لو كنت من الناس الى ابتلاهم ربنا والنت باظ عندك او لاى سبب بقيت تدخل النت من سيبر فالبوست دا هيعبر عن حالتك جدا ... اما اذا كنت من الذين انعم الله عليهم بنعمه نت فى البيت فانت هتعرف قيمه النعمه دى ..وهتصلى لربنا تمن ركعات شكر على النعمه دى كل يوم
وانا واعوذ بالله من كلمه انا فى الكام شهر الاخارى دول لفيت على سيبراتك يا مصر وشفت
السيبر الى انا فيه دلوقتى اسمه فلكانو .. وانا مسميه افريكانوا ومعلق معايا اسمه كده
اجمد حاجه فيه ان فى ناس افارقه كتير جدا .. وناس مصريين ... ومن السيبرات القليله نسيبا الى بيبقى فيه بنات ) انسات ومدامات
وكل واحد فيهم مثير للضحك بطريقه معينه
واجمد حاجه ان المعظم بيتكلم ميك .. ولأن انا من النادر جدا ان احط الهيدفون فى ودانى - لانى مبكنش بسمع حاجه - فبستمتع بالاستماع للصوات المتداخله والمتضاربه .
جميل جدا لما تبقى قاعد وبتسمع اصورات بكل اللغات ... وخصوصا الافارقه الى ببقى مش فاهم منهم اى حاجه
من الذ الحكايات الى حصلت لى واحد مره كان قاعد جانبى .. وكان فاتح مواقع مش ولا بد ... ولان الاداره هنا بتمنع فتح المواقع دى فالراجل كان عامل فكره لذيذه ... مصغر الشاشه على الاخر .. وبيشوف بالمسطره حته حته لغايه ميكون الصوره فى ذهنه
المهم انا شفته ... فميلت عليه وحطيت ايدى على رجله كده وقلتله ...
أل هو جوجل مش بيفتح ليه .... مش عايز اوصف لكم شكل الراجل بعدها .. انا خفت يموت وشه احمر وارتبك وقفل الشاشه بور من الربكه
فقمت قلت له بكل غلاسه .. لأ خلاص فتح اهو شكرا
الراجل تلات دقايق ومشى .. اظن انه قطع الخلف بعدها .. احسن يستاهل
*******
بنت مره كانت بتعمل شات فى السيبر .. والبنت بصراحه قمر .. بس أمر بالستر يعنى.. هى استغفر الله العظيم اقول ايه المهم وحشه جدا
كانت بتشات مع ولد .. ميك .. انا قاعد فى وشها وتقريبا الوحيد الى شايفها لان الراجل بيحاول يحط البنات فى اجهزه مش مكشوفه اوى
المهم صوت البنت بجد ما شاء الله حلو جدا .. وانا سامع الناس كلها عمال تتلفت وبتحاول تشوف مين البنت الى صوتها وااااااااااااااو دى المهم بقى انا الى ودمها وعارف
- وكله بيحسد العبد لله انه فى وشها - والعبد لله بيحسد الكل انهم فى ضهرها -
بتكلم واد شات .. والظاهر انه زى الناس فى السيبر مشفهاش قبل كده ...
كلامها معاه ودرجه افورتها توحى انه عمره ما شافها
وده درس لازم يتعلمه اى شاب او فتاه وهو بيشات .. لو يهمك موضوع الشكل ... او لو الكلام اوفر .. انصحك تشوف الى بتكلمه ... او تستغفر ربنا من الذنب ده - لان كفارته صعبه اوى لو معايا صوره للبنت كنت عرفتك اد ايه عقاب ربنا اليم واتعظ يا شاب الموت الى بيجى فى لحظه - لانى شفت بنفسى وكان نفسى اروح اكتبله يا عم حرام عليك روح كلم ابن عمك احسن..... ميبقاش حرام من الناحيتين على الاقل
**************
مره تانيه كان بنت برضه وكانت بتكلم خطيبها ... ودى انا مسمعتش غير جمله واحد وسرحت وتنحت وفضلت مسبهل
البنت كانت بتقول لخطيبها ...اصل انت بعيد عنى انما هو بيقرب منى ... وبيقولى الكلام الى ببقى نفسى اسمعه
انا تنحت وقلت تفتكر خطيبها هيبقى رد فعله ايه؟؟... بس واضح انه كان سبور
****************
الى قاعد جانبى كان بيشرب سجاير .. والدخان كان مضايقنى جدا
المهم هو قالى هو حضرتك مضايق من الدخان؟؟
بصيت له وابتسامه تملا كل وجهى .... مضايق؟؟!! امممممممممم ومرضتش
الراجل فهم ... المهم قفل السياجره وبعد شويه ولع واحده تانيه
وبصلى وقالى .. حضرتك مش مضايق اوى صح؟؟
****************
مغامرات السيبرات اكتر من انها تتكتب فى بوست بس انا دول الى فاكرهم دلوقتى ولنا عوده
دعواتكم لان الانتحارات بدأت وأسف لكل الى مش بقدر ارد على كومنتاتهم ولا بتابعهم بس انتوا عارفين الظروف والسيبرات ... والخ
وشكرا لكل الى لسه بيكومنتوا عندى رغم غيابى عنهم
هناك 25 تعليقًا:
هههههههههههه
ده انت فقري طحن
الحمد لله متحطش في الموقف ده قبل كده
لاني مرحتش سيبرات الا عشان اطبع ورق
ومكنتش مضطره ادخل نت
الحمد لله الذي عافانا يا بطوط
ادي جزاة اللى النت يتقطع عنه
انا الحمد لله عمري ما رحت سايبر بس بتفرج عليهم من برة
وبعد ما قرأت البوست دة حسيت قد ايه انا في تعمة وهاروح اتوضى واصلي ركعتين شكر لله مع دعوات بألا يحرمني من نعمة النت قي المنزل
تحيااااتي
هههههههههههههه الحمد لله ان عندي النت في البيت اصلا بكسف انزل سايبر ومش بحبهم خالص ولو نزلت ببقى مطره جدا حاجه بعملها بسرعه وبطلع بس ربنا يكون في عون الي بيعد جنبك في السيبر من التريقه دي هههههههههه
بقى البنت صوتها حلو اوى بقى .. ماشى ياعم
تعرف انا عارفة حكاية السيبرات دى اصلى ف فترة من حياتى كنت مجرباها وفعلا مليانه مصايب تقدر تقول
وربنا يستر علينا جميعا
المدونة كانت وحشاانى اوى ع فكرة..
لا دى نعمه بجد انت بتتسلى اهو يا بطوط يعنى انما انا عندى نت فى البيت يا خويا بس برضه اللى انت فيه تسليه
كان ليا واحد زميلي فاتح سايبر
كان بيحكيلي مهازل
لدرجات مش ممكن تخيلها
في مرة هو وأصحابه تجسسوا على بنت قاعدة بتشيت و كانوا حاسين انها مش على بعضها و هي قاعدة
فلما تجسسوا على جهازها لقوها بتشيت شات جنسي مع ولد لبناني تقريبا
و عمالة تقوله انا في البيت و جوزي مش هنا و حاجات من هذا القبيل
عموما الحمد لله الذي عافانا
تحياتي
هههههههههههههههههههههههههه
موتنى من الضحك يابنى
فعلاً والله بيحصل اكتر من كده كمان
كل واحد وواحده بتكلم زى ما يكون هو لوحده
ف العالم مش حاسس ان فى ناس حواليه :D
ربنا معاك يا بطوط ويوفقك انت وكل اللى بيمتحنوا
وترجعولنا بالسلامة ان شاء الله المهم بس ركزوا :)
هههههههههههه
تحفه
فكرتنى بايام الكليه بس احنا كنا بنروح نملى السيبر كنا ست بنات بنروح مع بعض الصراحه انا كنت بكره الحوار ده بس شكلى هيبقه مش مدرن فكنت بروح معاهم
من باب انى كنت بعرف كل حاجه وانا لكنت بعرف فى النت اى حاجه غير جوجل
:) .. انت سيبرجي قديم ولا ايه يا دكتره .. اخوك عشره مع السيبرات بقالي حوالي ست سنين او اكتر حبه .. ورغم ان استغفر الله موصل وصله من السيبر اللي في شارعتنا ..بس برضه بقي دي ما تقول غوايه اني الف سيبراتك يا مصر .. انت بتقول سيبر افريكانوا .. لا غيره وانزل اتفرج ويا سلاااااام بقي لو رحت سيبرات في الارياف .. اوووف بجد .. D:
ايه ياابنى العذاب ا لنفسي ده
طب تعالى اسكن جنبنا وانا اديلك واصله هههههههههههههههههههه
بس ما تبقاش تتريق على الوحشين كده وحياة ابوك الا تجيب بنت كده وازعل عشانك
انا تنحت وقلت تفتكر خطيبها هيبقى رد فعله ايه؟؟... بس واضح انه كان سبور
جامده موووت بجد القصه دي
ضحكتني اوييي بجد
:D:D:D
loool
سلام عليكم
تسلم ايديك يا بطوط ع الموضوع
ده في حاجات صعبة اوى بتحصل في السيابر بس مهما كانت ارحم من انك تدخل النت بسرعة اربعه كيلو بايت
ندخل بقا ف الموضوع
ازيكم يا شباب المدونخانة
بصوا بقا الاسبوع القادم ان شا ءالله هيكون احتفال بمرور سنة على ملحق تيلي بيزنس
وده المفروض عدد مهم جدا للجريدة لانه بيجمع اهم والموضوعات وينشرها
وبالنسبة لباب المدونخانة بقالنا حوالي 6 اعداد
عاوزينكم بقا تقولوا لينا ايه اهم الموضوعات من وجهة نظركم اللي ممكن نناقشها في المدونخانة وايه مقترحاتكم يلا بقا عاوزين الهمة
هاهاهاهاهاهاهاهاهاها
مواقف تمموت من الضحك
كدا الواحد يحمد ربنا
على الصحة والنت
هاهاهاهاهاهاهاهاهاها
كل سنه وانت طيب يابطابيطوووووووووو
ههههههههههههه فن التدوين السيبراتي
بيس يا دوك
ايه المغامرات الجامدة دي
الحمد لله أنا عندي نت في البيت
ربنا يديمها نعمة
ربنا يوفقك فيي الامتحانات و يكون عام سعيد عليك
هههههههههههههههههههههههههههه
انت تحفة جدا يا بطوط على فكرة
تحفة كبير اوي يعني
ايه ده انا لسة عندي ضحك
هههههههههههه هي هي هي هوهوهوهو هاهاهاهاها
حححححححححححححح
تاني تاني
:)
miro el niro kwaniro
ههههههههههههههههههههههههههههههههههههههههههههههه
الله يكرمك انا سخسخت مالضحك
انت جبت مواقف وطرائف البشر فبوست واحد
الحمدلله.. من غير حقد وحسد لو سمحت.. بقالى كتير ممشيتش جنب سايبر اساسا:D
ربنا يوفقك يادوك وتطمنا عال الانتحارات:)
بطوووووووط ازيك ياضكتور
لسه فاكرني
لا اوعى انا متنسيش
هقولك انا بئى على حاجة اظرف
مرة جربت اروح سايبر عشان كنت لازم اجيب حاجة مهمة جدا من على النت المهم طلع صاحب السايبر عراقي وسنه لا يقل عن 40 سنة بس قمر قمر قمر .. اللهم اخزيك ياشيطان
المهم كانت المرة الوحيدة اللي روحت وكان معايا وحدة جارتي .. الراجل مؤدب بس جارتي اللي مكنتش ولابد
المهم ايه كل يوم اتصل بالبت انتي فين يامنيلة انا عند عمو القمر(مع انها عندها نت في بيتهم)
تاني يوم انتي فين يازفته انا عند عمو العراقي وهكذا
لحد ما فمرة قابلته في سوبر ماركت لئيت الراجل بيقولي على فكرة في وحدة جت معاكي مرة بس ياري تفهميها اني زي والدها
كان هيغمن عليا يابطوط .. من ساعتها حرمت اروح
السلام عليكم
يخرب عقلك يا بطوط
فعلا النت ده نعمة..
لكن للملتزم بس
ولو انا باكتب حاجات غير الأشعار كنت وريتك أمثلة كتير من الموت على المعصية
والعياذ بالله
ربنا يثبتك على الإيمان و يحسن خاتمتنا جميعا
ويديم علينا نعمة النت مادمنا ملتزمين..
ولو الشيطان ح يلعب بدماغنا..؟؟
يبقى|...اللهم إقطع عننا النت إالى أن نقوم أنفسنا
سلاليييييييييييم
هههههههههههههههه
يخرب بيت كده
في ايه يا حاج
قال انت بتبعد عني وهو بيقرب مني
لا ده فعلا سبور سبور علي الاخر يعني
انا فعلا جربت موضوع لاسيبر ده كام مرة كده جنب الجامعة
صراحة تحس ان قاعد علي حجر الناس اللى بيشيتوا
وواحدة برد كانت ببتخانق مع جوزها خناقة كبيرة بسبب حماتها وهو بيني مسافر
مبقتش فهمة دي عادي ده ولا كده وكده
بس انت كده اكدتلي انه عادي عادي
شد حيلك في الامتحانات وبطل دخول علي النت من التليفون
هه
ركز
hehe gmela awiii
هههههههههههههههههه
ربنا يهدي
انا مااعرفش السيبرات واللي فيها وعمري ما دخلت بس اللي انت بتحكيه مهزله وانت قاعد رامي ودنك وبعدين حتى لو النت قطع او مافيش نت ننزل سيبر نعمل ايه مالهوش لازمه من وجهة نظري
بس فعلا النت عالم تاني وله دور حيوي في مصر جدا خصوصا لأن أغلب المصريين مسافرين والهجره
love this post beyfakrny ayam lama kont baro7 el cyper we asma3 wa7da betkalem khatebaha we bet2olo aklt eh el naharada ya7abiby we meen ghasalak hedomak
ana kowayessa we akalana koshary el nahrda
hope u visit my page
http://a-normal-egyptian-guy-diary.blogspot.com
ههههههههههههه
الصراحة مواقف تضحك بجد
انا عمرى ما دخلت سيبر لانى بتكسف ادخلة عشان بيبقا فية شباب كتير
بس افتكر مرة واحدة بس اللى دخلت سيبر بس كان سيبر تقدر تقول كويس كان فى مول كمببيوتر
كنت حاسة انى غريبة كدة مش عارفة ابص حواليا بس فى واحد كان فى الكمبيوتر اللى جمبى خلانى ضحكت بجد اوى واستغربت كمان كان بيعمل شاتنج مع اتنين واحدة بيكلمها كتابة وفاتح كام ويب والتانية مايك وكان شغال يقولهم كلام زى ما بيقولو الشباب كدة يعنى تثبيت سورى وانا شايفة كدة ودة كان موقف مستغرباة جدا لدرجة انة لفت نظرة انى بضحك علية لانة منظرة هو نفسة كان يضحك مووت وفى عقل نفسى بقول ياترى اللى بيكلموة دوال لو يشوفو شكلة وجمالة وهو بيكدب عليهم كدة ههههههههه اساسا كان يضحك
إرسال تعليق