2008/03/03

ابى فرح مثل الاطفال وتركنا نموت قهرا







اتذكرك وانت تطرق الباب مسرعا .. نفتح لك بسرعه , على وجهك ابتسامه كبيره بل ضحكه تملا وجهك , حين نراك نظن انك حققت اعظم انتصار فى تاريخك .. تتجه نحو { التلفيزيون } تغير المحطه الى القناه الاول لتسمع نشره اخبار التاسعه .. سبحان الله تفتح على الخبر مباشره




اتذكر الخبر وكأنه حدث بالامس [ موت عشره ومئات الجرحى اثر تفجير عبوه ناسفه فى بار فى تل ابيب وحماس تعلن مسئوليتها عن الحادث ... خميس ابو العافيه التليفزيون المصرى قطاع الاخبار ].




تضحك كطفل وتظل تردد الله اكبر الله اكبر , شوف يا محمود بتوع حماس والله رجاله , ربنا ينصر المسلمين يااااااارب , قول يا محمود .. كنت اردد ورائك بمنطق طفل




اتذكرك وانا انام على ذراعك فى حجره نومك وانت تحكى لى قصه محمد الفاتح وخالد بن الوليد وكيف فتح عمرو بن العاص - رضى الله عن الجميع- مصر




اتذكرك وانت تحكى لى عن يحيى عياش ( المهندس) واتذكر الفيلم التسجيلى الذى رأيته عشرات المرات على الفيديو كنت تتكلم وعينك بها ما لم افهمه ربما الى الان


اتذكر اجتياح للجيش الاسرائيلى - لقطاع غزه كما اظن- وارى على وجهك الحزن وكأنك دفنت ارحامك جميعا اليوم تقول ان شاء الله هترد حماس.. يتأخر الرد.. اجئ اليك واسألك بمنطق طفل




ليه يابابا حماس مردتش؟؟؟ تاخذنى فى حضنك تقول لى يا حبيبى الامور مش سهله اوى كده وتحكى لى كيف يصل السلاح الى المجاهدين وكيف يخططوا للعمليه




اتذكر جلساتى مع نفسى وانا اقول ليفعلوا ما يقدروا عليه حتى اذا امتكلك رقابهم لا تأخذنى بهم رحمه




هل انت من زرعت هذه الثقه - فى امتلاك رقابهم- ام انه كان مجرد تخيل طفل




بعد يومين حماس ترد يا ابى !!!!!! موت اسرائيلى وجرح اثنين .. تفرح انت .. احزن انا فلم يكفينى الرد




اظل اتجادل معك وايه يعنى موت واحد وجرح اتنين هم دول حاجه؟؟ ده مش رد




تظل تكلمنى ان مجد الاسلام قادم




اتذكرك فى رمضان بعد الفجر وانت تقرا معنا جزء القرءان ثم تظل تدعوا للمسلمين فى كل العالم .. اتخيلك الان تدعوا لهم وكانك كنت تدعوا لهم باسمائهم هل كنت تعرفهم جميعا؟؟




تفرح حين اقول انى اتممت حفظ كذا من القرءان تقول لى هذا يغيظ اليهود




مازلت اتذكر شكل ابتسامتك - التى وصفوا لى مثلها وانت تنطق بالشهاده وانت تسلم روحك لبارئها




لكنى اسألك هل اخترت يوم موتك؟؟ ما عدنا يا بى نجرى على الاخبار وما عاد هناك خميس ابو العافيه ... ما عاد هناك رد يا ابى وما عدنا نضحك مثل الاطفال


هناك 41 تعليقًا:

فتافيت سكر يقول...

السلام عليكم

الموضوع اسلوبه عجبني اوي

فعلا ولا بقى في رد ولا حتى اي رد فعل الدنيا حوالينا تقوم وتقعد ولا كانه في اي حاجة بتحصل .. اصلا معظم الناس مبقتش تشوف نشرات من اصله خصوصا نشرة التلفزيون الارضي دي

مجداوية يقول...

نعم ,,كل شىء يتغير ما عدا مبدأ التغيير ذاته و هذه الحقيقة المؤكده تؤكد أن هذا الوضع لا يمكن أن يدوم فلا تيأس ولا تحزن فلا بد أن يختبر ايماننا وكل ما تراه حولك من علو صوت الباطل وقوة الشر و جبروت الجبناء والتخاذل والصمت العاجز من حكامنا كل هذا فتنة لنا واذا كنا نكتفى لقلة حيلتنا الآن باضعف الايمان فنعبر بالكلام والغضب والحزن فقط فسيأت اليوم الذى يرد عليهم بالفعل و قد نحضر هذا اليوم وقد لا نحضره لكن ساعد فى أن يأت قريبا فالله ينصر من ينصره,,احييك على أسلوبك الجميل وجماله فى هذا الشجن الذى بين سطوره

قبلة الحياة يقول...

دائما يأخذنا الحنين والشوق للحظات كنا نعيشها ونتمنى الآن ان ندفع اعمارنا مقابل لحظة واحدة تعود فنعيش احداثها من جديد

اخي المحترم والجميل بطوط ربنا يرحم جميع موتى المسلمين ويجمعل المسوى جنه الفردوس باذن الله

الايام ما عدشي هي الايام .. ولا الاشخاص .. نفس الاشخاص

للاسف كل يوم بنفقد شيء ليست الخسارة الارواح فقط بل انسانيتنا الى أن ننقرض

مش هيبقى في شيء ممكن نبكي علي فقدانه
مادام شهدائنا اصبحوا مجرد ارقام واعداد حسابيه مجرده تكتب بالصحف وتذاع بالنشرات لم يعد يشعر العربي بأدني مسئوليه ان وراء كل شهيد اسره واطفال لا يريدون شيء سوى الحريه .. الحريه فقط لا غير

فرنسا هانم يقول...

ستظل قصه محمد الفاتح وعمرو بن العاص وبطولات خالد بن الوليد
شاهدا على عظمه اسلامنا وحضاراتنا الاسلاميه
رحم الله مواتنا وموتى المسلمين جميعا
وانا لله وانا اليه راجعون

مها يقول...

كلماتك أوجعت قلبى..
كم كان والدك عظيماً يا محمود.. رحمة الله عليه. لكن رغم مرارة اليوم مقارنة بالأمس تأكد من أن نصر الله قريب. لقد أصابتنى أخبار ما تتعرض له غزة الآن فى مقتل .. ولى بعض الأصدقاء هناك وقد اتصلت بهم وهالنى ما سمعت فما نراه على شاشات التليفزيون أو نقرأؤه فى الصحف لا يقارن بما يحدث فى غزة بالفعل .. كل شارع فيه ما لا يقل عن 10 مآتم .. فى كل بيت عزاء .. فى كل بيت شهيد .. معهم نقود لكنها بلا قيمة فالمريض يموت أمام أعينهم دون أن يتمكنوا من شراء الدواء له .. يجوع الطفل فلا يجد علبة لبن تسد رمقه .. المستشفيات عن آخرها .. لا يوجد مكان ولو على الأرض لإسعاف مصاب .. والدواء بها شحيح .. و.. و.. مآسى تمزق القلب .. ورغم كل هذا .. فمازالوا على يقين من أن نصر الله قريب.. وأسألهم وإحساس العجز والهوان يقتلنى: كيف نمد أيدينا لكم فيقولون: ادعوا لنا على البعد بالثبات .. (اللهم أعنهم وثبت أقدامهم وسدد رميتهم .. ونصر من الله على الأعداء الكافرين النجسين قريب .....قال تعالى :"إنهم يكيدون كيداً وأكيد كيداً فمهل الكافرين أمهلهم رويداً"....)

رجاءً ..لا تنسوا اخوانكم فى غزة بالدعاء.. اللهم اجعل شهيدهم فى عليّين .. وعدوهم فى سِجّين .. اللهم انصرهم وثبتهم وآمنهم من الخوف ..
اللهم آميين

Che_wildwing يقول...

رحم الله والدك
وأسكنك معه ومع شهداء حماس جنات عدن

S H A H يقول...

رحمة الله عليه

دايما الذكريات الجميلة دي بتفضل معانا طول العمر

HeBa يقول...

بوست أكتر من رائع

بجد وجع لي قلبي

ربنا يرحم والدك يا محمود .. كلامك بيدل على أنه كان شخصية عظيمة جدا وكان فعلا بيحرص على أنه يربي أولاده بطريقة سليمة

وما تقلقش يا محمود أكيد في يوم من الأيام هنرد وحكايات محمد الفاتح وخالد بن الوليد مجرد ذكريات نتكلم عنها بس

هكذا أتمنى

تحياتي ليك ولأسلوبك المتميز

Empress appy يقول...

ايه ده لا بجد مش مصدقه عنيه
اولا ربنا يجعلك والدك ممن هم فى الجنه انما انت طلعت مووووود كبير بس بسم الله ماشاء الله عليك
ربنا يحميك
طيب هو زمانا ده مش هيبقى فيه ابطال ولا هيفضل كده على طول
انا خلاص مبقتش عارفه مين صح ومين غلط

بطوط حبوب يقول...

امانى وياسمين
وعليكم السلام
وشكرا على المرور والكلام العثل الى فى الكومنت
واتمنى متكنش اخر مره
---------------------------
مجداويه
اه كل شئ بيتغر بس للاسف للاوحش
اشكرك على المرور

----------------------
قبله الحياه
هكتب لك كلامك زى ماقاله فاروق جويده على لسان ولاده فى مسرحيه الامير العاشق
الارض يملؤها البشر
كنها ما زلت تصيح
اين الرجال ؟ .. اين الرجال

---------------------------
فرنسا هانم
ستظل نعم لكن هل سنفتخر بغيرها قريب العهد بنا اظن ان هذا هو السؤال
---------------
مها
اللهم امين امين
رحل خميس ابو العافيه واستبدلنا به خميس الف شهيد ارجوا ان تفهمى المعنى
ولا تعليق
-------------------
شى ولدنج
اللهم امين واياك
---------------------
شاه
شكرا ع المرور
-------------------------
هبه
اتمنى يجى اليوم ده بسرعه
------------------
ابى
كل ده ايه يا ينتى امل بتسمى الى بتعمليه ايه ؟
احنا نيجى جنبك فييييييييين.؟؟؟؟
ومفيش صح انما فى غلط

الـسـيـدة نـون يقول...

الله عليك
بجد اسلوبك يأسر القلب
الله يرحم والدك ويدخله فسيح جناته
وواضح ان والدك ساب وراه رجالة
وان شاء الله هيجى علينا يوم ونرد
ومش هنتأخر تانى على الرد

تحياتى ليك
اختك خيخة

jessy88 يقول...

اه والف اه فتحت على جرحى كلما قرات عن صلاح الدين فاقول كما تقول ولكن بصيغة اخرى(ذهب صلاح الدين ...اين هو اين خليفته ... وحشنا والله)
وبعدين اصلا دلوقتى اللى يتفرج على التليفزيون يا هيتجنن يا هيطق يا هيتألم ويتحرق دمه....

barbie girl يقول...

البقاء لله

وربنا يعز الاسلام

عندما نبدأ نحن فى شراء عزة انفسنا
ونتخلص مما فى قلوبنا من امراض

المتمردة يقول...

ربنا يرحمه ويرحم اموات المسلمين جميعا...عارف انت ممكن تعمل كدة مع اولادك يعنى تعوض روح الحب والتجمع الاسرى وروح الاب الطاغية على المكان ..... تحياتى ليك ولذكرياتك الجميلة

MarwaAshraf يقول...

أحيانا أتخيل أننا نعيش في بلد الأموات مهما تصرخ أو تنادي لن يتحركوا لأنهم أموات

ولكن.. دورك حتى تلقاه أن تسير على نهجه علك تستطيع أن ترسم البسمة على وجة الأطفال من جديد ولعل هناك من ياتي بعدك ويسير على نفس الدرب .. ثم من يدري؟؟؟

:)

رحمه الله والدك والمسلمين أجميعن وجمعك به في الجنه

Unknown يقول...

ما عدنا نضحك مثل الاطفال
انا وقفت عند الجملة دة قوى مش عارفة لية يمكن لانى فعلا كنت بحس بحزن ملاء العالم كلة فعلا احنا بنحاول نبتسم بس فعلا ضاعت منا براءة الاطفال وضحكتهم يمكن علشان كدة ملينا الدنيا دما ر
احييك على الموضوع واسلوبة الشيق

حمامة يقول...

ربنا يرحمه ويجمعك به ف الجنة
وينصر اخوانا المجاهدين فى جميع انحاء العالم

:)

المـــفـــــــقــــــــوعـــــة مــرارتـهــا يقول...

رحم الله والدك
ده كفاية انه عرف يربي إنسان متزن ذيك

بطوط حبوب يقول...

بنت خيخه

طب احنا بالذمه نيجى جنبك فين؟
والف شكر على المرور ونتمنى يتكرر
------------------------
جيسى
فعلا حاجه توجع بس الظاهر اننا جيل انكتب عليه يتوجع فى كل حاجه
------------------------
باربى
اللهم امين
------------------------
المتمرده
اجوز بس ويجوا العيال وبنقى نشوف هنعمل ايه ههههههههههههه
------------------------
راما
يااااااااارب
------------------------
ايويه
اسعدنى جدا وقفك على الجمله دى بالذات لانى فعلا كنت حاسسها اوى وانا بكتبها
------------------------
حمامه
والمفقوعه

اللهم امين

الفارس الملثم يقول...

مش عارف اقولك ايه محمود , كأنك بتحكي عن والدي الله يرحمه ,كان هو من عرفني يعني ايه سياسة كنت في البداية اشعر بالضيق من اصراره علي متابعة نشرة الاخبار عندما يصادف ميعادها احد المسلسلات ثم اصبحت اتابع مثله وكنت حينها اعشق ان اختلف معاه في القضايا السياسية وكأن اختلافي معاه يشعرني اني كبرت وكان هو دائما يتحملني

حقيقي موضوعك نكأ جروح الذكري مرة اخري ..

تقبلي مروري محمود

Unknown يقول...

بطوط الحبوب
ايه يا بنى المكتوب فوق ده

( ياطير يا طاير فى السما طز فيك )

طيب انت متضايق من الطير ليه عملك حاجه ولا انت متغاظ علشان انت مش حر زيه وانت محبوس فى القفص وهو بيجرى ويتنطط من شجرة لشجرة

وبعدين مالك ومال خميس ابو العافيه

تعرف تقولى
طارق عبد الجابر راح فين
وحشنى والله الراجل ده

على العموم
انا سعيد بزيارة مدونتك الاولى وان شاء الله لن تكون الاخيرة
فى انتظار تواصلك معى

دكتورة سنان يقول...

ماهو الرد هيبقى على مين ولا مين ولا ميييييين
امريكا ولااسرائيل ولاالدنمارك ولا حتى اخواتنا العرب؟
انا حاسه ان خلاص القيامه قربت اوى
ربنا يرحمنا جميعا ويعوضنا بالجنه

nigro يقول...

انت جميل أوي يا محمود
عارف لما تشوف حاجة جميلة و ما تعرفش توصف اعجابك بيها و يبقى مافيش غير كلمة واحدة هي اللي تعبّر عن اعجابك ده
الله

dina seliman يقول...

مدونه جميله
وموضوع اجمل
واذا كان على اللى بيجرا خلاص مبقاش جديد بقينا بنسمع موت مئات الاشخاص
كأنها شئ عادى
لقد اعتدنا على هذا

Desert cat يقول...

فعلا مبقاش فى خميس ابو العافية ولا قطاع الاخبار
بس لسه فى حماس ومسكت السلطة وسابت اليهود اللى والدك كان بيدعى عليهم فى كل وقت وبتقتل فى الفلسطنين الفتحاوية
اظن باباك لو كان لسه عايش كان موقف اتغير
الله يرحمه ويسكنه فسيح جناته

simple girl.. ..simple dream يقول...

ياريت فعلا الاب يتكلم مع اولاده فى المواضيع دى ويفهمهم حال اخواتنا فى فلسطين وكل البلاد المتاكل حقها
لكن الا بتهيألى ان الاباء مش بيكلموا ولادهم فى اى حاجة من دى اساسا

Lobna Ahmed Nour يقول...

بسم الله

اولا .. مدونتك جميلة وموضوعاتك هايلة

ثانيا .. "ابى فرح مثل الاطفال وتركنا نموت قهرا"

مش ذنبه ( رحمه الله ).. كتير بنلوم الناس الجميلة اللي سابونا بداعي الموت لكن الاولى ان احنا نشكرهم علشان منحونا اجمل شيء في الحياة وهو الذكرى الجميلة

ثالثا .. ( ما عاد هناك رد يا ابى وما عدنا نضحك مثل الاطفال ) عندك حق والله

رابعا .. البوست ده رائع بيفكرني بزمن جميل

تحياتي

Marwa Friday يقول...

محمود..
مش عارفة أقول لك إيه؟
بجد مش عارفة
الحنين - رغم حلاوته- بيحمل في طياته مرارة..
الله يرحمه والدك
مصري بجد..
:)
أخبار امتحاناتك إيه يا جميل؟.. يارب تعدي على خير
تحياتي

Rosa يقول...

لكنى اسألك هل اخترت يوم موتك؟؟ ما عدنا يا بى نجرى على الاخبار وما عاد هناك خميس ابو العافيه ... ما عاد هناك رد يا ابى وما عدنا نضحك مثل الاطفال
----------
بجد مش لاقيه كومنت مناسب على البوست ده
بجد مش لاقيه
رحم الله والدك وجعلك كما كان يحب ان يراك و يرضى
و عقبال لما تجي لولادك عنه و تحكيلهم كل الحاجات الجميله الي كان بيعلمهالك

yas يقول...

ربنا يرحم والدك واموات المسلمين
البوست جميل جدا مش هعرف ارد عليه

عروسة ننوسة يقول...

اسلوبك رائع

أحمد سعيد بسيوني يقول...

بسم الله
معذرة على التحليق خارج السرب
ولكن
ثورة طنطا في صور - جديد مدونة البحر
مع خالص تحياتي

عصفور طل من الشباك يقول...

ده إنت هنا فعلا
شيء غريب حولت إمتى وإزاي
منور يا محمود

موناليزا يقول...

الله يرحم والدك ويدخله فسيح جناته ويرحم موتى المسلمين جميعا
البوست بتاعك خلانى اخد بالى من حاجة مهمة ان فعلا الغالبية العظمى بقت بايعة القضية

مروة الزارع يقول...

بوست جميل

مدحت محمد يقول...

والله انتى اكنك بتتكلم عنى انا ووالدى
الله يرحمه
نفس الحوار
والدى الله يرحمه كان يقول من لم يمت بالسيف مات بغيره
وكان ساخط جدا اننا امة معندهاش عزيمة وارادة وحب لامتها واسلامها
تحياتى

مدحت محمد يقول...

ربنا يرحم والدك ووالدى وجميع المسلمين

امين سر يقول...

أنت
يا سارق ياء النداء من حروفي
لماذا أنت مرتبك ؟
نعم أعنيك أنت
ادعوك للإنضمام للفكرة
فانت وحدك .. ذلك الذي لم يأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعال معنا و املأ الدنيا بالضجيج
نظرة على اسرار اون لاين لن تضيرك
و مشاركتك تأكد انها مصدر سعادة لنا
http://asraronline.com/vb/

أميرة يقول...

حرقت قلبى

تعيش وتفتكر

فمن يوجد له أبناء يتذكرونه على مدى حياتهم فهو لم يمت وانما يحيا دوما بين احاديث ذكرياتهم
رحم الله والدك
ورحم أمي وموتانا وموتى المسلمين

بطوط حبوب يقول...

معلش مكنش عندى كلام اقوله بعد كلامكم عشان كده سكت
نورتونى كلكم وسعيد بتعلقاتكم

غير معرف يقول...

انا بقالي كم يوم افتح مدونتك اقرا كم موضوع واقفل
اليوم بالصدفة اجيت لهالموضوع ..
وهو تدوينة عبقرية ..
والاهم اني قررت ارد مش عشان اقولك تدوينة عبقرية لا ..
عشان اقولك الله يرحم والدك ويجعل مثواه الجنة وانه كان رجال الواحد يفتخر فيه وبتربيته وبعلمه .. والرجال في هادا الزم قليل

ألوناتك