2008/12/01

اهو كده وخلاص

فى ايه يا عم انت؟؟ ما تتلم بقى كده وتفوق .. هو كان حصل ايه يعنى؟؟
تعرف انا بدأت اتخنق منك بجد .. كدبت كدبه وصدقتها .. ثم بفرض ان كل الى بتقوله صح لما يبقى يحصل ابقى ازعل .. انما زعلان على حاجه مش اكيده ولسه فى علم الغيب وكمان مش هتحصل قبل سنه كامله؟؟



لا والمصحف ان كده مش بطوط الى اعرفه طول عمرى .. انت بطوط بتاع زمان بذمتك؟؟
خايف من حاجه مش بايدك فى كل الاحوال .. ويا عالم
ثم تعالى هنا يعنى انت عملت كل الى وراك وفكرت فيه اوى يعنى وعندك فراغ من التفكير قلت افكر فى مشكله لسه ياعالم هتحصل ولا لأ ولو هتحصل مش قبل سنه من دلوقتى
انت يا عم انت تعرف حاجه فى الكرون ولا السرجرى؟؟ دا انت حتى متعرفش هيذاكر منين السرجرى ده
طب بلاش دول تعرف حاجه فى الاندور او البروسيزس؟؟ على فكره يا معلم تالته ورابعه سنه واحده يعنى معاليك هتمتحن على كتب تالته ورابعه كمان وانت عمال تشيلى هم السنه الجايه
يا شيخ روح كده دا انت تقرف والمصحف
ولسه الاكس راى امتحانها بعد العيد .. والبيدو ... بس بس بس دا انت تحبط
عايز ايه ياد يا بطوط؟؟

عايز تعرف المشكله الى احتمال تحصل السنه الجايه هتتحل ازاى؟؟
هى هتبقى مشكله لو حضرتك شلت اى ماده اوبح؟؟
هى مش هتبقى بس مشكله هى هتبقى مشكله منيله بستين نيله حضرتك
يعنى تتلم بقى وتبطل تشخبط فى الكشاكيل والكتب بتاعتك كل ما ربنا يهديك وتيجى تذاكر ال ايه بتحل مشكله لسه محصلتش ولا انت عارف هى اساسا مشكله ولا لأ


لا والى يموت من الضحك انك رايح النهارده تشوف كتب الزماله؟؟
الطم على وشك .. طب زماله ايه والنبى وانت لسه وراك هم ما يتلم فى الكتب الى عندك
واد يا بطوط اتلم ابوس ايدك خلينا نخلص
انا لسه فى كلام كتير عايز اقولهولك بسبب الموضوع اياه ... بس انا مش عايز اسيح لك بس لو فضلت سايق العوج ده همسح بكرامتك البلاط
لانى زهقت منك بجد
انتهى وجتك القرف


هناك 24 تعليقًا:

AHMED SAMIR يقول...

روق روق يا عم محمود
مفيش حاجة تستاهل
دة العيد فرحة

غير معرف يقول...

يا بطوط ارحم نفسك



اللى بيكلمك دا عنده حق


بس بالراحة .. بطوط ماسيتحملش كدة


بطوط شاطر ..و هايرتب افكاره .. و يحدد اولوياته ..ويتوكل على الله ..و ياخد خطوات مظبوطة
ببساطة عشان هوا دا بطوط


يا محمود .. ارحم بطوط شوية

مها يقول...

يا ابني انت طيرت البرج اللي فاضل عندي

وطبعاً أنا مع "بطوط" العاقل الرزين اللي بيحاول يقنع "بطوط" القلقان فحت قبل الهنا بسنة وبيحاول يفهمه إنه لا داعي للكلك إتلاكاً ..

السنة دي يا بطوط تكون اختفت فيها قارات وظهرت قارات .. سنة بحالها يا افندم .. 365 يوم حضرتك..

واخد بالك حضرتك؟؟؟


تذكر: أنت في معية الله الذي لا يضر مع اسمه شيئ فى الأرض ولا في السماء
فاعقلها وتوكل

mohamed ghalia يقول...

ايه ياعم متفوق كده مالك بس
الى انكسر يتصلح
ركز فيما بقى يا حبيب قلبى
بالتوفيق يا اغلى الناس
هدعيلك متخفش عشان تعرف بس انى أحسن منك مش زى ناس بتعمل أجنور
بالتوفيق يا مان

هبة المنصورة يقول...

بص يا بطوط طالما وصلت لمرحلة إنك بتكلم نفسك وزهقان منها وبتحاول تعقلها فلاداعى للقلق.. ده مؤشر كويس

كلنا بنمر بالمرحلة دى ويمكن أسوأ منها كمان.. اختار حد من صحابك يعينك ويشجعك ع المذاكرة- بتفرق أوى لما يكون جنبك حد قلبه عليك + صوم وادعى من قلبك- ده احنا ف أيام مفترجة.. وربنا كبير

ومتنسناش ف دعواتك :)

صيدلانيه طالعه نازله يقول...

معلش يا بطوط الهلاوس دى سببها رغبه اكيده فى التميز و انشاء الله حتختفى كل ما تزاكر و تركز اكتر
ربنا معاك

غير معرف يقول...

I pray for this heart to be
unbroken


):

انا حره يقول...

ايه يابطابيطو بقيت بتكلم نفسك

انا كمان ف اخر سنه كنت مرعوبه احسن اشيل حاجه اوبح هههههههه مع انى عمرى ماعملتها بس هوا فوبيا اخر سنه دى

شد حيلك كدا وخليك اد المسؤليه دى وان شاء الله هتعدى على خير

بس بلاش تكلم نفسك كتير كدا بعدين انت عارف اخرتها

غير معرف يقول...

السلام عليكم
ايه يا عم انت ما تفوق لنفسك شوية بقى وفكك من الحوارات اللى انت شاغل نفسك يها دى
ركز بقى شوية فى حاجة تنفعك ولا هتفضل كده على طول إيه ده ده انت راجل بجد بقيت تخنق بشكل....
"إيه بهيص فى وسط الهيصة فى حاجة؟!!"
ههههههههههههههههههههه

كل سنة وانت طيب يا عسل
يلا سلام يا حبيبى

غير معرف يقول...

السلام عليكم تانى
انا طبعا رحت اقرأ ردودك على كومناتى اللى فى الموضوع اللى فات
مين بقى اللى هيتقطع بقى
على العموم لولا ان انا بس ليه مديهملك فوق فى وسط الهيصة كده كنت وريت حضرتك نضافة ارضية البلوج هههههههههههههههههههههههه ايه رايك فى التعابير الجامدة دى
بجد ضحكتينى جدا يا حوده من الردود بتاعتك وبتاعت مها
دمت لنا بكل خير يا عسل وأحبك فى الله والله العظيم ومن غير حلفان والله العظيم

يلا سلام والله العظيم........!!!
(سامعك بتقول ايه الواد المجنون ده ماشى لما أشوفك بس!!!)

غير معرف يقول...

it is the fact iam happy u can see it now please cocentrate on ur study that is what u shoud do now just studing and loving me offcoures

رئـــــيسـة حزب الأحلام يقول...

ايه الحالة المنيلة دى يابطوط
اهدى كدة وصلى على النبى
بس حلوة المواجهة دى
بس اوى تسيح لبطوط خليكوا اخوات والعبوا مع بعض
ربنا معاك وكان الله فى العون

غير معرف يقول...

batoot

e7m e7m


watch up the comment from "3'ir m3roof"


who's that "3'ir m3roof"....huh?0


D:


(winks)

غير معرف يقول...

دعتلى انبارح قبل الغدا ولا لاء
ماعلينا شكلك نسيت

المهم حلو البوست ده كمان....مش بقولك انك داخل فى مرحله جديده فى الكتابه
اسمع بقى كلام هيليوم بتقولك انك شاطر وبتسمع كلام ماما وبتنام بدرى وبتشرب اللبن ومش بتغيب م المدرسه والميس بتاعتك شكلها راضيه عنك

عقبال ماربنا كده يكون راضى عنك وعننا جميعا

ابقى فكرنى احكيلك قصه تشبه الوضع بتاعك ده اوى...يمكن تاخد منها فكره تحل مشاكلك

غير معرف يقول...

الا صحيح فعلا مين غير معرف ده؟؟؟

هبنولا يقول...

شوف يا عم البطوط
من كلامك كده فهمت ان سيادتك دكتور باعتبار ما سيكون
ودي انا عرفتها لوحدي بالرغم من ان دي اول زيارة لمدونتك العامرة
وده من كلمتين فهمتهم وهما سيرجري واكس راي
وده مش عشان انا ضليعة في قواعد اللغة الانجليزية
ولكن بحكم قعدتي اليومية قدام جرايز اناتومي واي آر
واهو الواحد بيطلعله بكلمتين ينفعوه
ولكن ابوس ايدك وسماعتك وديل البالطو الابيض
تذاكر كويس عشان الواحد بقى مش لاقي دكاترة عدلة يروحلها
ربنا يوفقك

اقصوصه يقول...

loooooooool

التدوينه جميله

والاجمل منها عاد

خيارات الاستفتاء

صراحه انته فنتك خخخخخخخخ

كل عام وانته بخير

تقبل مروري من هنا :)

بنت الغربة يقول...

محدش يجسب سيرة الخنقه لان محدش يعرفها قدى - اذا كنت انت بطوط ومخنووووق انا اعمل ايه - زورونى تجدوا مايخنقوكوا انتم والى معاكم -تحياتى

مها يقول...

كل سنة وأنت أسعد وبالك مرتاح وفي منتهى النجاح


وحشتنا يا بطوط والله على ما نقول شهيد

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

مهرة سالم يقول...

كــــل عـــام وأنـــت بخيــر ..
وعيد سعيد يا بطوط..

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

HeBa يقول...

كل سنة وأنت طيب يا محمود

عيد سعيد عليك

غير معرف يقول...

قلت اجى اهنيك هنا بالعيد طالما مش عارف اوصلك خالص

كل عام وانت بالف خير يا عسل
`'•.¸ (`'•.¸*¤* ¸.•'´) ¸.•'´)
♥*** عيدكم سعيد ***♥
***** عليكم*******
***والعيد الجاى***
**بالأقصى**
(¸.•'´ (¸.•'´*¤* `'•.¸) `'•.¸)

ويلا سلام