2008/07/27

حلمى القديم



أردت أخيرا أن أتفحص كم الضحايا ... أن ابني لِهم الاضرحه .. أو أسلمهم لأقرب أهلهم .. وابني للباقي نصب اسميه الجندي المجهول


ِِ


أردت أن أتفحص كل شئ بنفسي .. انظر إلى بقايا المائدة المستديرة ..


انظر موقع الجريمة بنفسي لأحاسب المسئول الذي تسبب في كل ما أرى






في البداية كنت أظن أن سلاح الجريمة كان خنجر .. والمجرم راح يطعن به مئات الطعنات بين الضلوع...






حين رأيت الأشلاء في كل مكان فهمت أن سلاح الجريمة كان لغم مزروع






ليكن الكلام أكثر وضوحا فلست أحب الألغاز





فأنا أكلمكم ألان وأنا انظر لأشلاء قلبي






والتحقيق المبدئي أشار إلى انه كان انفجار لغم ...





أهذا يعنى انه كان في قلبي لغم ؟؟!! هل حبي لها كان هذا اللغم ؟؟!! ربما





هل كنت بهذا الحمق لأزرعه – في قلبي – بنفسي وأنا متعمد أن يملأ اكبر جزء من قلبي .. أن يتسرب داخل دمى






التحقيق المبدئي يشير أن بصماتى تملأ هذا المكان






لا يهم .. فألان كما قلت على أن اجمع الأشلاء .. وابني قبر الجندي المجهول


*******************************



أتفحص قلبي – مستودع ذكرياتي – هنا نعم هنا صوره لها وهى تتبسم .. وهى تضحك .. وهى تقول احبك






هنا مكان أحبه جدا فقد كانت تجلس فيه .. كثيييييييير من الذكريات أراها ألان رغم أنى أوصدت عليها الباب جيدا .. لكن الانفجار تسبب في فتح كل الأبواب






مئات الذكريات أراها ألان من قلبي .... مفتوح هو ألان .. مجروح بقدر تستطيع أن ترى من خلاله كل شئ





لذا فقد أحطته بشريط اصفر – كهذا الذي يطوقون به الحوادث – في الأفلام الاجنبيه





يافطة كبيرة مكتوب عليها .. هنا مسرح الجريمة ممنوع الاقتراب


*******************************



أما أنا ففي الداخل أرى وأتذكر ما لا أريد أن أراه ولا أتذكره ... اشعر بالحماقة اننى كنت محتفظ بكل هذا وبكل هذه الذكريات






هنا مكان كبير مخصص لأول مره قلت لها اننى أحبها ... وهنا مكان رائع يتحرك فيه لسانها بقول أحبك





اقرب بعض الصور أكثر .. كم كانت جميله في هذا اليوم .. رائعة في هذا أيضا .. سرقت لبى هنا .. و ...و..و.






لم اشعر برغبة في البكاء ... ولم اشعر بالحمق ولا بالغباء ... كنت اشعر ببعض الشفقة على قلبي ... لكن حين أرى موقف لها – داخل قلبي – ابتسم وأتذكر كل تفاصيله


*******************************


فجأه





اسرح بخيالي إلى ما قبل حبي لها .. أتذكر شيئا مهما جدا





قد كنت في الماضي ارسم صورا لفتاه احلامى ... أتخيلها ..بكل تفاصيلها ..شكل العينين , لونها , شكل الشفاه .. كنت ارسم صورا لكل هذا





كل المميزات التي أريدها .. وحتى كل العيوب






اسأل نفسي






أين هذه الصور؟؟






يفترض بها أنها موجودة هنا في – قلبي – في مكان ما ....... افحص كل الأشلاء ثانيه لكي ابحث عن ملفي القديم .. عن حلمي القديم





كم هو قاسى أن تعيش فقط وسط الذكريات .. حتى بدون أحلام






أفتش عن احلامى القديمة .. فما عدت قادر على صنع حلم جديد .. ليس امامى ألان إلا البحث





ساعات متتالية من البحث المستمر .. لم اصل له ...واشعر جدا بالتعب






يخطر ببالي أن اتصل بها .. فقط لأسألها هل رأت - وهى تجول في غرفات قلبي ذات يوم - حلمي القديم


فهي تعرف هذا المكان-قلبي - أكثر منى






قبل أن اتصل بها امسك قلما .. أحاول عابثا أن اعصر مخي لارسم وجها يشبه حلمي القديم الذي لا أتذكره





أتعمد أن اجعل العينين لا تشبه عينها .. الأنف .. الشفاه.. كل شئ






الصورة تشبهها تماما .. أمزقها .. أعيد رسمها .. مئات المرات.... مغيرا كل تفاصيلها





وبداخلي رغبة جادة أن اصل له بنفسي دون أن اضطر للاتصال بها





لكن لا اعلم لماذا – في كل مره - تشبهها من كل وجه





رغم أنى اقسم أنى متعمد أن ارسم صوره بعيده عنها






اعقد العزم أخيرا أن اتصل بها فقط أرجوها – بحق أيامنا الخوالي ... لا أن تعود لي – فقد صار هذا مستحيلا -.. ولكن فقط لتعطيني حلمي القديم





هناك 47 تعليقًا:

سارة علي يقول...

اااااااااااااااول تعليق ايوة كدة كنت مستنية البوست الجديد
ثوانى اجيب الشاى بتاعى واقرا البوست تانى انا بحجز الاول

سارة علي يقول...

متى مشيت وجدت ملامحك....فى فنجان قهوتى السمراء ..فى ابتساماتك الغضة البريئة ....احاول عبثا تفادى عينيك فلقد صارت جميع الاعين عينيك ....وانهض من مجلسى واغلق الابواب طارد شبح ذكراك...معلقا تلك التميمة الزرقاء ..فاتذكر انك كنت يوما تلك التميمة وكنت انا الحمقاء ......ولكنى اعنى ما اقول حينما اعبث بدوائر الذكريات لاتذكرك فقط مهما طعنت قلبى بخناجر الهجران سيظل فى قلبى لك دوما غفران ......
عارف انت قولت هيبقى بوست حزين بس عارف احساسك صادق جدا عاوزة اقولك طول ما قلبك موجود ومشاعرك نابضة جواة هتوصل لبر الامان حاول تندمج نفسك فى شغلك ومع صحابك واهلك
سورى على التطويل فى التعليق
تحياتى

oRiGiNaL HeArT يقول...

فهي تعرف هذا المكان-قلبي - أكثر منى
يااااااه هى تملكت قلبك للدرجادى
مممممم
انا بيتهيئلى ان لو الواحد هيحب بجد المفروض يعمل زيك يعنى انا معاك انك تحبها للدرجادى
بس عشان متتالمش اوى كدة المفروض فى الاول يبقى فى رقابة شديدة على دخولها قلبك
يعنى تختار صح
وتحت صح دى مليون خط
المفروض تختار البنت اللى انت متاكد انها فى يوم مش هتجرحك ولا تدمر قلبك بالشكل دة
تقبل نصيحة من واحدة لا تعرف شئ عن الحب :) بس العقل بيقول كدة

غير معرف يقول...

وبعدين معاااااااااااك... انت ملخبط نفسك ليه كده... يابنى مادام اخدت قرار اقفل الموضوع ومتسمحش لنفسك حتى تفكر فيه فى احلامك...ده وضع مؤقت وهيزول لما يحل محلها حد جديد ان شاء الله

ممكن كلامى ميعجبكش عشان هوه اقرب للعقل... بس خليه فى بالك

يمكن اكون قاسيه شويه بس الحقيقه انا عمرى مكنت فى وضعك ولا فى وضعها ومتنمناش ان ده يحصل :(

غير معرف يقول...

بقولك ايه

ماتحلم حلم جديد بدل القديم

maha zein يقول...

ليه كده يا بطوط
كلامك تعبني بجد
يعني هو مسني من جوايا لسبب ما
ليه كده بجد
ما تحاول تنسي بقه
خلاص هي مشيت وانت نويت مش تكمل معاها
انساها بقه
اوعاك تتصل مش هيصلح حاجة فى الموضوع وفي نفس الوقت هتندم علي اتصالك
فرفش بقه يا عم
بقولك فرح اختي وحركات
ولا انت ايه
خلاص مفيش احاسيس
وبعدين فين يا جدع النقطة الي في ظرف
يعني ينفع كده
هه
ولا هتعملي نفسك مضايق وزعلان عشان يعني محدش يعرف يكلمك يعني
متفوقلي كده
مينفعش
ومش هقبل
بص يا بطوط انا خلاص وبصراحة نويت اني بقه اضيفك في الفيفوريت بجد
ومش عرفة ليه حسيت اني مرتاحة اوي هنا في مدونتك
اه والله
ديما كنت بدخل عندك اشوفك منتشر في المدونات
لكن صراحة مكنتش بعلق كتير
او مكنتش بمر بجد عليك يعني امر واقرا بفهم
صراحة انا بعتذر لده
معرفش حسيتك اخويا الصغير اوي
وصعبان عليا كمان زعلك ده
فرفش بليز
وصدقني لما افوق من الفرح واليوم ده يعدي علي خير
اوعدك يا ريس اننا نشوف حل عشان نمحيلك الذاكرة
يعني ممكن نكهربك او نشيلك ضوافرك
انشاء الله
تحياتي ليك
واديني اهه بضيفك في ماي فيفوريت

kochia يقول...

انت خليتها مسرح جريمة وطعنات واضرحة
و و و و

بس الميزة انها ذكريات
يعني ممكن نقفل عليها بقفل مصدي كبير ونرميها في البحر مع طوبة كبيرة اوي عشان تغرق متطلعش تاني

تحياتي

semsem يقول...

ياه يا محمود
كل ده فى قلبك
واضح انك كنت بتحبها بجد
الحب اللى بجد ده
بس تعرف عيد حساباتك كده
وافتكر كويس
هتلاقى نفسك انت الكسبان
كسبت ربنا ده اولا
كسبت نفسك,,,والله الحب ضعف وعمى كمان وبيخلى الواحد مش شايف ادامه اصلا
-بص لمستقبلك وحياتك
واتنفس نفس عميق كده
دي مش نهايه الدنيا
وهتحب تانى وهتتجوز زوجه صالحه بجد تراعيك وتحبك ,,,
وقلبك الزمن هيداويه
وادعى ربك كتييييييييييير
الحياه متستهلش يا محمود
الله يعينك
بجد زعلانه اوى علشانك
خد بالك من نفسك
وقول لنفسك بصوت عالى هى اللى خسرتنى
وبس

الميكروباص يقول...

أغلق الموضوع يا بطوط
القصه انتهت
ومعاناتك ستأخذ فتره
وكله مع الوقت بيعدي
إذا كنا بننسى احب الناس لينا بعد ما يموتوا
الزمن قادر على تغيير الكثير

موناليزا يقول...

لاتفعل يادكتور
مش عايزين تلاكيك وماتبينش الحالة دى ليها مهما حصل
وتاكد انك ستحلم حلم جديد وحينها فقط ستتذكر حلمك القديم وتضحك انك تمنيت رؤيته فى يوم من الايام
كن اقوى من كده

Asmaa mahaba يقول...

بطوط اول مره تقريبا اقرالك حاجه زى دى
بص يا بطوط فى مثل قديم بيقولك قطمه ولا نحته متسمحش لنفسك حتى بالحلم
وبعدين الحلم بيكون حلم بشىء جميل اللى بتعمله دا اشبه بالكابوس...فانتبه حتى لا تقع تحت طائله السراب
تحياتى ليك سومه_87

Princesa ... WHiSPeR يقول...

الحب بياخد معاه كل الاحلام ويضرب بها عرض الحائط
يا بيجيب حقيقة احلي منها
يبا بيجيب صخرة جافة تتكسر عليها كل احلامنا

بس ماحدش بيقدر يرجع لحلمة القديم تانى
كل لحظه وليها احلامها ومتطلباتها
بس اكيد اكيد الحلم الجديد هيكون احلى
بس لو عرفت تحلمه
وعلى فكرة الاحلام مش سهله خالص

هو صحيح صعب على اللى حب من قلبه انه ينسي
بس فعلا مالهاش حل غير النسيان
وفي الزمان افضل ترياق

Mahmoud البطراوى يقول...

سارة على

كلماتك دى؟؟!!
حلوه اوى اوى اوى

دايما كده جمال تعليقك بيخبى موضوع
D: حقد بقى
ههههههههههههه

----------------------------

original heart

من هنا ورايح هيكون فى رقابه شديده

شكرا لتعيلقك وتشريفى بالزياره

-----------------------------

روز

انا ملخبط نفسى
انا متلخبط والله بجد!!
انتى مش قاسيه خالص وكلامك ده انا بنفذه بالفعل وده رأيي والبكاء ع اللبن ملوش لزمه بس عادى يعنى بيجى وقت الواحد بيكون عايز ينفس

وهحلم حلم جديد
متقلقيش انا كويس دى لحظه ومرت

------------------------------

مها زين

انا بقيت فى الفيفوريت عندك
دا يوم سعدى

دا زيارتك ليا يوم سعدى .. كمان انا فى الفيفورت دا انا كده عديت

موضوع النقطه معلش انتى شايفانى زعلان
هههههههههه D:

الفرح الجاى بقى

ربنا يجعل ايامك كلها افراح قولى امين

-------------------------------

kochia

فعلا الميزه انها ذكريات

جمله جميله اوى
شكرا على النصيحه
ونورتى المدونه

--------------------------------

سمسم

انا كسبت نفسى فعلا

شكرا على الزياره يا سماسم


------------------------------

لورنس العرب

الموضوع مقفول فعلا بس ساعات ضعف وبتروح معلش اسمتحلنى

نورتنى وكمان لى سؤال ايه الفرق بين الميكوباص والتوك توك والاتوبيس لانى مش فاهم ليه هم تلاته؟؟!!

--------------------------------

موناليزا

لا مش هتصل دا كلام بينى وبين نفسى وخلاص

انا مش اهبل للدرجه دى

---------------------------------

سومه .. مجنونه فى بلد عاقل

اول مره تشوفينى كده؟؟!!
انا بعرف ابكى وبعرف اضحك

---------------------------------

la Princesa ... WHiSPeR

ملهاش حل غير النسيان انا عارف
قادر ؟؟... لأ
بس اكيد هقدر

------------------------------

سارة على

علم وينفذ بس شويه كده

حسن حنفى يقول...

موضوع جمييييييييييييييل
وبوست مميز
يا رب يباركلك
تقبلوا مروري

الساحرة يقول...

مش كل احلامنا بتحقق


اللي فات فات وفي ديله

سبع لفات هههههههههه


مدورش علي احلامك القديمه

احلم احلام جديدة

وانسي وعيش حياتك

تحياتي

Maha Shahen يقول...

انا حسيت انى شايفه موقع كبير مليء بالغرف وكأنى رأيت مكان الحادث الذى وصفته بكل دقه تفاصيله الرائعه
تحياتى لقلمك الرائع وتعازيا في ذاك القلب الملغم

حمامة يقول...

جميلة يا دكتور بجد :)

قلوبنا ما هى الا جراح .. خطوط .. شخبطه
نفقد خلالها الكثير من التفاصيل
إن لم تتمكن من استعادته
فلتصنع أنت حلم ولكن حلم تتمكن من تحقيقه

:)

فاتيما يقول...

كل واحد بيدخل قلبك
بيخرج منه و معاه حتة
مينفعش يسيبها وراه
لأنه هتكون مسمار جحا
و مش هتعرف تخرجه أبداً ألا بخلع المسمار
و دا يستلزم كماشة و قوة عضلية و خناقة و دوشة و لمة و هم ما يتلم ...
الحلم مش مقصور على حد بعينه
و القلب الجميل دا بكرة يترمم و يتظبط
و يتركبله منظم و يدق احسن من الاول كمان
و ساعتها هيحلم احسن من الاول
ميت مرة
قلبى معاك
و مع قلبك
و أنا واقفة ورا الخط الأصفر أهو عشان اخلى بالى عليك أنا و كل احبابك اللى بييجوا هنا
خد وقتك لحد ما الكل يلم حاجاته
و المكان يرجع زى ما كان
و هتستغرب منه لدرجة أن اللى هيعدى عليه مش هيصدق أن حصل هنا جريمة فى يوم ما ....
نعمة النسيان يا محمود
نعمة النسيان
البوست دا جميل
و رقيق قوى
حالة مختلفة شوية

Rosa يقول...

يااه يا بطوط
وجعلي قلبي البوست ده قوي
بغض النظر عن الفكره الأكثر من رائعه في طريقة عرضها
لكن البوست بجد مش عارفه اقلك ايه
مش هقلك غير جمله و احده انا مؤمنه بيها تماما
من لا يقدر حبنا و عطائنا لا يستحق لحظه واحده من التوقف امامه بجد
و الانسان الي قلبه ومشاعره صادقين مش هيلاقي في النهايه غير قلب زيه بجد يعوضه كل الخير
فقط مايتخلاش عن حلمه جواه و ايمانهالشديد انه في يوم لازم هيلاقيه
اتمنالك كل الخير و السعاده :)

دعاء مواجهات يقول...

يااااااااااااة

مش عارفة الكلااام لية مأثر معايا أوى

وادانى فكرة قصيدة لازم تشوفها لما اكتبها

لو حصل واتكتبت حلو يعنى

موجع هو الكلام

موجعة هى الحقائق

موجع هو الألم

موجع هو الصدق

موجعة هى الخيانة دائماً

تحياتى ليك..

بنت مصريه يقول...

هو مين اللى مات
انا تهت يا بطوط
انت بتتكلم عنك ولا عن ناس تانيه
ولغم ايه انت بتحب ارهابيه يابنى

بس بصراحه انت فكرتنى بمحمد صبحى ف مسرحيه كارمن تحس ان الاحداث عامه بس تطلع شخصيه ولما تحس انها شخصيه تطلع عامه

وده ف حد ذاته ابداع
احييك عالبوست الهايل يا بطوط

بنت مصريه يقول...

على فكره سيبك منها مهما حصل اوعى تكلمها ...........خليها هى تحس بقيمتك
البنات بيتمرعوا لما يحسوا بالاهتمام فيه نوعيه كده بجد وتحب الواد التقيل
اسمع كلامى يا محمود

سمر الشافعى يقول...

عزيزى محمود مش اول مره ليا فى مدونتك ضحكتك عندك كتير قبل كدا ومكونتش بعلق بس اول مره ابكى هنا البوست وجعنى وردودك على التعليقات وجعتنى اكتر معنديش اللى اقوله اكتر من اللى قبلى قالوه غير انى اتمنى يجى الوقت اللى الاقيك كاتب عن حب جديد حب مكتوب ليك عند ربنا ومكتوبلك تكمل معاه حياتك بدل الحب اللى مكانش من نصيبك

من كل قلبى بتمنالك الخير والسعاده والفرحه

اربعين سنة ستيوتند يقول...

لا تعليق
الكلمات لجمت لساني

Mahmoud البطراوى يقول...

حسن حنفى

شكرا ليك ونورتنى

----------------------------
الساحرة

انا عارف انى بكره هحلم احلام جديده
بس من حقى ابكى شويه ع القديمه

تحياتى لك
-------------------------------

نور شاهين

اعتبر ده مدح؟؟!! :)
انا بس كتبت الى حاسس بيه

شكرا ليكى

--------------------------

حمامة

منتظر اقدر واكيد قريب جدا
وبطريقه صح
:)

--------------------------

فاتيما

الرقيقه دائما , والقلب الحنين دايما
يا بخت يوسف بيكى بجد

انا عارف ان كل شئ هيكون احسن بس هى مسأله وقت

ولحظات ضعف بتيجى تنكأ الجرح القديم

شكرا لانك انتى

--------------------------------

سمسم

علم وينفذ

------------------------------

rosa

الجمله الى انتى مؤمنه بيها سهله اوى

صعبه جدا فى التنفيذ
ان شاء الله ربنا هيعوضى
دعواتك

------------------------------

دعاء مواجهات

انا منتظر القصيده بفارغ الصبر
يااااااااارب تكون رائعه زى باقى اعمالك

-------------------------------

بنت مصرية

"وده ف حد ذاته ابداع "؟؟!!
طبعا قصدك بتاع محمد صبحى D:

وشكرا ع النصيحه انا هعمل بيها

نورتينى

--------------------------------

سمر الشافعى

انا فرحان جدا بزيارتك لى بجد

واسف انى ابكيتك بجد مكنش قصدى
الظاهر انك تفاعلتى مع الحكايه

اتنى ليكى التوفيق دايما

تحياتى

---------------------------------

اربعين سنة ستيوتند

نهى انتى غيرتى اسمك ليه؟؟

طالما معلتقيش بقى
:)

Asmaa mahaba يقول...

ايه يا بطوط انت شكلك كارهنى يعنى لو عشان انا احلى منك شويه قول برضو .
وبعدين جاى تزعلقلى ليه فى المدونه وتقولى شمس وبصبصه وفيدو كليب
وواخدين فرص الرجاله وانا من الهند
:((
مستنياك فى المدونه حتلاقى تعليقين باينها ليله مش فايته وفيها خناقه
سومه_87

غير معرف يقول...

انا متأكده من كده :)

سارة علي يقول...

ازيك يا دكتور محمود
امتى هتنزل البوست الجديد بقى ؟ سورى على تطفلى انا حبيت اسال بس
تحياتى

ساعد نسرين الايمن يقول...

لغم
حرام عليك
انا مش شفت حب متفجر زي ده قبل كده
رغم انني شوفت كتير
عاجبني ان بصماتك كانت تملا المكان
بيمنا انت تتوسل كي تعيد لك الحلم فقط
ريشتك رقيقة اوي يا اخي
سلمت يداك يا اخي

Unknown يقول...

تجربة شخصية او قطعة ادبية مش مهم المهم انها مذهلة...........

المـــفـــــــقــــــــوعـــــة مــرارتـهــا يقول...

اسلوبك في البوست ده يابطوط في منتهي النضج
بجد رائع

غير معرف يقول...

بوست صادق اوى يادكتور عشان كدا وصل للقلب مباشرة وابكاه
فعلا هو وقت ضعف بس بلاش يطول وربنا معاك
احسااس صعب لما تكون مسلم كل اسلحتك ومش متوقع الهجوم
احلم من جديد مادام هتبدأ يوم جديد
ماهو لو بطلنا نحلم نموت عجبنى اوى تعليق فاتيما على البوست دا
فعلا خد وقتك فى لملمة جراحك وداويها وهيرجع المكان -قلبك - زى الفل
تمنياتى ليك بالتوفيق يادكتور

Mahmoud البطراوى يقول...

سومه...مجنونه فى بلد عاقل

كارهك؟؟ انا لسه هكرهك :)
هوا انا اقدر برضه؟؟!!

بس هقدر ولازم لو فضلتى مصممه على رأيك
---------------------------------


روز

وايه الى خلاكى متأكده :)

---------------------------------

ساره على

سؤالك بيخلينى اشعر بالسعاده بجد
بس انا معدل نشرى للبوستات بطئ نوعا ما
انا معنديش موهبتك دى معلش صبرا

-----------------------------------

ساعد نسرين الايمن

شكرا لكلامك الرقيق
تحياتى

------------------------------------

enjy

شكرا ليكى بجد

------------------------------------

المـــفـــــــقــــــــوعـــــة مــرارتـهــا

دى اقل حاجه عندنا :)
انتى عارفه تواضعى

ربنا يخليكى ليا بجد رفعتى روحى المعنويه

--------------------------------------

نبع صافى

احساس مش هيطول ابدا
وشكرا لكلام الرقيق ده
تمينياتى لك بالتوفيق

الامبراطور يقول...

بطوط
ازيك
دى اول زياره لمدونتك
حلوه قوى

تحياتى

The Queen يقول...

عندما يخلص القلب في حبه فانه يترك صاحبه ويصبح ملكا للمحبوب

فلا تطالب برجوعه فلن يعود اليك ملبيا طلبك ، انتزعه بقوة بانفجار جديد فهو من حقك

ما شاء الله الفكرة عجبتني جدا ووفقت في عرضها بشكل ممتاز

تحياتي لك

غير معرف يقول...

نفستى تعبت يا بطوووووووط
و الله نفسيتى تعبت جدااااااااااا
ربنا يستر

maha zein يقول...

عم بطوط
انت فين يا جدع
طب اتفضل استقبل السلطانية الي بعتهالك
يا ريت تجاوب عليها عندك بقه عشان اعرفك اكتر
شوف بقه يا جدع انا مظبطاك اذاي

Mafrousa يقول...

ازيك يا بطوط
انا هنا...و فى الضاحكون..حكون فين يعني
بس البوست انا قلتلكم لا تعليق انتو علقوا براحتكم اصلى اتفرست يابني من ان الضرايب اتشالت من الحفلات....و اتحطت على المنتجات الغذائيه حاجه تجن و تفرس
ما علينا

قلبك لما انفجر..تناثرت منه الشظايا فى كل مكان
و الشظايا بتجرح كل ما توصل إليه
و القلب المفتوح ده....بيبقى قلب فاضي
عايز تعقيم مستمر.....علشان مش يتلوث
و الجرح حيلتئم لوحده
زي ما بتخلع ضرس...مسوس
و انت بتخلعه اتفتت فى الكماشه
و بقيت تطلع الفتافيت بتاعته من اللثه
و تفتح اللثه بالمشرط علشان تنضف
و بعدين بتحط مسكن و مضمضه طبيه علشان مش يتلوث... و بتنصح المريض بإيه؟؟؟؟؟؟
طبعا هوه حيحس بألم جامد و حياخد مسكن و يمكن يسخن و باخد انتيبيوتك
لكن بعد شويه الجرح حيلتئم....


اما حلمك...فموجود فى قلبك
مش فيها خالص
و بدليل ان حلمك حتشوفه فى واحده تانيه و ساعتها حتستعجب
إزاي ده حصل؟؟؟؟؟؟
لان حلمك جوه قلبك....مش فيها
بكره لما يلتئم الجرح
وتقابل واحده تانيه..حتلاقى حلمك...و تقول مفروسة قالت الكلام ده

سلام يا بطوط

اااه قبل ما انسي
عادي حكاية انهم ياخدو اسماء و ارقام بطاقات المعتكفين...علشان مافيش حد يندس فى الوسط

تبقى تدعيلي يا بطوط
و سلملى على مامتك و اختك

Asmaa mahaba يقول...

يا الله عليك هو انت يا معاك يا ضدك
وحصلت تكرهنى لو صمصمت على رائيى
على فكره انت بتفكرنى بواحد بعتبره زى اخويا من الاخر ابن خالى يعنى
فضلنا نتناقش مره من تسعه مساء انا وهو وبنت خالى لحد سته الصبح يقولى شغل المراه حرام وانا اقوله متقنعنيش.....لا مش حرام ..]قولى خلاص يبقى مش مستحب فى الزمن دا....
وانا حجر صوان....
اخر ما زهق منى قالى اسماء قلتله نعم يعنى انى عاوزه تشتغلى اما تخلصى قلتله لا هو انا غاويه وجع راس ...
لاقيت وشه بقى اكس اوو زى ما انا متخيلاك دلوقت.....وعينه احمرت وطبق الترمس لزق فى وشى عدل...
تحياتى ليك سومه_87

Empress appy يقول...

بص لقدام دور على الحلم فى مكان جديد
اوعي تسيب نفسك للى فات
هتتالم
قاوم قوي

عالم ماريونت يقول...

انا هقول اهو حاضر براحة عليا شوية انا لسة نايمة
ده اول مرور ليا وبجد كلامك رائع انا بس عايزة انصحك انك لازم لما تحب تحب براحة وتحتاسب على نفسك اوي عشان متتجرحش
ربنا معاك

RASHA يقول...

بطوط الحبوب مش اناملك اللى بترسمها ده قلبك عشان كده كل مرة بتطلع الصورة صورتها هى مشاعر جميلة احييك عليها

آه وكفى يقول...

ايه ده انت بتعرف تبئى كده
لا والله انا وخده عليك بطوط وشقي وكده ايه الكلام الكبير ده في ايه يابطوط انت مش بطوط انت ديك رومي
خخخخخخخخخخخخ
حلوة التدوينة دي يابطوط عجبتني

ميرام يقول...

رائع ..
بجد..
كل يحرف يجذبك .. حتى آخر حرف
(حاسه اني بعمل اعلان عصير)..
لا بجد ..
قمة الروعه ..
اسلوب جميل .. بسيط وسلسل .. ومشاعر صادقه..
تحية لهذا الابداع ..
بانتظار الجديد ..
تحيــــــــــاتي

غير معرف يقول...

بص يا ابنى

اولا ازيك؟ .. انت كويس؟

ثانيآ .. كل اللى بتعدى بيه طبيعى جدآ .. و كان لازم تمر بيه ببساطة لانك حد كويس و بيحس ..

الحنين مرحلة لازم تمر بيها بس لو اتغلبت عليها حاتكون انتصرت على ضعف انسانى موجود فى كل البشر ..و كمان حتكون انتصرت فى جهاد نفسك


الحلم اللى نفسك تلاقيه فيه ناس كتير بتدور عليه .. عشان هيا دى النفس البشرية و دا نوع من الضعف الانسانى .. موجود فينا كلنا ..و دا اللى بيخلى اللى جواك قلب مش حتة حديدة

و متنساش ان الشيطان هوا اللى بيخليها هى بطلة الحلم اللى بتدور عليه .. و بيصورلك ان قلبك اصبح اشلاء -ايه اشلاء دى- فاكر لما كنت بتقولى ان اللى بيضيعنا الكلام الكبير اللى بنقوله؟.. هوا دا اللى بيهول كل المشاكل مهما كانت بسيطة


و فى الاخر .. بمنتهى الامانة لازم تحلم حلم جديد -زى ما روز قالت- عشان الدنيا و الله مش بتقف عشان خاطر حد ..-واللى بيفكر كدة حد ساذج جدآ-
و لازم تفكر ان الطرف التانى-هيا- بتفكر كدة .. لان دا ممكن يفوقك قبل ماتتوجع بزيادة

والله اللى هينفعك مستقبلك .. ركز كويس فيه عشان خاطر ربنا و بعدين عشان خاطر بطوط و طنط ام بطوط .. انت نسيت موضوع الزمالة و لا ايه؟!!

(:

Mahmoud البطراوى يقول...

هيليوم
انتى حد جميل اوى
وطنط ام بطوط بتسلم عليكى
حلوه ام بطوط دى
ههههههههههههه
وبجد شكرا على كل كلمه فى تعليقك

غير معرف يقول...

Touche. Great arguments. Keep up the great effort.


my website: move next