2008/10/20

رحله

اليوم يبدأ من الساعه الثامنه
مشاعر كثيره  وافكار مضطربه ... حول ماذا سيحدث فى هذا اليوم؟؟!!
فى داخلى رغبه ان يسير هذا اليوم مختلفا ... مختلفا حتى فى القواعد والقيود والضوابط التى يجب ان تكون
وفى داخلى صراع  وهمى بين ( ما يجب ان يكون) وبين ( ما اتمناه ان يكون) ... افسر هذا الصراع بـ ( التعلق).. عندما تتعلق بشئ او بانسان بدرجه مبالغ فيها .... عندما تحبه وترتبط بكثير  من خصوصياته - التى يشركك فيها - تتمنى ان تُقوى علاقتك به اكثر ...
و
تتمنى ان تمتد خيوط الصداقه لتتحول من مجرد خيوط الى نسيخ قوى يصعب تفتته او
اختراقه .. يحيط بكم فى حاله من الحالات التى لا توصف بمجرد الكلمات
عندما تجد شخص تحترم عقله وفكره .. ثم تحب شخصه وتشعر بقربه منك ... تريد ان تجعله يقترب اكثر متجاوزا كل ( ما يجب ان يكون ) لـ ( هذا ما اريده ان يكون )ء

تتملكك الرغبه للفكاك من كل الضوابط التى تقيد هذا الذى تريده .. تلك الضوابط التى تقيد رغبتك فى تقويه علاقتك به

لتخرج بنتيجه .. ان ارتباطك بما تريد ان تفعله يحجب احيانا حتى صوت ضميرك .. لتجد نفسك لست مضطرا حتى .. ان تقدم الاسباب والمبررات للتتجاوز عقبه ضميرك التى تقف لك غالبا فى مثل هذه المواقف

رغم ان كسرك لقواعدك - التى يعرفها الناس عنك - هكذا .. مهما كان مبرره الداخلى لك .. يجعل بعض الناس يظن انك تغيرت .. او غيرت قواعدك.. ظنا منهم ان هذه اصبحت طبيعتك الجديده
لا يوجد - لديك - رد مقنع  غالبا .. اذ كل الاسباب ليست مقنعه لاحد غيرك...ولن تتخيل حتى ... ان البعض سيفكر فى هذا الا اذا قيل لك صراحه .. فكما قلت تعلقك ربما يحجب حتى صوت ضميرك الداخلى ..
اذا فهذه كانت افكارى فى الثلاث ساعات - هى طول طريق الذهاب-
فى الرحله نفسها .. لا يحدث كثير مما كنت اتمنى ... ولم تكن عندى الجرأه ان اطلبه

بعدها انتهى اليوم  سريعا.. وتبقت بعض الافكار التى كانت هى محور الحديث طول اليوم .. لاعيد ترتيبها فى ذهنى
انظر اى من هذه الافكار يستحق ان يستبدل افكارى .. واى منها هو محض خطأ وغباء من قائلها

انظر فى بعض افكارى التى كانت تملأ كيان فى عقلى اسميه ( غير قابله للنقاش ) ..لاكتشف انها ( قابله للنقاش ) حتى لو كنت مازلت مقتنع ان رايي هو الصواب .. لكن اكتشف ان فى الامر شد وجذب ما كنت اتلفت له سابقا


هذه اللحظه - تجميع وترتيب الافكار - هى الفحوى الحقيقيه من  مقابله شخص تحترم عقله وشخصه وله مكانه فى قلبك

رحله قصيره هى .. ولم تكن بقدر ما تمنيت .. اقصر مما توقعت .. لكنها وضعت امامى بعض الاشياء التى تستحق ان افكر فيها فيما بعد
فى النهايه ورغم كل ما كتبته .. مازالت رغبتى ان تتكرر - هذه الرحله- بالصوره التى تمنيتها رغبه ملحه .. حتى لو كان هذا خارجا عن كل قواعدى .. فكما يقال لكل قاعده شواذ ... وعندى رغبه ان تكون هذه شاذه قاعدتى  

البوست حاله تجمع بين الرمز والحقيقه ... حاول ان تفككه بطريقتك لتخرج منه بشئ بعيدا تماما عن معنى كل لفظ فيه ... فالبوست يجمع بين ما هو رمز وما هو حقيقى بطريقه ما وبين الذاتيه والحكى عن الغير
سيبك من كل ده المهم انت ايه رايك

هناك 37 تعليقًا:

الميكروباص يقول...

ولله انا رأيي اني عاوز أقرأ تاني بتركيز- معلش- راجعلك تاني

انا حره يقول...

امممممم يعنى انت فالاخر حصل اللى انت عاوزو ولا ضميرك رجعك تانى للى انت مقتنع بيه وارغمت نفسك انك تبعد عن اللى بتتمناه

انا فاهمه كويس اللى انت حاسس بيه لانه حصل معايا واتناقشت انا وانت فيه بوضوح اكتر قبل كدا

بس مش فاهمه تقصد ايه بالرحله اللى عاوزها تتكرر

مها يقول...

والله يا بطوط أنا رأيى إن أهم حاجة إن الرحلة دى وصلتك هنا النهاردة ..

أهلاً بيك وبالبوست الجديد رغم إنه لونى حزاينى .. بس وحياتك ديته 15 ماج نسكافيه وسهرة لحد الصبح .. وبعدها تتفك كل شفرات الرموز المستعصية على الفهم بين سطوره غامضة الطلاسم مشهيصة التباريح ..

حد فاهم حاجة؟؟؟؟؟؟؟

mohamed ghalia يقول...

أحيانا كثيرة نكون على معتقدات ثم نكتشف أن كل هذه الأراء قابلة للنقاش وللتحاور.
استمر فى الرحلة حتى تصل إلى مبتغاك
تقبل تحياتى
توصل بالاسلامة يا بطوط
أحبك فى الله

نعكشة يقول...

بس لمشكلة بقة يا سيدي الفاضل ان الواحد لا يقو ان الناس تعرف حتى هذا التغير الذي لم يكن تغير إلا في اتجاة معين بس

مازلت مذبذبة حتى الان

اتمنى لك ان ترسو علي بر الامان
و ادعيلي انا كمان

((فى الرحله نفسها .. لا يحدث كثير مما كنت اتمنى ... ولم تكن عندى الجرأه ان اطلبه

بعدها انتهى اليوم سريعا.. وتبقت بعض الافكار التى كانت هى محور الحديث طول اليوم .. لاعيد ترتيبها فى ذهنى))


بس خلاص

سلام عليك

سلام عليك

Ahmed Kamal يقول...

محمود الصراع بين المتاح و المرغوب ، أو بين ما يجب و ما تريد هو أمر طبيعي ، المهم ألا يؤثر هذا على رؤيتك ، و رغم أن مراجعة الأفكار و نقدها و إعادة صياغتها ، أو حتى تغييرها بالكامل أمر مطلوب ، إلا أنني أظن انك يجب أن تنام فورا .

غير معرف يقول...

انت جميل اوى يا بطوط

هى دى اكتر حاجة بقولها مع كل سطر بقرأه فى البوست الصادق اوى دا

:)

الصراع اللى جواك دا مش ممكن يحصل غير مع حد كويس اوى


"هذه اللحظه - تجميع وترتيب الافكار - هى الفحوى الحقيقيه "

ادعو الله انك تجمع وترتب افكارك .. لان بجد هو دا اللى ناقص حد كويس زيك


مازالت رغبتى ان تتكرر" ...سبحان الله
ممكن تكون الرحلة دى اشبه بحلم ممكن ميتكررش.. حلم اتفتحت عن طريقه ابواب فى حياتك .. الابواب دى اما تثبت انك صح .. او ان حياتك ناقصة بعض الخطوط


بس تعرف؟ .. انا مش متخيلة ان ممكن يكون حد يقدر جرد انه يهز شعار "غير قابل للنقاش" عندك


سبحان الله


بس واضح ان الشعار لسة فى مكانه بدليل " حتى لو كنت مازلت مقتنع ان رايي هو الصواب"


ويبقى الصراع بما يجب ان يكون .. وبما تريد ان يكون!!!

غير معرف يقول...

على فكرة انا قريت البوست حوالى 4 مرات عشان اعرف اكتب كومنت



البوست رائع .. كالعادة



شكرآ للمشاركة


(:

غير معرف يقول...

شوف يادكتور
حسه ان كل واحد هيقرأ البوست هيفهمه بطريقته...هعلق على ضوء فهمى ان صح هذا الفهم!!!

احلى حاجه فى عالم المدونات ان الناس هنا بتتلاقى فكريا... بتحب الناس وتتعلق بيهم من خلال كتاباتهم...ولو الموضوع ده اتنقل للواقع هتلاقى دايره الاصدقاء دى بتتضيق ويبدا حبك لمجموعه معينه يزيد على اعتبار وجود توافق فكرى وارتياح نفسى فى التعامل معاهم...وبعدين تبدأ الدايره تتضيق وتتضيق لغايه متبقى شايف واحد بس...تتمنى ان علاقتك بيه تفضل قويه ..سبحان الله هى دى سنه ربنا فى خلقه ((لتعارفوا))..هوه يعرفنا اكتر من نفسنا وعشان كده وضعلنا قواعد ...وهنا بتبدى المشكله بتلاقى قدامك 100 حاجز يمنعك من الاستمرار فى طريقك...وتلاقى نفسك فى صراع بين ماتحب ان يكون ومايجب ان يكون
تعرف؟؟
كل الناس_وانا منهم_ عندها صراع من داخلى من النوع ده

اقولك على نصيحه ;)
اما انك تخلى اللى( بتتمناه ) ينفع يبقى( يجب)
او تلتزم بما (يجب) وتوقف التفكير والمضى فيما (تتمناه)

والا هتفضل فى حيره هتتعبلك ضميرك اللى حيران معاك ده

فكر وابقى قولى وصلت لايه D:

** على فكره البوست _وان بدا غير مفهوم بعض الشىء_ قال حاجات كتير كان نفسى اكتبها ودخل قلبى جدااا ولقيت نفسى بقراه 50 مره وفى كل مره نفس التأثير ... ويمكن ادخل اقراه تانى بكره وبعده لغايه مافهم مابين السطور... وكنت فعلا محضره بوست عن صراع النفس مع الانسان وازاى بنعرف نكذب على نفسنا وازاى بنعرف نلاقى مبرر لكل حاجه بنعملها...بس الحقيقه خلاص مقدرش انزله بعد الكلام الجميل ده

فاتيما يقول...

يا بنى روشتنى ...
ازيك الاول يا حبوب و يا بطوط العزيز
وحشنى كلامك و أفكارك اللى بتمخول كالعادة و بقعد أضرب أخماس فى أسداس و أقول لروحى
هوه عاوز يقول إيه
هوه كان قصده إيه
هوه أنا فهمى بطء ولا إيه
و فى الآخر بوصل لنتيجة واحدة اكيدة
و هيا إنى حاسة بكلامك مهما كان إيه
طبعا ممكن الكلام يتفهم على أكتر من مستوى
التدوين
حبك
مجتمعك
حياتك كلها
و أهى رحلات قصرت و لا طالت
المهم نعيشها و نحاول نفهمها
و الأهم نحبها
نحبها
ربنا ينورلك السكة و يسعد أوقاتك فى كل لحظة منها
تحياتى يا احسن دكتور سنان فى مصر

mostafa rayan يقول...

احيان كتير بتبقي عايز تعمل حاجات ضد مبادئ انت مقتنع بيها لرغبة انت عايز توصلها
دة مش بيكون إلا لما تتعلق بحد وتحس انك ميال قوي جدا خالص ليه وعايز تعمل كل حاجة علشان تكون جنبه وقريب منه
بس صراحة الموضوع دة انا لسة ماجربتوش للأني لشة ماتعلقتش بحد
تحياتي ليك يا جميل

Maha Shahen يقول...

كلامك خلانى أخبط بفكرى بين حالتين طبعا خاصين بيا
لأنك بصراحه جرتنا وراك ومفهمناش قوى بتتكلم عن أيه كشيء خاص بيك لكن انا تقريبا وصلت للمغزى من الكلام , بس كلامك خلانى افتكر شوية مواقف حصلت

كتير بنتمنى وبنرسم لنفسنا يوم كامل هيكون شكله ايه
واحيانا يمر اليوم زي ما اتمنينا واكتر واحيانا يمر اسوء ما كان ممكن نتخيل حتى
يمكن دا اللي بيخلينا نقدر علي اساسه انه كان يوم حلو قوى ولا اوحش لأننا كنا حطين خطط مسبقه ليه , يمكن دا مش صح اننا نعمله
دايما بنفرض الأسوء علشان لما نقابله منتضايقش وبنسكون سعداء جدا لما فكرنا يطلع غلط واللي يحصل يكون اجمل مما اتمنينا
بس الصدمه لما يجى الحال اسوء من الأسوء
نحاول نخرج من حوارنا وتصورنا كلام يتقال في الموقف دا نلاقى الكلام مينفعش
ميتناسبش مع الموقف نسكت وأحنا حيرانين

البوست هيخلى كل انسان يفكر فى شيء بس عامة كسبنا تشغيل عقولنا
وشكرا علي انك حيرنا برحلة عقلك

ست البيت يقول...

بطوط العزيز
بما ان لكل واحد حقة في الفهم
فكليني اتكلم ...كلنا جوانا ثوابت بس لما بتكون انسان ملتزم بتبقى الثواب اشد ومش مجرد مباديء
ساعات فعلا بيبقى نفسك تقوي علاقتك بشخص ويصمت وقتها صوت الضمير وتتمني حقا ان يعرف الناس انك بشر ولست جبل لا يتزعزع
يعني ممكن جدا نحط قواعد وومباديء بس بنلاقي نفسنا أول ناس عاوزين نكسرها
في الرحلة
ستجد حقا ما تكلمت عنه
ناس يجب ان تمحي أفكارهم وناس يجب ان تفكر في كلامهم مرات
وستجد ثوابت أصبحت في محل نقاش وجدال
يثري الفكر ويصقل الشخصية ان صح التعبير
ولكننا في آخر الرحلة وأولها كنا وسنكون بشر

ست البيت يقول...

بس حذاري يا بطوط
حذاري أن تسكت على صمت الضمير وأن تتحق الشاذ من القاعدة
فهنا يكمن الخطر
لما تمشي طريق طويل بتزهق لنه شارع طويل فا فيهوش مطبات وما فيش فيه
طرق جانبية
لو مش معاك حاجة جامدة أو حد مونسك لازم حتحس بوحشة الطريق
وتدور على الطرق الفرعية يمكن تلاقي فيها حد يسليك
هنا الصراع كما يقول أحمد كمال
ما بين المتاح والمرغوب
بس بوست سيكولوجي عااااااااالي قوي
طمنا عليك بعده يا بطوط

دمعه حائره يقول...

بص يا محمود

بامانه انا محتجتش انى اقرى الكلام اكتر من مره عشان افهمه

لانى فهمت كل كلمه فيه

ممكن يكون فهمى لها مش زى ما انت تقصدقه

بس انا حاسه انى قريت موضوعك ده دلوقتى

وعن طريق الصدفه

يعنى بعتبره رساله والمفروض افهمها

دايما بيكون نفسنا نعمل حاجات وعشان نعملها لازم تغير حاجه من مبادئك هو مش تغير جزرى ولا هيضر حد

بس هيبين انك مختلف وده مش حقيقى

كل الحكايه انه هيبين جزء كمان منك مش ظاهر ولا حد يعرفه

بيبقى نفسنا يستمر بس سعات حاجه تحصل كانها بتقولك مينفعش

بجد كلامك جميل

غير معرف يقول...

نسيت اقولك انى لو بأيدى كنت اديتك جايزه اوسكار ع البلوج ده...فعلا افضل حاجه قرتها من وقت طويييييل...انا حسه انك مكنتش تقصد بس يلا ياعم اهى جات معاك كده
P:
P:

صبرني يارب يقول...

ها ؟؟؟

هو زي ما تقول كده انا فهمت الموقف نفسه

لكن الى ما فهمتوش بقى يا عمنا
انت عايز ايه

بس تقريبا انا بعد تسع سنين جواز فهمي تقل

kochia يقول...

اممممممم
انا قريته مرتين عشان افهم

وفهمت الحمد لله ..
بس عارف
ده ما يدور في ذهن المعظم لكن مش كل واحد صاغه وقاله حتي لنفسه

بس بما انها رحلة .. خد منها اللي ينفع للرحلات القادمة ودع ما لا يفيد
يكفي انك رايت
وانك تعيد ترتيب الافكار
وانك تقبل نقاشا لم تكن تقبله سابقا

ما تريده .. ما تستطيع عمله قد يكون طريقا طويلا او قصيرا
فقط افعل ما عليك

صاحب المضيفة يقول...

كلام كبير يا عمنا

ومتحاج لتفصيل برضو


لكن على العموم ... كلام رايق برضو وشكلك داخل على دور تفكير عميق


سلام يا مان

حمامة يقول...

اممممم

مش عارفه بس انا حاسه مجرد احساس انى فهماك لان الحالة دى انا مريت بحاجة شبهها كده بمعنى ان مريت بحاله فيها الأحاسيس دى ..
احساس انك حاطط مبادىء لنفسك عمرك ما هتخرج عنها و ف نفس الوقت ف فرصه قدامك لحياه انت عايزها
بس عكس مبادئك دى

اتمنى اكون فاهمه :)

دعاء مواجهات يقول...

رايى انك مش دكتور

او بمعنى اصح انت حاكى وراصد

ومفسر ومحلل نفسى لذاتك وللآخرين

بدرجه عاليه ومتميزة جدا

ودة بيدفعنى دفعا للقراءة مرة اخرى

واخرى واخرى

===================

عجبنى اوى الصراع او الحديث النفسى

واكتر حاجه بتاعت انك وجدت ان اشياء كتير قابله للمناقشه كنت تظنها غير ذلك

تحياتى الجامدة ليك

وربنا معاك.

son's egypt يقول...

السلام عليكم
مكن اقول الصراع الداخلي للانسان في هو عاوز ايه ومابين الواقع اللي هو عايش فيه وبيتحكم في كتير من تصرفاته وافكارة

Miss. Sosa يقول...

اممم
والله يا بطوط هي حالة من التخبط والحيرة اللذيذة .. وواضح انها كانت مسيطرة عليك جدا لدرجة انك ده انعكي علي كلماتك وعلي طريقتك في الكتابة

تريد ان تجعله يقترب اكثر متجاوزا كل ( ما يجب ان يكون ) لـ ( هذا ما اريده ان يكون )ء


لا النافية للي بين القوين التاني ديه تحفة اوي .. انت بترسم لوحة فنية بالحروف والكلمات

وبعد هذا الفيض من الانبهار

هو انت عايز تقول ايه ؟
هه :))

اروح اقرأ تاني .. اللي فات ده كان انبهار اول مرة بس

غير معرف يقول...

السلام عليكم حبيبى بطوط
بجد وحشنى جدااااااااا انت مش ظاهر ليه يا ريس بقالى يوم ما شفتكش هههههههههه

المهم بقى

======================

هذه اللحظه - تجميع وترتيب الافكار - هى الفحوى الحقيقيه من مقابله شخص تحترم عقله وشخصه وله مكانه فى قلبك
==============

طبعا انا هو هذا الشخص؟! صح!

========================
انظر فى بعض افكارى التى كانت تملأ كيان فى عقلى اسميه ( غير قابله للنقاش ) ..لاكتشف انها ( قابله للنقاش )
==============
مش عارف احنا اتنقاشنا فى ايه يا بطوط هو كلام كتير بس يلا خير مش مهم دى

احلى ما فى الموضوع
===========================
حتى لو كنت مازلت مقتنع ان رايي هو الصواب .. لكن اكتشف ان فى الامر شد وجذب ما كنت اتلفت له سابقا
================

طبعا تقصد التفت
ماشى ماشى مش هاقف على اللفظ ههههههه

بس بجد هذا احلى ما فى الموضوع

لو كان بوستك يحمل الرمز
فان كومنتى يحمل الوضوح كل الوضوح

يلا سلام

مؤمنه يقول...

السلام عليكم ورحمة الله وبركاته

ازاى يكون لدى الانسان قواعد وضوابط تحكم سلوكه وعندما يقابله حدث ما يحرك رغبه داخليه لتغيير تلك الضوابط والقواعد للاستمتاع بذلك الحدث وقوة رغبته تحجب عن ضميره اى مبررات من الممكن ان يضعها له

هذا ما فهمته
وان كان صحى رايي ان الضوابط والقواعد التى هى مبادئ لا تتغير والا ظلمناها وان كانت قابله للتغيير فسلوك الفرد فى الحياه هو سلوك اهوج

دومت طيب

والسلام عليكم ورحمة الله وبركاته

DR.HAMAS يقول...

الصراع قائم

لكن الشخص الناجح

هو من يغلب الصواب على الهوى




د.حماس

La RoSe يقول...

السلام عليكم

تلك هي أول زيارة لي للمدونة والموضوع المطروح "جه على الجرح" زي مابيقولوا ،كتير جداً اتعرضت لمواقف من تلك النوعية ،ونفس الصراع اللي مابين "حاجة عايز تعملها" و"ماينفعش تعملها"
لا فكرك ولا مبادئك ولا شخصيتك تقول إنك ممكن تعملها...
بيبقى صعب أوي في النهاية إنك تستجيب لصوت ضميرك وتجبر نفسك على الخضوع ...بتلاقي نفسك بشكل لا إرادي كده بتتشد للي عايزة وبتحبه...

عشان كده فكر تاني وتالت وعاشر وحاول ماتعملش حاجة ممكن بعد شهر ولا شهرين ولا حتى سنة تلوم نفسك عليها وتقول ياريتني ماعملتها..

ربنا معاك،

تحياتي لك

رئيس التحرير يقول...
أزال المؤلف هذا التعليق.
أسما عواد يقول...

نفس المشكلة اللي بتقابلني كل صباح
اللي لازم اعمله واللي عايزا اعمله
صباح الخير
ولا صباح الواجب واللي لازم يكون
افتكرت دلوقتي بس اني لازم اصحى بدري عشان اشتري هدايا عيد ميلاد ماما ليا ولإخواتي عشان كده تصبح على خير

HeBa يقول...

بطوط

أزيك

الدور التامن له تأثير قوي عليك

بص أنا اللي فهمته أنك لسبب ما عملت استثناء ضد مبادئك والثوابت اللي أنا حاططها لنفسك

طبعا أنا مفهمتش أبعاد الموضوع ولا عارفة اللي وصلني من البوست ده صح ولا غلط

بس أنا هكمل كلامي بناء على كده

لو الثوابت اللي أنت بتتكلم عليها دي مش ثوابت دينية لا يجوز كسرها أو الاستثناء فيها

يبقى مفيش مشكلة أنك تغير قناعة معينة أو تكسر قاعدة ما

أحنا بنقابل حاجات كتير في حياتنا تخلينا دايما نعيد النظر والتقييم طول الوقت

عموما ربنا يوفقك في الدراسة

وياريت نشوف بوست جديد قريب

maxbeta3zaman يقول...

رأيي أنك تفكر بصوت مسموع ...وهناك صراع ما يدور داخلك ..تحاول كتمانه بجعله غامضا بعض الشىء ...تبدو لى شخصا ذكيا ...هذا هو انطباعى فى أول قراءة لى عندك

mohamed ghalia يقول...

بطوط حبيب قلبى
قينك
إيه ياعم مش ناوى تكتب جديد ولا ايه
شكلك مستكلف تنزل من الدور الثامن
على العموم ليك تاج عندك
متكسفنيش بقى يا حوده دا أول تاج ابعتهولك لازم تجاوبه
تحياتى
فى إنتظار إجاباتك

daktara يقول...

مش عارف اقولك ايه
الله الشافي والمستعان

Asmaa mahaba يقول...

على فكره انت المره دى هايل وبتحصل كتير وتشعر ان فى قواعد وضوابط وضعها ضميرك تخليت عنها وبدون اى منطق او مبرر
وكتير فعلا ببقى نازله مشوار او حتحصل مكالمه هاتفيه او حشوف حد تتمنى وتتخيل كلام حيتقال ويحصل وبعدين ميحصلش زى ما انت متخيل ومرتب فى دماغك فترجع تتمنى ان اليوم ايتكرر او توهم نفسك انك قلت ونفذت اللى جواك
مش عارفه بصراحه اقول ايه تانى لان البوست دا بالنسبالى اكثر من رائع يا بطوط جات فى الجون
سومه_87

Asmaa mahaba يقول...

على فكره انا حروح اقراه مره كمان هههههههههههه
سلام

mostafa rayan يقول...

ربنا يطمنا عليك يا جميل
فين يا عم الشغل الجديد من فترة مانزلتش حاجة
ربنا يوفقك يا محمود لكل الخير

Helium Atom يقول...

I love that post awi ya batoot!1