2008/06/14

تاجات ومحتاجات

دول كل التاجات الى جت لى

من فيونكه خضرا

وصيدلانيه طالعه نازله

بلا نيلة ... ايامنا سابقا

هل توافق على حذف الديانة من البطاقة الشخصية ؟

بصوا اوافق بس بشروط

يعملوا للبطايق المتدينين بديانه سماويه لون وليكن اخضر مثلا

والناس التانين يعملوا لهم بطاقه بلون تانى وليكن احمر مثلا

وياخدوا بتوع البطاقه الحمرا بقى يمثلوا دور الكفار فى الافلام الدينيه

وييشيلوا الالغام الى فى الصحرا

ليموتوا كلهم ليشيلوا الالغام وهو كده كده احنا الكسبانين

وفى اى طابور يتكتب فوق اصحاب البطايق الحمر يفوتوا علينا بكره وكده يعنى


-------------------------------------------------


ما رأيك في المثليين ، هل توافق على الاعتراف بالمثليين ، وهل هى حرية شخصية ، وهل لديك أصدقاء من المثليين؟
نفس الاجابه السابقه بس دول مش هيمثلوا دور الكفارفى الافلام انما دول فرع تطهير الالغام
بالنسبة بقى للاصدقاء المثليين

اكيد لأ


------------------------------------------------------

هل تعتقد بوجود اضطهاد في مصر للمسيحيين ؟

والمسلمين كمان


--------------------------------------------------------

من هو الشخص الذي تختاره لرئاسة الجمهورية ؟

مش شايف حد ينفع بس يمكن حماده احمد حفيد الملك فاروق اذا كانت كده كده ورث يبقى هو اولى من الغريب ولا ايه؟؟

الحق حق


-----------------------------------------------------------

إذا قمت بتأسيس حزب ..... من هم الأشخاص الذين ستضمهم في الحزب ليشاركوك في حكم مصر ؟

بلاش اكتب اسماء دول ليهم عيال وعايزين يربوهم


---------------------------------------------------------

في رأيك الشخصي . ما هى أفضل مدونة قمت بزيارتها ؟

كاريكا طز د اشرف حمدى

فيونكه خضرا هبه المنصورى

عبده الرايق

فرنسا هانم

روح قلب ماما ..فاتيما

مجنونه فى بلد عاقل سومه

وفى كتيييييييييييييييير اوى بس دول اقربهم لقلبى ومش بالترتيب


-----------------------------------------------------

أى الأسماء تحب أن تسميها في حال أن انجبت ولدين وبنتين ؟

ولدين

عمر و احمد

وبنتين مراتى تبقى تسميهم بلاش اكون ديكتاتور


--------------------------------------------------


ما هو أفضل انجاز لحكومة مبارك ، وما هو أسوأ عمل قامت به ... في رأيك ؟


افضل انجاز؟

ان فى عهدها انا عملت مدونه وبصراحه عملت فى عهدها كل حاجه اصل انا مشفتش غير عهدها

ومعرفش لها انجاز تانى


اسواء انجاز

الاجابه فى العاشره مساءا والقاهره اليوم


--------------------------------------------------------

هل تعتقد أن توريث الحكم في مصر سيتم فعلا أم لا ؟

اعتقد جازما


------------------------------------------------------

اذكر 5 أحلام على الأقل تخص ماضيك وتحلم فيها بتغير الأشياء .. ماذا ستعدل وماذا ستترك؟؟

  • حلمت انى ادخل صيدله ولما جيت اكتب الرغبات كتبت اسنان تقولى ليه حلمت بصيدله اقولك معرفش طب ليه كتبت اسنان اقولك خيبه بعيد عنك

  • حلمت انى اتفوق فى الكليه بس اتصدمت فى اعدادى بصعوبه المواد وبعيد بدأت افهم الليله وبعدها وتوالت الصدمات مش عايز اقول لحد ايه
  • حلمت وانا صغير انى اضرب صواريخ من صوابعى زى مازنجرالحلم ده اتحقق لوووووووووووول
  • حلمت ابقى رئيس جمهوريه ... والله بجد طول ما كنت صغير اى حد يسألنى نفسك فى ايه لما تكبر اقوله ابقى رئيس جمهوريه او اخد كاس العالم بس مفيش جمهوريه فاضيه دلوقتى وعايزه رئيس فالحلم ده مش هعدله ولا هغيره انما هصبر يمكن يفتحوا جمهوريات جديده وعايزين لهم رؤساء
  • هسيبها فاضيه معلش

------------------------------------------------------

اذكر5 أحلام على الأقل تخص مستقبلك

  • انى احضر زماله تقولى طب ليه مش ماجستير ودكتوراه فى مصر .. اقولك لان تقديرى مش هيسمح بتحضير فى مصر خالص الا بمعجزه اعملها فى اخر سنه
  • بحلم انى اتجوز بنت تكون نصى التانى فى كل حاجه ولما اموت تكون مراتى فى الجنه
  • بحلم انى مخسرش حد من اصدقائى ونفضل اصدقاء طول عمرنا والدنيا متفرقناش لانهم بجد صعب تعويضهم
  • بحلم ابقى غنى جداااااااا وفى نفس الوقت ينطبق على حديث الرسول صلى الله عليه وسلم ورجل اتاه الله مالا فسلطه على هلكته فى الحق
  • بحلم انى اخلص الكليه على خير

------------------------------------------------------

اذكر شخصين على الأقل متواجدين في حياتك حالياً كنت تود وجودهم قبل الآن بزمن

كتير اوى من اصدقائى

------------------------------------------------------

اذكر شخصين على الأقل غير متواجدين في حياتك حالياً كنت تود وجودهم الآن أو في حياة أولادك مستقبلاً

  • ابى الله يرحمه وبجد ولادى اتحرموا من النعمه دى ربنا يعوض عليهم
  • استاذ لى زماااااااان علمنى حاجات كتيره اوى

عشر حاجات عن نفسى؟؟

  • طبعا الحاجات المعروفه انا فى سنه تالته طب اسنان وان شاء الله لما النتيجه تطلع هبقى فى البكاليريوس قولوا يااااااارب
  • كمان انا ملتحى واكتر حاجه تغظنى ان الناس تربط بين ان واحد يربى دقنه وبين انه متشدد ومتعصب وفى ناس كتيره اوى بتحكم عليك من مجرد الشكل واتغاظ اوى لما حد فى الشارع ينادى على ويقولى ياشيخ او لما حد يوقفنى ويسألنى سؤال فقهى وكأنى عالم ويندهش اوى لما اقوله معرفش
  • اللحيه بالنسبه لى سنه وعشان كده ربتها وغيرت فى سلوكى واخلاقى حاجات كتير مش منها استيل اللبس وفى حاجات كتير برضه غلط بعملها بس على الاقل بقيت بتكسف من نفسى لما بعملها
    ومن يوم ما ربتها لحد الان وانا عمال ادخل فى نقاش مع كل افراد العائله من اصغرهم لاكبرهم من عينه طيب قصرها شويه
    وانا اقول لا
    طب مبلاش احسن هتعملك مشاكل
    وانا اقول لا
  • بحب القرايه موووووووووت وخصوصا الشعر ولو شفت مكتبتى تلاقى فيها ديوان المتنبى بيسلم على الاعمال الكامله لاحمد فؤاد نجم من الفصحى الفصحى للعاميه العاميه وفى وسط كتييييييييييييير
  • فى الكليه من الناس الى مقضياها جيد - والله مكنتش كده زمان بس الزمن بقى - وبتدعى ربنا يسترها معاها وساعات ربنا بيستجيب دعائى واحيانا ...... بس انتوا عارفين اهم حاجه ايه؟؟ عليكوا نووووووووور العملى
  • بحب التهريج جدااااااا وصعب جدا انك تطلع منى كلمتين جد وخصوصا ايام الامتحانات الكل بيبقى متوتر وانا كأنى مخلص ميت مره لدرجه بتشكك العيال فى نفسها
  • فى الشفوى بتدخل معايا بنت غالبا والبنت دى بتتوتر جدا وبترتعش وكأنها رايحه تمووت وانا ببقى معاها قمه فى البرود لما الدكتور يسألها ومتعرفش يقولى جاوب سؤالها عشان هى متوتره لحد ما تهدى وكل مره اجاوب نفس الاجابه

هه سؤال ايه انا مش معاكم اصلا ؟؟

  • نظريا المفروض ان انا بحب عمليا جارى مفاوضات ومحدش يسأل يعنى ايه هههههههههههه
  • بحب انظم حياتى بشكل روتينى رغم انى مش بنفذ الشكل الروتينى ده الا انى بكون مصمم انه يكون بطريقه او اخرى
  • بحب النظام موووت وبكره الهرجله جدااا لما بسكن فى الدراسه مع اصحابى غالبا انا الى بطبق البطاطين وانظم الكركبه .. مش حبا فيهم انما كرها فى البهدله ... بس بعد شويه بهمد وتعود
  • انا احب اخواتى لامى

هناك 25 تعليقًا:

nigro يقول...

رأيي إنك محمود .. دكتور حبوب
و الله يا محمود أنا أحياناً بأحس إن دماغنا زي بعضها وبنتفق في نقاط تفكير كتير
بالنسبة لموضوع اللحية أنا زيك برده بأعاني منه عندي في العيلة
و الغريبة يا محمود إن اللي بيقولي أحلقها و بياخد باله مني علطول هو خالي و هو شخص ملتحى من أكتر من 25 سنة و ما شاء الله عليه حافظ القرآن كله و خطيب في مسجد .. لدرجة إني بأستغرب أحياناً هو ليه بيقولي كده

باقي الكلام معنديش عليه رد
بس الواحد كده عرفك أكتر

يلا سلام

AHMED SAMIR يقول...

احب انا الاجابات القصيرة والخبيثة في نفس الوقت
وانت تجيدها تماما
تحياااتي

فاتيما يقول...

إيه دا يا بطوط
أنا أتحولت يا بنى من كتر زغللة التيجان فى عينى
بس برافو عليك و الله إنك جاوبتهم كلهم فى نفس واحد
بص أنت احلامك بسيطة قوى و معقولة و ممكن قوى لأ ممكن إيه
دا لازم تتحقق و ببساطة كمان
دا أقل واجب تعمله الدنيا معاك
و معانا كلنا
و ربنا يوعدك بحما جميل يعوض ولادك عن باباك الله يرحمه و البركة فيك
و مشكرين على إنك بتجيب سيرة مدونتى
شكلك بتجاملنى كدا يا بطوط
بس كتر خيرك يا صديقى
و تعيش و تلبس تيجان

Empress appy يقول...

هههههههههه هموت بجد بجد من الضوحك يا بطوط عارف اكتر حاجه المثلين والبطاقه ههههههههههههههههههه
بس موضع اللحيه كويس اتك بدات تعدل فى خاحات كتير لان دي ثقافه ان الناس رابطه قوي فى الموضوع ده وانا منهم ههههههههههههههههههههههههههه يعنى بس وجهه نظري ان طالما اخترت طريق حلو قوي يبقى كمله ربتا معاك بس مش متشدد
وربنا ينجحط يا رب وتكمل المشروع العملى وابقى قولى اجيبلك بطوط توديك هههههههههههههه

صاحب المضيفة يقول...

انت فين يا عمنا

افتقدناك من فترة طويلة


على العموم اجابات رايقة وجميلة وساخرة

منتظرين ابداعاتك الجميلة دوما

تحياتي

همسات دافئه يقول...

محموووووووود اجاباتك جميله ودمك خفيف موت
حلوه حكايه البطاقه للمثليين ده بس مش حلوه للمسحيين:)
ربنا يكرمك يارب وتحقق احلامك ده احلام جميله خالص ربنا يتقبل يعينك يارب
وتخلص على خير بقى ان شاء الله:))

شيماء:)

بطوط حبوب يقول...

نيجرو حبيب قلبى
انا لى الشرف انا دماغى توصل لدماغك وده بجد مش فض مجالس
ههههههههههههههه
وياسيدى اصبر مع خالك امرك لله مهو لازم تعمل كده
-----------------------------------
احمد سمير
قصيره وخبيثه؟؟
مدح ولا ذم؟؟
نورتنى على كل حال

-----------------------------------
فاتيما

والله انتى من الناس الى بتظر تعلقهم عندى وبنتظرهم ينزلوا بوستات
انا مش مجامل بطبعى
انتى بس الى مش عارفه قمتك اد ايه
ربنا يخليكى لينا ويسعدك يااااااارب ويحقق كل امانيكى يااااااااارب

----------------------------------

ابى
هو موضوع اللحيه بيفض على الواحد انه يكون فى احسن شكل يقدر عليه بس يرضه بيكون فى اخطاء كتيره اوى وليها عوامل برضه
زى ان الواحد مش مولود ملتزم ففى حاجات هو لسه متعود عليها من زمااان ولسه بيعملها ومش عارف يبطلها

بس طبعا المفروض ان يصلح كل حاجه فيه بس رينا يعينه يااااااااارب قولى امين

----------------------------------

صاحب المضيفه
ابداعااااااات ايه يا عمنا دا بس من ذوقك
وانا رجعت اهو استحمل بقى
هههههههههههههههه

----------------------------------

همسات دافئه

مش عارف انى اجابه ايه الى مش عجبتك

انا قولت
يعملوا للبطايق المتدينين بديانه سماويه لون وليكن اخضر

وقلت ان المسحيين مضطهدين هم والمسلمين فى مصر المصريين كلهم مضهدين داخل مصر
فى مشكله فى دى او دى؟؟

غير معرف يقول...

بطابيطو ترمس من عالم ال360 جاءت لتقول
ايه يابطوط دة صواريخ ايه اللي تطلع من صوابعك
بحاول اتخايلها ادي اخرة الكرتون اللي بوز مخ شبابنا
بس حلوة حكايه البطاقات جدا جبتها ازاي
انا بقي هجمعهم واعملهم محرقه زي هتلر صديقي بلظبط
اجابات ساكر يابطبط
بس نفسي اعرف يعني ايه قيد التنفيذ
اة ولا لع
بطابيطو ترمس

Mafrousa يقول...

اهئ اهئ اسمي مش متكتوب ولا فى البوست و لا على الأيد الشمال
مش مهم اصلك ما ينفعش تتفرس و انت كنت فى جو امتحناااات

بطوط حبوب الكلام كله اللي قلته عن نفسك جميل جدااا و يا رب تخلص الكليه على خير ..انا عندي امل تعالج سناني
أو تركبلي طقم هههههههه
واضح من كلامك ان روحك حلوه يا بطبط....وربنا يكرمك

عًٍمًرٌٍوٍ آلنْوٍبٌَِى يقول...

الله عليك يا دكتور محمود
اجاباتك على كل الاسألة جميلة وبسيطة جداااا
بجد انا سعيد جدا انى اقدرت اتعرف اكتر على شخصية جميلة زيك
ربنا يوفقك فى حياتك وتقدر تحقق كل احلامك ان شاء الرحمن
طبعا اولهم انك تبقى رئيس جمهورية علشان تعينى فى وزارتك الجديده .. مسكنى انت المالية وملكش دعوه وهتبقى هيصة بعون الله ههههههههههههههههههههههه

المـــفـــــــقــــــــوعـــــة مــرارتـهــا يقول...

انا لما لاقيت أسمك منور عندي في التعليقات ... جيت جري أسلم عليك وأقولك وحشتنا ياراجل
اخبارك ايه ؟
ليكوحشة يارب تكون أجازة حلوة عليك وتتبعها نتيجة أحلي
بالتوفيق

غير معرف يقول...

من هو الشخص الذي تختاره لرئاسة الجمهورية ؟

مش شايف حد ينفع بس يمكن حماده احمد حفيد الملك فاروق اذا كانت كده كده ورث يبقى هو اولى من الغريب ولا ايه؟؟

الحق حق


هههههههههههههههه

ده ابن الذينة الاهبل ابن الاهبل احمد فؤاد التانيده عايش برا ومتجوز يهودية وعايش على انو ملك مصر واغتصبوا عرشو وانو راجع راجع
غلباااااااااااااان عيزة اقولو كان غيرك اشطر دا 80 مليون مش عارفين يزحزحوه يابابا هتيجي انت وتئلشو .. اقعد في حتة ناشفة

اما بئى كان نفسك تطلع ايه
كانت امنية حياتي اطلع رقاصة واتجوز دكتور مجانين .. ليه معرفش





تحياتي ياحبوب

sebofy7alo يقول...

حمد اللة بالسلامة من العودة سالما من الأمتحانات والأختفاء المفاجىء في ظروف غامضة وكان البحث عنك مستمر.
هههههههههههه
ومبروك فوزك بالتاج
ههههههههه

غير معرف يقول...

عدنا بعد غياب ...موضوع جميل كنت مفتقده الكلام ده من زماااان ( حلوه زمان دى؟؟؟) كأن يعنى احنا سايبين ال360 من 10 سنين وراجعين بقى ...المهم يارب الامتحانات تخلص على خير عشان عندى كام فكره كده للاجازه دى يارب بس تنفع...احلى حته عجبتنى بقى بتاعت الانجازات وكمان بتاعت اسامى العيال ...من امتى الديموقراطيه دى يابنى (;

غير معرف يقول...

ايه ده صحيح نسيت
ازاى يادكتور متكتبش اسم مدونتى من افضل المدونات اللى زرتها... لآنها منهم فعلا ان لم تكن افضلهم على الاطلاق... انا مش هسامح فى الموضوع ده الا لو غيرت البلوج كله وكتبت اسم مدونتى اول واحده او اقولك اكتبها هى بس...او اعمل بلوج جديد ... المهم اتصررررررررررررف ...انا زعلى وحش وانت عارف انا ممكن اعمل ايه فى السفير بتاعك (;

Wael يقول...

اسواء انجاز


الاجابه فى العاشره مساءا والقاهره اليوم


حلوة الاجابات السياسية دى (:

مبروك على العودة
وبالتوفيق ان شاء الله .

الـسـيـدة نـون يقول...

وحشتنى يا واد يا بطوط
حمدالله على سلامتك
بس ايه حكاية اخواتى لامى دى؟
انت عندك اخوات لابوك؟

ياريت تبقى تكتبلنا بوست عن الحكاية دى
علشان انا عندى حب فضول شديد


المهم
انت ليك وحشة جامدة جدا
ربنا ينجحك يارب

واهم حاجة العملى
وش بيغمز

سلام
اختك خيخة

Mona Shereif يقول...

حمد لله على السلامة يا بطوط
والله وحشتنا ووحشتنا مواضيعك اللى زى العسل دى
وايه يا عم ماسورة التاجات اللى اتفتحت دى ، ده انت اسم على مسمى بجد
حبوب ومحبوب
ربنا يوفقك يارب وينجحك
تحياتى

dodda يقول...

ماشى
كتبت عن نفسك كل حاجه حتى احلامك بس انا بقى عايزه بوست جامد وفى السريع
سؤال:مامتك ابقت على الوياده فى المصروف؟؟؟
طب هى قبضت العلاوه؟؟

هبة المنصورة يقول...

:)
مش عارفه أقول ايه والله... كسفتنى بذوقك ده.. لأ تستاهل التلات تيجان..ربنا يوفقك ويكرمك وتحقق كل أحلامك

Unknown يقول...

حلوة اجاباتك يارب تخلص الكلية على خير غريبة جدا انك بتحب النظام ما اتعودتش على كدة من الاولاد لحيتك انت حر فيها ماحدش ليه دعوة مع وصفك لنفسك شايفة انك لازم تصر على اللحية عشان تغير فكرة الناس عن المتدين الملتحى عموما اجاباتك واضح منها ان شخصيتك حلوة سلااااااااام

دعاء مواجهات يقول...

ههههههههههههههههههه

ازيك ياعمنا

منور الحياة كلها بجد

اجاباات آآخر تماموووز محشى باللوز

ودمك زى العسل

وربنا يحميك ويريح بالك

وينجحك قول آىمين

منورنى ديما

سلااام

غير معرف يقول...

اجابات موفقه

:)

Abo 7anf يقول...

السلام عليكم
خمدالله على السلامه يمان
كويس انك خلصت
واجاباتك جميله
ربنا يوفقك

ست البيت يقول...

د.محمود،،،
دكتور أسنان وملتحي انت مطلب شعبي يا بني
وبعدين اللحية دي زينة الرجال بدأت أشك إن في راجل من غير لحية ...
عجبني جدا غضبك من سؤال الناس لك الفتوى ..بعض الناس يرى في نفسه شيييييييييييييييخ كبير ويفتي يغير علم
ودا مش صح
جميل أن تعي هذا الكلام أما عن تصوريك إرهابي فأحب أقولك إنك إرهابي من جواك بس مش واخد بالك
مدونة جميلة وادعوك للتواصل مع مدونة عكروووت ارهابي زميل