2010/05/18

انا مش هفرح فيك

كنت قاعد معاه فى كافيه ,, سرحان وتايه وكل تلات دقايق يبص على موبايله ,, كل اربع ثوانى يلعب فى الكونتكت ليست ,, كل خمس ثوانى يدخل على الصور ويتنح شويه . لحد ما حسيت انى قاعد ادامه زى ما أكون هوا.

**احم احم؟ معاليك يعنى مش جايبنى وعاوز اخرج يا محمود عاوز اخرج يا محمود عشان اشوف شكلك وانت بتتفرج على ام الموبايل.

(اتنحنح كده نحنحه متعجبكش يا مولانا وفضل يتكلم)

اتفقت انا وهى منتصلش ببعض فى الفتره دى ومن ساعتها وانا مش عارف ايه اللى بيحصلى.

عارف يا محمود؟! انا كتير بسأل نفسى انا بحبها ولا لأ؟