2012/03/30

بيبى فى البوتى

كل ما اشوف اختى وهى بتعلم بنتها تقعد على البوتى اقعد افتكر سيناريو الحياه الطويله اللى الواحد مر بيها ... الحياه صعبه بكل ما تعنيه الكلمه من صعوبات.
ريم بنت اختى سعيده وهادئه لا يشئ سيعكر مزاجها فى الايام المقبله سوى طريقه الجلوس على البوتى ... ما الدافع لها لتجلس على هذه اللعينه اللتى كانت تسمى اصريه فاصبحت تسمى بوتى .. حياتها كانت اريح .. اليوم عليها ان تتحمل شئ من اثنين ... اما ان تتخلى عن راحتها وهى تمارس حقها الطبيعى فى ابيبى آمن  ... واما ان تتحمل نظره امها  , وزعيقها , وربما ضربها.
الحياه صعبه جدا .. جلست مع ريم حاولت ان امارس دور الخال الطيب ... شرحت لها ان الحياه ستزداد صعوبه وانها يجب ان تسعتد للصعوبه من هذه اللحظه ..
 "وبعدين انتى ليه مكبره الموضوع يا ريم .. البوتى شكلها حلو .. اصلا كون اسمها بوتى مش اصريه مشجع جدا على الجلوس عليها والاستمتاع .. طب انتى عارفه الحياه هيبقى فيها ايه تانى؟!!" 
ريم بنت اختى تستمع دائما بإنصات يفوق الوصف ... الوحيده فى هذه الحياه التى تستمع لى بهذا الانصات ... تتركنى حتى انتهى من كلامى ... تبتسم "وتقول ماسى" ..
 اذا رأت اننى لم اقتنع فستستعين بلغتها الام " الصينيه القديمه"  لاقناعى اكثر .. " تع لع يوع يونج هانج توب صاح لووو مان شينج .. ماسى؟" وانا عشان مابنش عبيط يعنى لازم اقولها ماسى .
جلست معها لاحكى لها اننى اليوم اخر يوم لى فى ال24 وغدا سأكمل ال25 عاما بالتمام والكمال .. طوال هذه السنوات تغلبت على مشاكل " بحجم مشكله البوتى" وباحجام مقاربه ... ستتغلبين عليها يا حبيبتى حتما .. واستعدى لمشاكل اكبر فى الحياه .. اعدك ان اكون بجوارك فى المره القادمه .. ربما سأستطيع ان اساعد اكثر فى المره القادمه ..الان عليك ان تواجهى قدرك وتعتادى على البوتى... واتركى خالو يواجه ما سيفعله فى عامه ال25 الذى اوشك على البدأ :(
وتمنى لمصر حظ سعيد فى جلوسها على البوتى بامان هى الاخرى :)
هاتى بوسه كبيره وحضن لخالو بقى
تركتنى دون رد .. ولم تعطنى الحضن ولا البوسه فقد كانت تحاول ان تجد حلا لمشكله البوتى المؤرقه

هناك 8 تعليقات:

P A S H A يقول...

كل سنة وأنت طيب وبألف خير وصحة وسعادة وإن شاء الله عام سعيد تحقق فيه كل ما تتمنى
:)

موناليزا يقول...

كل سنة وأنت طيب :)

شمس النهار يقول...

كل سنة وانت طيب وبخير وصحة وسعادة

ومحقق كل احلامك

وربنا ينبت بنت اختك النبات الحسن

عمرو يسرى يقول...

كل سنه وانت طيب وعقبال 100 سنه سعاده وراحه بال

Noha Saleh يقول...

كل سنة وانت طيب:)

نبض اسكندرية يقول...

:))
حقا انها مشكلة ضخمة فى زمن امتلاء بالبوتى

قلبى معاكى ياريم
ومعاك يابطوط فى عامك الجديد :)

MindEktomia يقول...

دكتور محمود--
بغض النظر عن التدوينةدى واللى انا مش فاهم منها حاجة ..اسمح لى اقولك انى قرأت كل تدويناتك اللى قبل كده وقرأت بعضها كذا مرة :)
فى اوقات كتير كنت بتعبر فى الوقت اللى انا مش قادر اعبر فيه ..
قولى هو انت بطلت تكتب ليه ؟

غير معرف يقول...

بوست عسول زيها و زيك يا بطوط :)
كل 25 سنه وانت احسن و اكبر