يارب انا عارف ان فى حاجات غلط كتير اوى انا بعملها .. ومكسوف اوى من نفسى ..بس والله يارب انا نفسى اقدر اتوب عن الحاجات دى .. ونفسى كل الحاجات الغلط دى تتصلح .. او اقدر ابطلها... وبحاول اعمل حاجات صح كتير يمكن تقلل الغلط دا.
يارب انت العالم ان قلبى متعلق بشويه حاجات غلط يمكن مش قادر اسيبهم دلوقت .. بس والله برضه قلبى متعلق بشويه حاجات صح
انا قلبى فيه خير وشر .. يارب كتر فى قلبى الخير وامحى منه الشر.
يارب انت الوحيد اللى قادر انك تصلح كل الاوضاع الغلط .. فى ايدك قلبى وقلوب البشر كلهم ...يارب اهدى قلبى وقلوبهم واصلح لى حالى.
يارب انا ضعيف اوى .. وانت القوى .. اصلح لى امورى وخدنى فى طريقك .
يارب بحق ما بتستر عليا وانا بعمل الغلط .. وبحق النعم اللى انا متغرق بيها وفيها بأمرك .. تم نعمتك عليا يارب واهدينى وساعدنى انى معملش حاجه غلط.ِ
يارب اغننى بحلالك عن حرامك .. يارب اغننى بحلالك عن حرامك
هناك 4 تعليقات:
اللهم امين اللهم تقبل
السلام عليكم
اللهم امين
اللهم امين
million like !!
اللهم امين
إرسال تعليق