2008/08/08

هى

فى الحقيقه ورغم كل شئ فـ أنا مدين.... لكى بتلك المشاعر التى ما اكتشفت قدرتى على اخراجها .. او حتى امتلاكى لها الا معك

رغم كل شئ فـ أنا مدين لكى.... بتلك اللحظه التى قلتى لى فيها "بحبك " و " انا بموت فيك اساسا" وتلك اللحظات الى رددتى على كلمات الحب التى قلتها لك متلعثمه من فرط الخجل بـ" وانا كمان
رغم كل شئ فـ أنا مدين لكى .... بتلك الرعشه التى كانت تتنتشر فى جسدى كله حين- كنت- اراكى من بعيد
رغم كل شئ فـ أنا مدين لكى.... بلمحه التفاؤل والثقه التى كنتى تبثيها فى بين الحين والاخر.. ذلك الامل والتفاؤل الذى لا ادرى لماذا تلاشى عنك رغم انك من علمته لى


رغم كل شئ فـ أنا مدين لكى  ....بلحظات بكاؤك امامى وانا عاجر ان اضمك فى صدرى .. ذلك العجز الذى كان يتحول لطاقه من الحب والعمل ربما دامت لوقت

رغم كل شئ فـ أنا مدين لكى .....بمشاعرى البكر التى شعرت وكأنى اطير فوق السحاب .. تلك المشاعر التى ما شعرت بها ع احد غيرك


رغم كل شئ فـ أنا مدين.... لتلك الاماكن التى شاهدتنا معا .. تلك الشوارع التى احتضتنا حينما كنا نريد ان نبتعد عن الانظار من اجل كلمه " احبك" بدون خجل

رغم كل شئ فـ أنا مدين .....لرسائلك المعطره التى علمتنى الحب .. ومكالماتك التى كانت تمحى عنى الحزن وتضع اسمك مكانه .. كأنه وشم السعاده الابدى 


رغم كل شئ فـ أنا مدين لابتسامتك التى -كان - يكفى ان اتذكرها لانسى كل هموم الحياه
رغم كل شئ فـ أنا مدين لكى...  بفهمى لمعنى الحب 

رغم كل شئ فـ أنا مدين لكى ....... بتلك المشاعر التى شعرت بها وانتى بعيده عنى .. مزيج من الحزن والامل والرغبه الجامحه
رغم كل شئ فـ أنا مدين لكى .....  بتلك الليالى التى سهرت فيها على امل ان اقول لكى مليون بحبك وعلى امل ان تقوليها لى

رغم كل شئ فـ أنا مدين لكى ...بكونك حبى الاول .. حتى لو كان الحب الاول وهم كبير .. فانا مدين لك بوهمى الكبير
رغم كل شئ فـ أنا مدين لكى   ....بتلك المعانى التى دخلت فى قاموسى ..وتلك الفترات التى مررنا بها معا .. مدين لك بالصداقه التى نشأت بيننا اولا .. بالحب بكل درجاته التى مررنا بها .. بدايته , فتوره ,عنفوانه , حماقاته , صوابه , خطئه , بتلك الرغبه ان اضمك بين ذراعى , او حتى ذلك الجفاء الذى يحدث بدون مقدمات , بالرغبه فى البكاء بين يدك , بالشعور بانى اقوى رجل فى العالم , بالخلافات التى نشأت بيننا , وبلحظات السعاده التى مرت بنا , بالاخلاص .. وحتى بالخيانه مدين لك بكل هذه الاشياء التى مرت بنا او مررنا نحن عليها

رغم كل شئ فـ أنا مدين لكى .... بلمسه يدك ..بجلوسك بجوراى متمنيا ان تتلاشى المسافه التى بيننا

رغم كل شئ فـ أنا مدين لكى ...... بكل الاخطاء التى  حدثت .. بكل الاشياء التى لم تحدث وبكل الاشياء التى تمنيت ان تحدث
رغم كل شئ فـ أنا مدين لكى .... بذلك الندب الذى سيظل فى قلبى الى الابد .. بتلك المشاعر التى اشعر بها الان من جراء خيانتك .. وبذلك الامل الذى يراودنى حين افكر هل سأستطيع ان احب اخرى كما احببتك؟؟
رغم كل شئ فـ أنا مدين لكى....  برغبتى ان اكتب فيكى شعرا اغوص فيه بداخلى لأبحث عن معنى جديد يصف حبى لكى فى لحظه عنفوانه .. مفرداته بعيده عن فلسفه النحويين .. وجمله بليغه بمنطقى انا لا بمنطق البلاغيين .. ورائقه كعينيكى .. منهمره كدموعك التى كانت تعتصر قلبى .. كلماته بعيده عن الواقع الاليم  , يصفك حتى يعرفك الناس كما كنت - اظن - انى اعرفك .. ليشعروا بالسعاده التى - كنت - اشعر بها وانا معك.... وفى النهايه اتمنى ان اسمعهم وهم يصفقوا لى بعدها
رغم كل شئ فـ أنا مدين لكى .... بتلك الدمعه التى تحبسها مقلتى.. تلك الرعشه التى فى صوتى .. وذلك الحزن الذى فى قلبى ..من يوم رحلتى
رغم كل شئ فـ أنا مدين لكى ....بتلك الحيره التى تنتابنى حين اسأل نفسى لماذا؟؟ 
لماذا رحلت حتى دون ان تُشعرينى انك قاومتى ؟ دون ان تُشعرينى انك كنتى تريدينى؟؟ دون ان تشعرينى انك لست خائنه
رغم كل شئ فـ أنا مدين لكى .... باحتلالك قائمه اخطائى التى احببتها ولو عاد بيا الزمان لكررتها كما هى
ورغم كل ما قلته .. فـ انا لست مدين لكى باى شئ
ورغم كل قلته ...فسأنتظر حبا جديدا .. يضحى ويخلص ويأمل كما سأضحى واخلص وأعيش بهذا الامل له
ورغم كل ما قلته .. فـ انا لا اتمنى عودتك  
بعض الاصدقاء الى بيتابعوا مدونتى مش فاهمين ايه حكايه البوست الى فات واكيد نفس السؤال هيكون عن ده بسبب .... بوستات قديمه كتبتها عن قصه نهايه حبى
الموضوع ببساطه انى ممكن اكون بخلط بين الواقع والخيال .. وترتيب الاحداث فى المدونه مش شرط يكون مطابق للواقع .. رغم انه مطابق بس عشان اقول ازاى هحتاج لشرح طويل
على كل الاحوال الى بكتبه هو شعورى فى اللحظه الى بكتب فيها وبس

عارف اخر تسع بوستات كتبتهم كانوا اقل بكتير من بوستاتى قبل كده - فى حد قالى كده - وخصوصا انهم خدوا طابع شخصى حزين وبمعالجه سيئه 
انا اسف بجد وان شاء الله كل الامور تتصلح


هناك 13 تعليقًا:

أحمد (زوج مخنوق سابقا ) يقول...

بجد يا بطوط احلى حاجة في الحب الاول ده انه بيبقى بكر
و رغم انه نادرا لو كمل و في الغالب ما بيكملش لزواج يعني
الا انه بيفضل ذكرى حلوة
حاول ما تخليهوش يأثر عليك كتير
تجربة انت خضتها
بحلوها و مرها
عدت و ده الطبيعي
فكر في ايجابياتها
و تناسى سلبياتها
لغاية لما ربنا ينسيهالك فعلا

تحياتي

جمعاوي صاحب "عيادة أسنان" يقول...

السلام عليكم حبيبى وروح قلبى من جوه اخى بطوط
تدمع العين

ويعتصر القلب من شكواه

تهفو الروح وترفرف وتتأوه اه واه واه

والله اعانك الله يا بطوط

اعانك الله..على الذوبان الذى اراه منذ حدث ما حدث

اعانك الله..على الهم الذى اراه بعينك منذ حدث ما حدث

اعانك الله..على الضحك اللى من غير نفس الذى تضحكه وكانك تضحك على نفسك

اعانك الله..على المشاعر التى شعرت بها ومازلت تعانى منها بعد ما حدث

ولكن رغم كل ذلك..انت راجل ...ولن اقول اكثر من كلمة رجل

ولكن رغم كل ذلك..لن تتوقف الدنيا فما توقفت لمن سبقوك حتى يتوقف سيرها لك

ولكن رغم كل ذلك..لا تتوقف عن الحب ولا تزهد فيه فوالله ما زهد فيه ادم ولا اى بنى ادم

وبعد كل ذلك..احرص على الا تجرح قلبك ..فلو قلبك مش غالى عليك فاعلم انه غالى عند غيرك..

وكفاية علشان هجيلى جفاف من دموعى

يلا سلام يا وله....
سلام يا حبيبى

نهر الحب يقول...

السلام عليكم ورحمة الله وبركاتة
اهلا محمود
قصة فيها براءة الحب الاول وجماله
وبين مرارة الفراق وحيرة المحب لما ؟؟
اشياء لا يستطيع احد الاجابة عنها او معرفة كامل حقيقتها لكن عجبنى جدا لحظات الامل واصرارك على الاستمرار وفقك الله
ورزقك ما تتمنى
دائما ما تأتى الرياح بما لا تشتهى العشاق !!

تحياتى لك

عصفور طل من الشباك يقول...

مش عارفة ليه الحزن ده كله يا محمود؟

الحب زي أي حاجة تانية بتنتهي ولازم نقوى ونكمل بعدها

زي صداقة ممكن تنتهي
أو أمل كنت عايش عليه من زمان
او حلم يتقلب كابوس

أو.... أو...

الحياة فيها من ده كتير هونها هتهون، وثق إن ربنا هيعوضك بحب أجمل وأكبر

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب
-----------------

حاسوباتيه يقول...

ساعات الزمن مش بيوفق بين اتنين بس عارف فعلا بنكون مدينين للشخص ده بحاجات كتير قوي يمكن اه بنحب تاني وبنعيش تاني والحياه بتستمر بس بتكون مدين ليه بكل المشاعر دي المشاعر الاولى
ربنا يوفقك يارب وتصلح الامور زي ماقولت

bentulmuslimeen يقول...

مش هقول غير حاجتين

الداعى كبير اوىىىىىىىىىىىىىىىىىىىىى

يا بطوط

يا حبوب


و

كان لازم ايماااااااااااااان ؟؟؟؟؟؟؟؟؟؟؟؟؟؟؟؟؟؟؟؟؟؟؟

عاااااااااااااا

صبرني يارب يقول...

بص ياعم بطوط انا كلامي مش هايعجبك ولا هايعجب نص البلد لا قول كلها الا كام واحد كده

بس انا يا استاذنا اقول الحق لو على رقابتي من غير ما اقل ادب على حد طبعا

المهم انا اساسا شايفه ان علاقات الجامعه من حب وماا لى ذلك من اساسها مش صح

لييييييه قولتلي ليه

اول واهم سبب لانى لا اعتقد فى شرعيتها لانك بتحب بنت وبتقابلها وتكلمها من غير خطوبه رسميه ومن غير طبعا ما يكون اهلها عارفين اهلها دول الى هما ابوها اولا وليها يعنى

وثانيا لان انا شايفه ان ما حدش بيحب غصب عنه_ما حدش يزقل طوب _ اها الى بيحب بيبقى مستنى الحب وبيدور عليه وبيتمناه وما عندوش مانع يدخل حاليا فى علاقة حب ويعنى اشمعن انا ما الشعب كله بيحب على نفسه اهو

والحب فى العمر الى انتم فيه بيكون له مشاكل كتير

منها انك طبيعى طبعا مش مستعد لا تتجوز ولا تخطب وانت طالب
انما البنت طبعاااااا ما عندهاش مشاكل فى كده ممكن تتخطب وتتجوز وتخلف وهى طالبه

يبقى الطرفين في بينهم اختلاف فى الظروف

وكمان منها انكم بتكونوا صغيرين مش فى العقل لا فى السن والخبره مهما كااااااان برضه صغيرين وفى ناس صغيره فى العقل طبعااااا

وده بيوقعكم احيانا فى مشاكل كتير اوي

وكمان لانكم بتحبوا بعض من غيرما تعرفوا عن بعض حاجه تقريييييييبا

الى بيروح يخطب واحده بيدخل بيتهم ويعرف اهلها ويسأل عليهم ويدورها فى دماغه قبل ما قلبه يدق
عشان كده عقله بيشتغل صح

بعد كده بقى يشوف هايحبها ولا هايعمل ايه


انما بالصلاه على النبى انتم فى الجامعه تحبوا بعض خمس سنين مثلا وبعدين تكتشف بقى ان امها مقرفه وابوها مالوش كلمه واخوها فى السجن وعمها تاجر مخدرات

بس كل ده مالوش قيمه المهم الحب يا قلبي
انا لما اتجوزها هاخدها فى عالم بعيد بعيد وحدينا يا حلولي

وانا ما يهمنيش ابوها هو انا هاتجوز ابوها ؟؟؟

والناس ؟؟ ناس مين انا ما يهمنيش الناس المهم اننا بنحب بعض يا حوووووبي

والحركات بتاعة الافلام العربي دي

وبعد كده بقى تنكشف الاقنعه والحب بيتبخر مش عارفه ازاي بصراحه مش قادره افهم ازاي بتحبوا بعض سنين وبعدين هووووووووب مافيش حب وفى محاكم كمان وبلاوي

مش كل الى بيحبوا بعض فى الجامعه بيوصلوا للمرحله دي

لكن صدقنى اكتره بيكون حب مش مظبوط

انا لمست مشاكل كتير اوي فى الموضوع ده مش هاقدر احكيلك عليها حاليا عشان انت صدعت مني

لكن عموما انت اتعلمت كتير من تجربتك دي ياريت تأجل موضوع الحب ده لاجل غير مسمى
لما تكون مستعد انك تدخل فى حب حقيقى كامل مكتمل مش سنسنة فى التليفونات بس

والحب الكامل مش هاتشوفه ولا تعرفه الا لما تتجوز
عشان الحب بيتولد فى البيوت ويعيش فى البيوت

الى مش عاجبه كلامي يروح بقى يعمل الى هو عايزه بس الى هايجى يشتكي من مراته بعد كده ويقولي بعد حب خمس سنين هاعوووووره ماشي عشان اتخنقت منكم

على فكره كنت ناويه اطبط عليك بكلمتين وامشي بعدين لقيتك كاتب ارجوووك قول الى كل الى في نفسك انت الى جبته ده كله لنفسك يا حلو

تحياتي لك وصدقنى هاتعدي

صبرني يارب يقول...

اه نسيت اقولك من باعك باعه ولو كان غالي

ومن حبنا حبناه وصار متاعنا متاعه ومن فتنا فوتناه ويرحم علينا اجتماعه

قشطه كده ؟؟

oRiGiNaL HeArT يقول...

لا بجد البوست دة عجبنى جداااا
تعبير عن الواقع بقى او لاء
كفايةالوصف الرااائع اللى فيه والمشاعر اللى طالعة من القلب بجد
انا مبحبش اعلق على البوستات لرومانسية دى عشان مبفمش فيها:"> بس انا حبيت اقول انه بوست متميز فى راى D:

didi يقول...

اللهم اجعل له من كل كرب فرجا .. ومن كل ضيق مخرجا


قالوا قبل كدا .. اما قلبك يعصرك .. قطعه حتت وارميه للقطط ............ عارفه انه مش هينفع .. بس انت مافيش قدامك حل تانى دلوقتى غير انك تصبر .. وتتماسك .. عشان تعرف تركز وتحقق ذاتك .. وبعدها تقرر تبنى حياتك

ربنا يقويك

صاحب المضيفة يقول...

ربنا معاكي يا صاحبي

كدا الحكاية فيها ان

ربنا يستر ونتأكد الاول وبعد كده لكل حادث حديث يا جميل


ربنا معاك

خديجة عبدالله يقول...

امممممممممممممممم .. طب مدين وفى الاخر مش مدين ؟
ربنا يسعد قلبك يا دكتور بطوط ويرزقك بأجمل وأرق قلب ونيجى كده نباركلك إن شاء الله :)

أذكرك بس بجملة : وتستمر الحياة .........

دى مش اول زيارة ليا ممكن اول تعليق بس إن شاء متكونش الأخيرة ودمت بكل خير