض تقولهم انك دكتور اسنان
علشان ربنا الحمد لله ستر المره دى والراجل طلع ابن بلد وفاق ههههههههه
بس بجد موقف تحسد عليه بجد
وعجبنى اوووووووووى هههههههههه مدى تمسكك بالببش (يعنى الشبشب )
ههههههههههههههه
سلامى .....تيجى ندردش ده اسم بلوجتى واتشرف بزيارتك

http://sunface2001.blogspot.com/

فاتيما يقول...

طب الحمدلله ربنا ستر
بس أزاى يا محمود الكلام دا ؟؟
يعنى متعرفاش حتى اسعافات أوليه على الماشى ؟؟
طب إفرض واحد من العيانين عندك تعرض لأى أزمة ما و هوه عنك
متعرفشى تلحقه لحد الأسعاف ما تيجى ؟؟
أنا مش بلومك
بس المفروض فى الكلية يعلمكو الحاجات دى ...
يا اما سيادتك تتك على روحك و تحاول تتعلمها و لو نظرى من الكتب
عشان الموقف دا ميتكررش تانى و تقع فى حيص بيص كدا
تحياتى يا دوك

nigro يقول...

أييي
يا نهار زرمبحي
طيب هما يا محمود مايعرفوش إنك طب أسنان؟
و الله حتى لو يعرفوا
بس إيه ده هو انت مطبقي مبدأ قم إلى الوضوء متى سمعت الإقامة؟
مرحبا بك يا زميل
(:
(:
(:
ربنا يعافينا يا رب
بس واضح كده يا محمود انك رايق في نفسك خااااااااالص
و ان شاء الله ما تقلق يا عم
ناجح و معدّي إن شاء الله


يلا سلام

Asmaa mahaba يقول...

هههههههههههههههههه
هههههههههههههههههههههههه
يا راجل كنت ركبله تقويم
والواحد بانى امال على انه لما يتعب يلاقى حد جنبه طلعت لامؤاخذه حيطه دكتور سنان
لعلمك انا لو كنت فى موقفك كنت قعدت رسمت للراجل صوره ههههههه وكدا كدا ابنه جاى بس انا حكون استفدت من المنظر المعبر
ربنا يتم نعمه صلاه الفجر عليك
مظنش حتكررها تانى
تحياتى ليك سومه_87

Asmaa mahaba يقول...

الا بالحق
انا سمعت ان فى دكتور اسنان اتحشر بين درسين فى موزنبيق هاهاهاها
تعرفه؟؟؟؟

Unknown يقول...

بجد بجد بجد تحفة والله العظيم ........ بس هم مايعرفوش انك دكتور اسنان يعنى؟؟؟؟
طيب سؤال رفيع هو مش بردو طبيب الاسنان دة معرض ان اى مريض يغمنن عليه عنده فى العيادة طب ساعتها هيتصرف ازااااااااااى؟؟؟؟
على العموم ربنا معاك وتنجح السنة دى ومايوقعكش فى اى واحد اغمى عليه تانى ابدا

خالد كامل يقول...

هههههههههههههههههههههه
انت بقى فكرتنى بموقف حصلى ...
ست عجوزة معدية من الشارع اللى انا كنت شغال فيه و اغمى عليها و وقعت اتخبطت فى الأرض .... و كانت بتنزف من راسها
اضحك بقى ...
مش على نمرة الاسعاف اللى مش بتجمع
ولا الشرطة اللى اتصلت بيها علشان يبعتوا اسعاف و الراجل رد عليا بعد ما قولتله الموقف كله يرد عليا بكل برود : (( بأمانة ؟ ))
لا انت تضحك على عربية الاسعات اللى وصلت و الراجل اللى نازل منها حاطط ايده فى جيبه و بيقول بكل غتاتة : (( هاتوها حطوها فى العربية ))
هههههههههههههههههههههههههه
و الله الكلام ده حصل فعلاً
ههههههههههههههههههههههه
يللا سلام

مجنونة وبكيفي يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يا نهار ابيض بجد موقف لا تحسد عليه
بس الحمد لله ان الراجل حد لحقه
هما المصريين دول حبة سكرة اصلا والله عندهم اي حد في طب يكون دكتور وبيفهم في كل انواع المرض ههههههههههههه

Empress appy يقول...

هههههههههه
يا عينى يا محمود عليك معلش طيب كنت بعت لك دى بطوط عندى كانت فى الانعاش امبارح هههههههههههههه

بجد انت اتكلمت فى نقطه مهمه جدا وهى موضوع الاسعاف ده ايه يا جدعان بجد ايه قصه المطافى والاسعاف والشرطه فى مصر تصدق هحطهم فى دماغى وهبهدلهم دول ولا د تييييييييت بجد ولا استجابه منهم الا بعد ما يكون الاوان فات ربنا يستر بقى

الميكروباص يقول...

يا دكتور
عارف
الاسعاف على بعد خطوات من البيت عندي
وتقريبا مفيش جوه كيس قطن !!!
مش غريب يا دكتور ان الاسعاف مش بترد
هو فعلا الموقف صعب
وخاصة لو حد مركز فيك أوي على انك الدكتور اللي كله منتظره- حتى لو كنت اسنان- المهم ان ليك في البني آدمين
ومن هنا هم عندهم ثقه فيك - وطبعا هي في محلها-
والدليل ان تقريبا محدش فكر انه ينادي الاسعاف لما شافك
بس ظريف اوي ان بتاع الاسعاف مش بيرد دي
ربنا يستر والمطافي ماتتعديش منهم

الـسـيـدة نـون يقول...

يا خبر ابيض
دى حاجة تقطع الخلف بصحيح

وحكاية الاسعافات الاولية دى
انا شايفة انها المفروض تتدرس لكل طلبة المدارس
كل مرحلة يبقى ليها جرعة معينة من الاسعافات الاولية

علشان انا شايفة انها حاجة مهمة جدا ولازم الكل يبقى عارفها


بس حلوة اوى تخن صوتك وانت بتقراها وقولها بكل الاطة

هههههههههههههههههههههه

ربنا يسعدك يا محمود
ومايحطكش فى مواقف بايخااااااااااااا تانى ابدا

سلام
اختك خيخة

هبة المنصورة يقول...

عارف يا محمود
أخويا-وهو خريج تربية- قال أروح آخد كورس إسعافات أولية فى الهلال الأحمر.. وفعلاً مفيد وحلو وكمان جاب لكل واحد فينا كتيب مطبوع طباعه فاخرة-يسمع حسك من يومها عايز حد يهتم ويقراه.. طب والله أنت فكرتنى.. على الأقل شوية معرفة هتقهر الخوف م المواقف دى.. بس المشكلة بقى إن لما بيحصل الموقف الواحد قلبه بيخف وبيرتبك.. ربنا يستر

زفته وقطران يقول...

هههههههههههههههههههههههههههه
ههههههههههههههههههههههههههههههه
والله يادكتور محمود انا انتميتي
ف اخرسنه طب بشري
واخرها فلومكس وكيتوفان لكل المراض

غير معرف يقول...

اااااااااااااااااااه

فكرتنييييييييييي

بموقف عسل كده برضو

فمرة وحدة ايطالية تايهه تحت بيتنا وماما بتكلمها انجليزي والتانية حمارة فيه ومابتتكلمش انجليزي المهم الشارع كلو أتلم عليها ونفسهم يساعدوها)عارف انت الشهامة عندنا فظيعة) فاخيراً حد سألها بالانجليزي انتي منين ياشاطرة قالتله ايطاليا
لئيتهم بيندهولي (على اساس اني خلاص بئيت لبلب فالايطالي) وكنت لسه في اول كورس واكلم الست ولا انا فاهمة حاجة ومنظري طييييييييين و خلاص كانو قربوا يضربوني
فالاخر واحد سمعها بتقول
UN
ففهم انها عيزة اليونيفيل
كان نفسي اقوله كنت فيين ياجزمة من زمان يعني لازم انزل واتحرج مكنت فهمت منغير منزل

فنصيحة مني انا بئى محدش يتوه فبلد ميعرفهاش عشان ميخليش اهل البلد شكلهم وحش

الفارس الملثم يقول...

ههههههههههههههههههههه

والله يا محمود موقف صعب اوي , وساعات بيحصل باشكال مختلفه , مثلا يكون الناس يكونوا عملنك صوره وحجم اكبر منك ويفترضوا انك احمد زويل ولا ابن سينا وتلاقي نفسك مزنوق في سؤال او خدمه انت مش فاهم فيها حاجه , ويبقي شكلك بايخ اوي لو حسوا انك ........ ما علينا

بس مفروض الموقف ده يخليك تجبلك كتابين طب تقرا فيهم كام كلمه كده يمكن ينفعوا في موقف تاني زي كده هههههه

تحياتي
محمد

غير معرف يقول...

اولا تحياتى ليك على الصوره الموفقه دى
ثانيا ليه مبعتش لينا اللينك زى كل مره انا كنت داخله قدرا كده ولقيت بلوجين جداد
ثالثا احلى حته عجبتنى ومتسألنيش ليه
(على الاقل هم ميعروفنيش ما أنا لسه مش مشهور اوى كده)
فعلا انت مشهوووور بس مش اوى كده
... مش انا نزلت الشغل فى الصيدليه بقالى كام يوم ومش هقولك طبعا على المواقف اللى بمر بيها بس الحمد لله مش بيجيلى حد مغمى عليه هما بليجووا على رجليهم وبيغمى عليهم جوا الصيدليه
D:

والله يابنى مواقف ربنا مايكتبها على حد من عبيده

صاحب المضيفة يقول...

هههههههههههههههههه

حتة موقف جامد بجد


علشان بعد كده تعرف الاسعافات الاولية على طول ومش تنسى حاجه



تحياتي يا جميل

غير معرف يقول...

بعد ماحطيت التعليق قريت شويه تعليقات اتغظت وعايزه ارد عليهم
...الناس اللى بتقول هوه دكتور اسنان مالو بالحاجات دى عايزه اقولهم ان المفروض كل الناس تعرف الحاجات دى مش الدكاتره بس لآن بتكون حاجات بسيطه وبتنقذ المريض لغايه مينقلوه المستشفى...لكن لو قعدوا يتفرجوا عليه ويستنوا الاسعاف هيروح منهم
كلمه بقى لدكتور بطوط... على فكره هتتعرض لمواقف زى دى كتير فى العياده... الناس اصلا بتروح عند دكتور السنان عشان يغمى عليها
D:
.واسألنى انا دكتور السنان بتاعى كره اليوم اللى شافنى فيه

Mafrousa يقول...

موقف يخض الصراحه جدااا و يخليك مرعوب
و الافظع إن الاسعاف مش بترد..ديه مصيبه تانيه
المصيبه التالته..انك مش تعرف تفوقه..؟؟؟ ليه يا بطوط؟؟ شممه بصلايه
الحمد لله ربنا لطف

المهم بقى الراجل اغم عليه ليه..و ابنه الدكتور المبجل يسيبه ينزل لوحده ليه اصلا
انا لو منك كنت مسكت ابنه افش فيه رعبى و ازغقله
ههههه
ربنا يحميك و تنجح السنه ديه...شكلك ناوي تستنى فى الكليه لغاية اما تعملى طقم...ولا إيه؟؟؟؟؟؟!!!!

NilE_QueeN يقول...

ايه دا يا دكتور

معرفتش تتصرف ف فحل بصل ولا شمة نشادر

كويس ان الراجل كويس

a.aTeYa يقول...

ايييييييييييه اقول ايه بس ..

نفس اللى بيحصل لى لما حد يعرف انى فى اسنان يقوم يقولى "طب شوف كده ضرسى واجعنى" .. اقوله معلش بس انا فى اعدادى .. اخدت فيزيا و كيميا و زوو و بوتانى :D .. يقولى طب لما توصل للصفحه بتاعه الضرس ده قولى :D

علمتنى انى ادور على اى كورس اسعافات اوليه قبل ما اتوحل زيك كده :D

shirry يقول...

يااااااااااااااااااااه

حتو موقف
صعب اوي
بس بجد سخسخت من الضحك

وبعدين ابقي صلي في الصف والاخير واول ما تسلم خد بعضك واجري
تحسبا لاي اغماء تاني

WhatEver?!!! يقول...

ههههههههههههه
بصراحة كل ما تخيل شكلك ولا ملامح وشكوال ما شفت الراجل بضحك جامد

بس تدبيسه صعبه اوى يا دكتور

ادى اللى بيخدوا طلبه طب

مواقف محرجة وتثبيت فى اى حاجة تخص الجسم حتى لو دكتور نفسى مش اسمك دكتور

ما هة ساعت الازمة ممكن نتعالج بدكتور بيطرى


بس موقف جامد

تحياتى

بطوط حبوب يقول...

رئيسه جزب الاحلام

لا هم فاكرين انى واخد الطب فحت وردم

------------------------------

كلام ع بلاطه

يامان انا وشى احمر وبقيت مشعارف اعمل ايه
هعمل بنصيحتك المره الجايه
-------------------------------
ا سمير

ربنا يجبر بخاطرك

-------------------------------
عصفور المدينه

ابدا والله يا باشمهندس
لو راح فى البنج تتصل بالاسعاف او تلطم وتلم الناس او تكون عارف بقى
-------------------------------
نهى العربى
ماشى

-------------------------------
تيجى ندرنش

الصيت ولا الغنى على رأيك
نورتنى
-------------------------------

فاتيما

كل الى اعرف اعمله دا لو تمالكت اعصابى اصلا انى اتصل بالاسعاف
بس اكيد الواحد هيعرف مع الزمن ربنا يستر

-------------------------------

نيجرو

طالما انت دعيت لى انا بقيت متفائل جدا
ربنا يستر يااااااااااارب

-------------------------------

سومه ..
هههههههههههههههههه

انا كنت هعمل كده بس الخضه بقى
والدكتور الى فى مزنبيق ده جارى محاوله انقاذه
هههههههههههه
-------------------------------

انجى

هيتصرف عن طريق الاتصال 123
وربنا يستر

-------------------------------

مهيج الجماهير

طب الحمد لله انهم مرضوش

-------------------------------

مجنونه وبكيفى

كل مصر بتفهم فى كل حاجه احنا افهم شعب فى الوجود

-------------------------------

ابى

كده يبقى ضمنا ان لو حد اتصل بيهم هيردوا ويشتمووووووووووووه
هههههههههههههه

ربنا يستر

-------------------------------

لورنس العرب

الكل واثق فيا
ربنا يستر برضه

-------------------------------

بنت خيخه
المفروض شئ والواقع اشياء

-------------------------------

هبه المنصورى

والله المفروض ان ده فى الخطه بتاعتى بس لم اخد خطوات فيه الى الان
ربنا يسهل

-------------------------------

زفته وقطران

ال دول بيفوقوا الى مغمى عليه
هههههههههههههههه
يا بنتى مضاد حيوى ومسكن كفايه عايزه ايه تانى
؟؟

-------------------------------

نوره الخشن

ههههههههههههههه
موقف لا تحسدى عليه بجد
انا برضه لما ابن الراجل جه كنت عايز اضربه

-------------------------------

الفارس الملثم

ان شاء الله مهو مش كل مره هقطع الخلف يعنى

-------------------------------

روز

منتظرينك تحكيلنا
ومعلش يا روز مقصر فى حقكم

-------------------------------

صاحب المضيفه

انسى
ال انسى ال
هو كنت عرفت عشان انسى
ههههههههههههههههه

-------------------------------

روز تانى

ربنا يبشرك
يعنى اصرف نظر عن الجواز ولا ايه
اصل لو كل يوم هقطع الخلف يبقى بلاش من الاول

-------------------------------

واحده مفروسه

ربنا يستر يااااااارب انا قلقان جدا السنه دى

اهو ده عيبه يقول...

هههههههههههه
مشكلة الناس انهم فى المواقف دى عايزين اى دكتور حتى لو فى الاقتصاد
المهم ينقذ الموقف وخلاص
الحمد لله انها جت على اد كده

الميكروباص يقول...

ايوه وايقين فيك
أوعى تقلق
دي الحقيقه
والدليل هو تصرفهم بالتفكير فيك أولا قبل الاسعاف
ققان ليه يا دكتور
هو شيء كويس- لكن مسئوليه كبيره

Unknown يقول...

ايه يادكتور يعنى اى اسعافات اولية وتقضى العملية
موقف صعب قوى ربنا يعينك
تحياتى

Unknown يقول...

هههههههههههههههههههههههههههههه
والله موقف يفطس من الضحك بس لازم بعد كده تعرف الناس انك طالب وفى طب اسنان لاحسن احنا عندنا اى حدبيلبس ابيض يبقى دكتور وجميع التخصصات وكله كوم والراجل اللى بيقولك اتصل بيهم وقولهم انا دكتور محمود ، واضح ان انت ليك برستيج جامد ومشهور
بس نفسى اعرف اشمعنى ندهوا عليك انت ومكلموش ابنه مع انه دكتور برضه
بلجنا دى تفرس

Mona Shereif يقول...

هههههههههههههههههههههههههههههههه
ههههههههههههههههههههههه
ههههههههههههه
هههههه

بجد مش قادرة

وايه حكاية الصرصار العسل دى

عارف النهارده واحنا رايحين الامتحان سمعنا ان واحده اسمها دولت ماتت
علقنا على الاسم وقلت ان اصل التاء دى كانت من الاتراك
زى من عصمة عملوا اسم عصمت وهكذا
واحده صاحبتى قالت واسم مرفت كان اصله مروة على اساس انهم كانوا بينطقوا الواو ف "عطشوها"
المهم الحوار كبر اوووووووووى
وقلنا ياه ده كله من اسم دولت اقرولها الفاتحه
وقرينا الفاتحه
الظاهر فعلا ان عملها كان طيب اللى خلى ناس متعرفهاش ولا تسمع عنها تقرالها الفاتحه

semsem يقول...

ههههههههههههههههه
هههههههههههههههههههههه
لا بجد موقف ف الجون
انا موت من الضحك بجد
مش ممكن
هههههههههههههههههههه
بس حلو تصرفك
وارفعوا رجليه
يانهار ابيض
ههههههههههههههههههههه
بس بجد ربنا يعينك يادكتور
بوست دمه خفيف اوى
ههههههههههههههههههههههههه

semsem يقول...

بس تعال هنا انت ازاي يا حاج مش عارف الاسعافات الاوليه
دي مهمه جدا

Unknown يقول...

السلام عليكم ورحمة الله وبركاته
حمدلله على سلامتك وسلامة المغمن عليه
والله ما تفرق بين االاسنان والبشرى فى المواقف اللى زى دى صدقنى ...الزحمةواللمة وال100عين المفتوحة كده عليك تبرجل 1000 دكتور مش دكتوراسنان واحد ولسه ما تخرج !!
حمدلله على سلامتك (مرة تانية) دى علشان الامتحانات ومبروك مقدمآعل النجاح باذن الله

سارة درويش يقول...

ههههههههههههههههههههههههههههههههههههههههههههههههههههههههههههههههههه

بجد انا هلكت من الضحك

فكرتنى ب د / أحمد خالد توفيق بيقول فى مصر دايما ً بيفترضوا ان اى مهندس حتى لو مهندس برمجة لازم يفهم فى بنى العماير واى دكتور حتى لو دكتور نفسى لازم يبقى بيعرف يعمل عمليات
هههههههههههههههههههههههه
حلوة اوى قاعدة قم للوضوء متى سمعت الاقامة

هههههههههههههههههههه

princess يقول...

مبدئيا دى اول زيارة ومبدئيا بردو
عايزة اقول لحضرتك ان اصحابى اغلبهم فى طب بشرى
ومن موقعى اقولك ان احنا داخلين على ايم سودا من ناحية الطب ههههه
طبعا عيب اسيح لاصحابى بس هم اللى جابوا لنفسهم
تحياتى ونتمنى رد الزيارة يا دونلد دك:)

nonni يقول...

ههههههههههههههههههههههههههههههههههههههههههههههههههههههه

حقيقى موقف تحفة جدا بمناسبة اهى ده اخرة اللى بيدخل طب اسنان مش طب بشرى
او تقدر تقول اخرة اى حد يتقال عليه دكتور حتى لو كان دكتور اكاديمى ملوش اى علاقة بالطب، اصل حصل قبل كده و كانت بنت البواب تعبانة جداا و انت عارف بقى البواب غلبان و معهوش حق الكشف ف انا طالعة شافنى فبيقولى انا بنتى عيانة و سخنة ممكن تقولى لبابا بعد ا\نك فقولتله و ايه علاقة بابا بالموضوع قالى مش هو دكتور قولتله اينعم بس دكتور فى الكلية يعنى ملوش علاقة فقالى وانا مستنىه يجى بقالى 4 ساعات البنت سخنةوهتموت منى فقولتله طب ليه مروحتش للدكتور تخيل انا يقولى ما انا قولت مش لازم بقى اصله كان منوفى
هههههههه

ع\را على الاطالة
"تحياتى"

Moustafa` يقول...

انت ياعم انت
انا هروح أقشر لب وابيع ترمس
انت بجد كفاءه
تحياتي ليك
انا فعلا ضحكت من قلبي
وتقولي مش بعرف أكتب
هاع
سلااام يا صاحبي

فارس بلا جواد يقول...

هههههههههههههههههههههه
حلوه قوى
عسل بجد
تحياتى

semsem يقول...

ليك تاج عندي ياحج

SemSema يقول...

D:
موقف صعب اخر حاجة بس الحمدلله انك صمدت للاخر وان الراجل قام بالسلامة والا كانت كل حاجة هتبوظ من قبل ماتبتدي وان كان علي الناس الي كانو بيقولو دكتوووووووووووووور محموووووود
صدقني هو ده فعلا الشعب المصري او بطريقة تانية(يبقي انت اكيد اكيد في مصر)
تقبل مروري
http://semsemaaa.blogspot.com/

حمامة يقول...

هههههههههههههه

لذيذة مووووووووت بجد

ربنا يارب يوفقك وتبقى دكتور اسنان كبير اد الدنيا وتنجح يا سيدى
ونبقى نيجى نكشف عندك ببلاش :D

Che_wildwing يقول...

ايه يا دكترة
فينك
واحشنى ياراجل
كل ما اسأل عليك
يقولولى بيفوق واحد مغمن عليه

بطوط حبوب يقول...

a.ateya

انت فى اسنان
زميل يعنى

لا دا بيحصل بس لحد ما اعدادى تخلص والناس هتتلم
متقلقش

نورتنى بجد
-------------------------------

شرى

هههههههههههههه ما انا بقيت بعمل كده

-------------------------------

وات ايفر

مهى الناس معذوره بس انا برضه معذور

شكرا لمرور
-------------------------------

اهو ده عيبه

طب انا ذنبى ايه اقطع الخلف بدرى؟؟!!

هههههههههههه

------------------------------

لورنس العرب

ربنا يخليك يامان رفعت روحى المعنويه

وانا هبقى دكتووووووور كبيييييير قوى ان شاء الله بس مسأله وقت

-------------------------------

ايمن بدر

يا عم انت مفيش اسعافات اوليه ولا اى حاجه من الكلام ده
احنا منعرفش غير سنان دا ان كنا عافينها اساسا

-----------------------------
ساساتيفا

لا يامان هم مش ندهوا على
هم شافونى خارج من باب العماره فندهوا مش جولى البيت

شرفتنى بالزياره

-------------------------------

sometimes

الله يرحمها

نورتينى
-------------------------------
سمسم

هو احنا بتوع مواقف فى العارضه؟؟

وهعرف الاسعافات الاوليه فين
؟؟

-------------------------------

نورحياتى

الله يبارك فين مقدما برضه تحسبا لاى حاجه كده ولا كده

-------------------------------

سمو الاميره ساره

ههههههههههههه

الناس كلها بتفكر ان اى دكتور دكتور فى كله واى مهندس بيعرف كل حاجه
شعب طيب مووووووووووووت

-------------------------------

برنسس

حلو اوى دونلد دك دى
بس انا بطوط عادى

هههههههههههههههههه

------------------------------

nonni

هو المشكله ان انا منوفى
هههههههههههههه

واوعى يكون كل المنايفه مش بيروحوا لدكاتره احسن انا كده يتخرب بيتى
هههههههههههه

نورتينى

-------------------------------

s@g!

مش عارف اشكرك ازاى رفعت روحى المعنويه للسما

ربنا يخليك بس احنا مهما عملنا مش هنوصل لربعك

-------------------------------

فارس بلا جواد

شكر لمرور

-----------------------------

سمسمه

شعب طيب مووووووووووت

شكرا لمرورك

----------------------------

حمامه

ببلاش ايه؟؟
لا مش لاعب
انتوا لازم تشجعونى فى الاول وتدفعوا الكشف دوبل

هههههههههههههههههه

------------------------------

شى ولدنج

هفوق الى فى ايدى حاضر وجااااااااااااااااى
هههههههههههههههه

د. محمد رضا يقول...

هههههههههههههههههههه

امال تعمل ايه لما تبقى بيطري وكل يومين حد يمسك فيك ويا جدعان انا بيطري

انا بتاع بهايم ابدا

مره واحده مسكت فيا الا واعالج جوزها اللي عنده القلب

اول ما قلت قلت قلت يا نهار اسود

انا كدا رحت في حديد

يا ستي انا بيطري انا بتاع فراخ انا بتاع حمير ودي ابدا

الا ولازم اقول ياخد ايه

ساعه بحالها

والحاجه دي مصممه

اخر ما زهقت قلت لها

جيبي بصل بري واكليهولوا

وقلت على نبات طبي تاني

قلت اهو العطار يفتي معايا

المهم شهرين كدا

ولقيت دي تاني

يا دكتور محمد

قلت الراجل مات

قالت ربنا يخليك يا دكتور

جوزي بقى كويس وخف !!!!!

خف مين

دا عنده القلب وعند 400 سنه

وقعدت تشكر وتدعيلي

وانا ساكت زي ما يكون واكل سد القفا



معلش دوشتك

بس انت اللي استفزيتني

صحيح

ابقى عدي على مدونتي العمصاء

سلام

محمد رضا

Mahmoud البطراوى يقول...

اهو دى بقى الى جامده بجد

نورت مدونتى

Zodiac staR يقول...

ya rafe3 rasna keda tool 3omrak , kont oltosh el ragel alameen we howa hayfoo2 3la tool , lol , la2 bas bgad ana law mkanak sawab3y mesh hate3raf totolob el es3af asasan , yla mooosh moshkela

غير معرف يقول...

هههههههه .. انا فعلا فرحانةفيك يا بطوط

P:

غير معرف يقول...

قصة حلوة
يس قلت لهم يرفعوا رجله بناء علي ايه بالضبط؟ ههههه

علي فكرة انت كنت ممكن تستعين بمشهد من المشاهد الكتيرة اللي بتيجى فى الافلام الاجنبية فى المواقف اللى زى دى

على العموم تعيش و تاخد غيرها

ميرو انتكة يقول...

هههههههههههههه
هههههههه
ههه
بجد مدنتك لذيذة قوى
ربنا يوفقك

بس عيب عليك ده انت دكتور برده ههههههههه

مجلة الأم الصغيرة يقول...

و الله كويس إن الاسعاف ما ردتش كانوا حيحرقوا دمك أكتر وأكتر زي ما عملوا المطافي مع جارتنا قالتلو العمارة بتتحرق فضل يهزر معاها و يعاكسها و بعدين يقولها و أنا أضمن منين إنه مش بلاغ كاذب و مالوش مزاج ياخد العنوان في الأخر الناس اللي في الشارع هما اللي طفوا الحريق

يا ترى رحت المسجد ده تاني بعد اللي حصل ؟؟
;-)