2010/02/20

فاحفر هنا قبرا ونم


هل ترى انك لا تتعلم من اخطائك , بل  تكررها بنفس الحماقه , ونفس الاحداث.
دئما ما يبدأ الامر حين تراها رائعه الجمال , فتظنها حوراء من الجنه , ثم تتعامل معاها فتجذبك شخصيتها بطريقه ما , أليست هذه هى البدايه فى كل مره؟!!... تريدنى ان اكمل؟ حسنا سأكمل لك باقى الاحداث.

ستجلس بعدها بينك وبين نفسك لتسأل نفسك .. هل تراك تحبها؟! .. ودائما ستحتار فى الاجابه .. لن تكون حيرتك أبدا بين نعم و لا ؟ لكنها ستكون فى ما هيه هذا الحب.
ستأتى الحيره وستظل تتكلم معى - انا عقلك- ستضع الاحتمالات قائلا هى ( ليست اكثر من صديقه , زميله عمل , مريضه , وفى النهايه ستقول هو مجرد اعجاب , ثم ستتعامل مع نفسك على انها فتاه احلامك) لا اعلم كيف تضع كل هذه الاحتمالات وانت تتكلم معى .. ثم تضرب بها عرض الحائط وتتصرف وكأنك تحبها.

 ستظل تراها كل يوم , تتحدث معها كلما جاءتك مناسبه , او تتصنع انت تلك المناسبات , ثم - وآآه من ثم هذه - ستركع على قدميك , وتعترف أنك تحبها , وكأنك تحت تأثير قوه خفيه تدفعك لتسير عكس ما أمرك به .. وكأننى لست عقلك.
.
أما هى ( مهما تغير اسمها ووصفها ) فدائما ما ستجيبك بالموافقه .. ربما بتأثير وقفتك تلك على قدمك المنحنيه , وفى يدك تلك الورده , وعلى لسانك كلمات الحب.. أو ربما بتأثير تلك الموهبه - التى منحها الله لك - التى تجعل من يتعاملون معك ينجذبون اليك بشكل ما.
أيا كان
فستبدأ حيرتك من جديد لتسألنى (هل كان حبى لها حب .. ام شئ آخر توهمته الحب) 
وتبدأ هنا فى الكلام معى كل يوم - رغم انك لم تسمع كلامى فى البدايه - ما هى فرصه نجاح هذه العلاقه ؟ .. ودائما ما تجادلنى لتجعل هناك فرصه.
هنا سأصرخ -كما افعل فى كل مره- هذه الفرصه ستحتاج من ( الطرف الاخر ) ان يضحى بانتظارك عام او اثنتين.
اصرخ وانا أكاد اجن .. من قال لك ان هناك ( طرفا اخر) فى هذه الدنيا يضحى ؟؟ .. وبالله لا تقل لى انه يحبك .
فلن يحبك اكثر من نفسه .. وحتى حبه لك ليس اكثر من انعكاس حبه لنفسه.. اذا فلماذا يضحى.
تريد الحقيقه؟!!
هو - هذا الاخر - لن يضحى الا بك عندما تأتى له فرصه اخرى , او انعكاس اخر لحبه لنفسه فى شخص لن يطلب منه هذه التضحيه.
اذا فأنت تعرف القصه بتفاصيلها.. ليس لأنك ذكى .. ولكن لأنك مررت بها -بكل احداثها- سابقا.
ستفعل بعض الاشياء تحت تأثير انجذابك العاطفى ( دون التأكد حتى من ما هيه هذا الانجذاب) .. ثم ستقع فى الحيره حين تعود لتحسبها بالعقل .. ثم ستطلب تضحيه لن تنالها .. وفى النهايه لن يخسر الا انت.
فى كل مره لا يخسر الا انت , لكن صدقنى هذه المره ستكون الخساره اكبر من ان تحتمل .. فأمر قلبك هذه المره ان يتراجع فالخساره لمره واحده مؤلمه جدا.. اما الخساره مرتين ..وخصوصا هذه المره .. فستكون قاتله
 وستغنى بعدها مع نجيب سرور
[قد آن ياكيخوت للقلب الجريح 
 أن يستريح ، فاحفر هنا قبراً ونم 
 وانقش على الصخر الأصم 
: " يا نابشا قبرى حنانك ، ها هنا قلبٌ ينام ،
لا فرق من عامٍ ينامُ وألف عام ،
هذى العظام حصاد أيامى فرفقاً بالعظام].

هناك 24 تعليقًا:

مها يقول...

جاي في وقته البوست ده


شكراً يا بطوط..

sony2000 يقول...

بجد بوست جامد بس في حاجه عوذه اضفها
في ناس كتير ممكن من اول مره يكون في توفيق فقصتهم وممكن لا ,ممكن من تاني او تالت او بعد خمسين مره او مفيش توفيق علي الاطلاق
في ناس بتخدع بمعسول الكلام وفي ناس بتنخدع
البشر كلهم فيهم الكويس وفيهم الوحش وموش معني ان مره او مرتبن فشلو فكل اللي جاي سيء
بس هي بعد المره الاولي العقل يبيقي موجود اكتر
وبالنسبه للقصه دي ممكن يكون فعلا مجرد احتياج لحد جنبك فوقت معين
في ناس فوقت فعلا محتاجين حد جنبهم فبيشوفو حد من اللي حوليهم مناسب فبيبتدي يحس بالمشاعر دي من غير ميعرف حقيقه المشاعر هل هي حب ولا اعجاب ولا ايه بالضبط
تقبل مروري وتحياتي

كلام عيب يقول...

هههههههههههههه
يعيش المعلم و لا يتعلم
و لو حبيت و سبت اللى بتحبه ميه مره برضه المره الميه وواحد حتكرر نفس الكلام
امال احنا بنعمل ايه فى الدنيا غير اننا نجننكم

Sarah Sobhi يقول...

heart aching but VeRy true

:D long sigh :D

عاشقه الرومانسيه يقول...

وده غباء ولا امل؟
ماهو ممكن يكون قلب غبى ومش بيتعلم
وممكن يكون قلب عنده امل ان المره دى احسن من اللى قبلها
والنتيجه واحده
كلامك ينطبق على كتير مننا بغض النظر عن النوع ذكر او انثى
تسلم ايدك يادكتور

غير معرف يقول...

المشكلة يا بطوط انك بتسيب نفسك من الأول .. و مش بتفكر في حقيقة مشاعرك غير متأخر
.. فيها إيه لو فكرت من الأول خالص ؟؟
ليه بتوهم نفسك إنها مجرد صديقة في الوقت اللى انت حاسس فيه بحاجة بتشدك ناحيتها..
و لما انت عارف انك حد ليه تأثير على الناس و حد عنده جاذبية ، ليه بتخلي حد يتعلق بيك و انت عارف نهاية القصة..ولا انت بتبقى مبسوط بقدرتك على جذب الناس و مش مهم اللى جي
..انت في دماغك بتقول مفيش بنت هبلة..ومافيش بنت بتدخل في قصة هيا مش عايزاها .. بس افرض يا سيدي حصلت معجزة و لقيت بنت طيبة وعلى نياتها واتعلقت بيك .. و انت عارف كويس ان ظروفك مش هتنفع دلوقتي .. يبقى انت كده بتعذب نفسك وتعذبها معاك ..
يا بطوووووووط نفسي تفهم وناس كتير بفهموا .. مفيش حاجة اسمها صديقة و زميلة و تعد مثلا تتشات معاها بالساعات .. ما غصب عنك هتتعلق بيها.. ليييه بتخدعوا نفسكم؟؟؟ من الاول خالص ماتحطش بنت تحت ال friends category يا إما القصة دي هتفضل تكرر كتيييير ..
ما تتخنقش مني بطوط .. انا مش قصدي أوعظك ولا أنصحك .. أنا عارفة انك مش محتاج نصيحة في وقت زي ده.. انا بس متغاظة منك عشان بتفكرني بحد عزيز عليا جدا .. دايما بنصحه و برضه مش بيعمل غير اللي في دماغه..نفسي يفوق قبل ما يخسر حجات كتير .

dr_tweety يقول...

بجد جامد جدا البوست ده يابطوط
ايون كده رجعت لعزك,
بس اعتقدان الواحد لما بينجرح مره بيكون حريص المره التانيه وواخد حذره بس لو وقع في الحب وحب بجد ,بينسي كل الي فات وكانها اول تجربه ....ع العموم تيك كير يابطوط....

dr_tweety يقول...

ع فكره انا اول مره اكومنت عندك..بس متابعه كل بوستاتك ...
وع فكره انت كتير كنت بتعلمني ازاي اكومنت عندك وانا كنت بكسل بس بصراحه من كتر ماالبوست عجبني عملت كومنت المره دي

Unknown يقول...

بطوط ياجميل
الحب من وجهة نظرى قرار يعنى بدايته العقل مش القلب ،،، ورغم انه قرار بالجنون إلا ان ده أدعى لان آخر قرار تاخده وانت عاقل لازم يكون فى منتهى العقل و لأنك هتستخدم عقلك للمرة الأخيرة بشكل مطلق يبقى لازم تستخدم عقلك بس فى الاختيار و بعد كده ،،، يبقى الحب قمة الجنون
مهم أوى نبدأ صح و مهم كمان ميتكررش كتير علشان التجربة اللى هتستمر متفقدش روعتها ،،، أعتقد إحساس مش مريح انك تقول لحد كلام انت قلته لحد قبله حتى لو كنت مصدق نفسك ،،، علشان كده و علشان منحرمش نفسنا من روعة التجربة الحقيقية لازم الباب يكون مقفول تماماً لحد ما الظروف تكون مناسبة بالعقل و بعدين نبدأ نفتح الباب و نشوف الدنيا من الجانب ده
دى على فكرة مش قسوة و مش جمودية قلب لكن ده وفاء للبنوتة اللى لسا مجاتش ،، من حقها تكون الوحيدة اللى حركت قلبنا

طبعاً ده مش اسكيم بنطبقه و فى الآخر نوصل لشريكة حياتنا و ممكن فعلا نبقى مرتبين أوى و ميجصلش نصيب مرة و اتنين و تلاتة و أكتر لكن المهم نكون واخدين بالأسباب و العقل هو اللى يدينا إشارة البدء لأننا فعلا بعد الدخول فى تجربة عاطفية بنفقد القدرة على التقييم بمجرد بس أول تفكير

صدقنى الحب الحقيقى يستاهل الانتظار و التركيز و السعادة فى عمرنا اللى جاى كله تستاهل نعكنن على قلبنا بشويتين تلاتة عقل فى الأول و بعدين نسيبه يتجنن براحته

ربنا يكتب كل السعادة و التوفيق

صوت من مصر يقول...

مش عارف اقولك ايه يا بطوط بيراودنى الاحساس ده
لكن فى النهايه
احساااااااااااااس فقط

صيدلانيه طالعه نازله يقول...

كلنا اما بنحب بيحصل معانا كده و بنسأل نفس الاسئله و بنبقى قلقانين نفس القلق بس بيبقى قلق لذيذ حتى لو كنا خايفين بيبقى جوانا مبسوط من النغمشه اللى موجوده جوه قلبنا
نسيب بعض بعد كده و مين السبب بيحصل برضه
بس مع اول سهم جديد بيصيبنا بننسى الجرح القديم و نروح للضوء الجديد و نجرى عليه و ممكن يكون نفس القديم بس متنكر و مع ذلك بتشد ليه

مستغرباك انا يا محمود من فتره
بس مسيرى افهم

هبة المنصورة يقول...

كنت معانا إمبارح ولا ايه؟
كنت لسه بافضفض مع أخويا وباسأل أسئلة من نوعية: هو فعلاً ماعدش فيه حد يقسم معاك العيشة ويستحملك في المرة وطبعاً يحلي أفراحك؟ وللأسف كانت إجابته هي إن لحد دلوقتي يعني مش باين.. أنا عارفه إنها نظرة تشاؤمية حبتين بس اتضحلي مؤخراً وبعد مواقف كتيرة إنها إلى حد ما واقعية... بس مع كل ده دايماً باقول ربنا كبير وكريم وساعات الواحد بس بيبقى نظره قصير أوي.. فأنا باقول نعمل كشف نظر جديد :)

فاتيما يقول...

واد يا محمود


انا هقولك رأى بقى
ملوش دعوة بالعقل
و كل التعليقات السابقة
و أمرى إلى الله



يا محمود
سيبها على ربنا

حكاية الاحتمالات دى
مع إحترامى الشديد ليها
مهياش يعنى كل شىء


هوه كل قصة حب نجحت
لازم تكون مرسومة بالورقة
و القلم و المسطرة ؟؟


و هوه كل حد تحبه
و هوه يطلع يحبك
مبيقدرش يستناك ؟؟
و يستندل؟


مش يمكن بنت الحلال دى
تطلع بتحبك قوى
و تستجدع معاك لما تلاقيك جدع فعلا
و تستناك عشان بتحبك بجد
مش بتحبك عشان عاوزة تتخطب
و تتجوز و خلاص



هوه ايه يا ناس
الحب بقى يتيم كدا
و مش لاقى حد يقف جنبه
و لا يسنده للدرجة دى ؟؟



ليه متديهاش
و تدى نفسك
و تدوا المشاعر دى فرصة؟؟


ليه متدوش علاقتكم دى متنفس
علها تكون حب حياتكم إنتوا الاتنين
و تتكلل بالفرحة الكبيرة
لما تتلموا سوا فى حياة واحدة


ليه تقفلها كدا من اولها
يا محمود
و تفقد الثقة فى البونية

و ليه متبقاش على قدر تضحيتها
لو جاز نسمى انتظارها ليك تضحية


جرى ايه يا بطوط
قلبك يئس بسرعة ليه؟؟

عموماااااااا
متاخدش برأيى طبعا
لأنى حسب احكام البعض خيالية
و مش عايشة فى الدنيا


بس انا عن عمر قارب الأربعين فى الدنيا دى يا بنى بقولك

لما حبيبك يكسرلك قلبك
هتقدر تصلحه من تانى
و تحب تانى
لكن لو انت كسرت قلبك بإيدك
و لا العالم كله هيساعدك
ويخليك تقدر تحب تانى



اعتبر تعليقى دا
خطاريف
و متاخدش فى بالك


ربنا يسعدك
و يريح قلبك يا محمود
إن شاء الله
و يكتبلك الخير
يا رب

Baskouta يقول...

مساء الخير
تحياتي على البوست الحقيقي اوي اللى تحس انه بيوصف حاجات بتكرر في حياة كل حد فينا
اوقات التجارب الغير موفقة بتخلينا نحكم على نفسنا وغيرنا حكم مع الوقت ممكن يتغير

بس هو بجد مفيش طرف ممكن يضحي علشان حبيبه
اسمحلي اقولك
لا
في
في الطرف اللى ممكن يضحي

ولو جاتله فرصة تبين صدق تضحيته برضه هيضحى
التضحية جزء من الحب
من غير ما اتفلسف
اللى بيحب حد بجد
حب بجد
ممكن يعمل اي حاجة علشانه
انا على يقين من كدة
ومهما قابلنا نماذج سيئة هيفضل دايما في الطرف اللى بيحب بجد
والطرف اللى بيبادله الحب

اسلوبك في الكتابة جميل
والبوست اصلا فكرته حلوة اوي

تحياتي البسكوتية

marwa mahdy يقول...

مبدأيا البوست لذيذ جدا رغم انه بيقول كذا فكره زي الصوره بتاعت البوست العجيبه دي
هل تراك تحبها؟ دي أول فكره الاحساس الملخبط اللي ساعات كتيير بنكرهه مابنكونش عارفيين ده اعجاب عابر ولا حب بجد وفي الحالتيين مفييش مشكله لان الاعجاب(مش شكل ) ممكن يتحول لحب لو الظرووف تمام وفي توافق والموضوع هايمشي, و لو حب والظرووف تمام هانكمل بردو لكن لوالظرووف مش تمام خلاص ننهي التفكير والحيره اصلا من الاول.
لكن الفكره التانيه اللي بتقولها وممكن تخليك تتراجع في احساسك تاني هو الطرف التاني بيحبك فعلا ولا وافق علشان اي سبب غير الحب اللي بجد وهنا بردو مافيش مشكله لو الطرف التاني بيحبك فعلا هايوافق علي كل ظروفك من البدايه لكن لو كان الموضوع زي ماقولت كده (ربما بتأثير وقفتك تلك على قدمك المنحنيه , وفى يدك تلك الورده , وعلى لسانك كلمات الحب.. أو ربما بتأثير تلك الموهبه - التى منحها الله لك - التى تجعل من يتعاملون معك ينجذبون اليك بشكل ما )يعني مش حب مش هايقبل الطرف التاني التضحيه بأي حاجه لأن اللي بيحب بجد كتيير بيفتكر ان التضحيه فرض عليه فاهيضحي بدون تفكير والعكس صحيح فا كده مايلزمكش انك تكمل مع حد مش بيحبك بجد وكده فل جدا.
الفكره الاخيره رغم اني عارفه اني غلسه وطولت علييك بس عادي(لو فيه الوش اللي دايما تطلعهولي بتاعك ده كنت طلعتو)
مش معني انك مرييت بتجربه قبل كده انك ماتفكرش في الموضوع بالعكس التجربه القديمه دي مهمه جدا فيها خبرات هايله ولو شيلت الجزء المؤلم منها وبصيت عليها من بعيد هاتلاقي نفسك بتحمد ربنا عليها لانك اكيد استفدت حاجات هاتفيدك في تجربه جديده وهاتخلييك تركز اكتر.........

غير معرف يقول...

يااااااه باه قمة التضحيه انها تستنى سنه او اتنين!!!!!!!!!!!!!!!!

ضحكتنى لدرجة البكاء,,انا اعرف واحده استنت واحد 8 سنين,,
وعلى الرغم من انهم ربنا مكتبش ليهم انهم يكونوا سوى,,هى مش ندمانه على السنين دى.
وبتقول انا راضيه انى مريت بحب حقيقى ودا يكفينى,واذا كان ربنا مش رايد نكون لبعض فانا مش ندمانه .

وانت بتتكلم فى سنه واتنين على انها قمة التضحيه؟؟؟؟

اديها حق الاختيار والقرار وادى لنفسك حق السعاده بدل متعيش عمرك كله تندم وتقول ياريتنى كنت اتكلمت.

غير معرف يقول...

السلام عليكم


طيب

يبقى الحب مثل الزهرة لا ينبت ابدا فى الظلام صح :)




ربنا يكرمك ع البوست ده

د.علي يقول...

تاني ياصاحبي محرمتش؟!!
رأي أن الحب مش عيب ولاحرام بس لازم الواحد منا يحسبها صح وأنامع أ/عبدالعدل إن آخر قرار لازم العقل يتخذه بمنتهى العقل .وكمان من رأي إن الوقت المناسب للحب هو بالتحديد ( الوقت الذي يستطيع فيه الشخص إثبات هذا الحب ) ونتيجة لثقافتنافإن إظهار هذا الحب عند أي فتاة هو ببساطة كلام فخطبة فزواج وعليه يكون الوقت المناسب هو الوقت الذي يستطيع فيه المحب الزواج ممن يحبها(في نفس هذا الوقت )حتى لايضطر إلى طلب هذه التضحية .
أرجو إني مكنش تقلت عليكم بس كلامي ده من تجربتي الخاصةوتجربةواحد حبيييييبي جدا.
البوست جامد يابطوط وفكرنا بالذي مضى
شكرا على سعة الصدر

wafaa يقول...

تصدق فعلا آن للقلب الجريح ان يستريح

عصفور طل من الشباك يقول...

الفكرة حلوة أوي

أسلوبك مؤثر

وشعر نجيب سرور معبر جدًا

Mahmoud البطراوى يقول...

شكرا لكل تعليقاتكم يا جماعه ... والله معرفتش ارد عليها
بس بجد شكرا على الكومنتات

Zika يقول...

زي المخدرات
هي أول شمه بس وبعد كده بتروح تجري عليه
انا عارف ان التعبير مش في محله بس هي دي الحقيقه

موقع جوجو الشامل يقول...

ررررررررررررائع

بس بجدد بوست جاكد جدا

من مزكرات فتاة يقول...

تصدق انا زعلانه منك اوى
طب ماانت طلع ليك ف الفضفضه بالفصحى اهو
امال ازمتنى ليه وقعدت تقولى الفضفضه بالفصحى غبيه ومش عارف ايه
ع العموم استمر
حييجى منك برضه
سلام
مرمر